జేబు దొంగ (1975)

చిత్రం: జేబు దొంగ (1975) 
సంగీతం: చక్రవర్తి 
గీతరచయిత: ఆరుద్ర 
నేపధ్య గానం: బాలు, సుశీల 


పల్లవి: 

రాధా.. అందించు నీ లేత పెదవి
ఏహే..లాలించు తీరాలి తనివి 

గోపీ నాలోని అందాలు నీవి 
ఓహో.. నీ రాగ బంధాలు నావి 


సరే..పదా..ఇటూ.. 
మనసు పొంగినది..మధువులూరినవి.. 
మమత గుండెలో.. నిండి పోయినవి 


రాధా.. అందించు నీ లేత పెదవి 
గోపీ.. నాలోని అందాలు నీవి 



చరణం 1: 



చెంపల్లోనా కెంపులున్నవి..ఒంపుల్లోనా వలపులున్నవి 
ఇంపు సొంపు మధుర మధురమాయే 
చెంపల్లోనా కెంపులున్నవి..ఒంపుల్లోనా వలపులున్నవి 
ఇంపు సొంపు మధుర మధురమాయే 

నీ పేరే తియ్యనైనది..నీ రూపే కమ్మనైనది 
నీ మనసే చల్లనైనది..నీ తోడే వెచ్చనైనది 

హే..సొగసు ఉయ్యాలలూగిందీ 
ఓ ఓ.. వయసు వయ్యార మొలికిందీ 
రాధా..నాలోని అందాలు నీవి 
గోపీ..అందించు నీ లేత పెదవి 


చరణం 2: 

మేను మేను వీణలైనవి..మెల్లగ చేతులు మీటుతున్నవి 
ఏదో గానం మోగుతున్నదోయి 
మేను మేను వీణలైనవి..మెల్లగ చేతులు మీటుతున్నవి 
ఏదో గానం మోగుతున్నదోయి 
చెలరేగే చిలిపి ఊహలు..పులకించే పడుచు గుండెలు 
చిగురించే కొత్త ఆశలు..పెనవేసే రెండు తనువులు 
ఓ ఓ..వలపు కెరటాల మునగాలి 
ఆహా..మధుర ప్రణయాల తేలాలి 

రాధా.. అందించు నీ లేత పెదవి 
గోపీ.. నాలోని అందాలు నీవి 
సరే..పదా..ఇటు.. 
మనసు పొంగినది..మధువులూరినవి 
మమత గుండెలో..నిండి పోయినది 
రాధా..నాలోని అందాలు నీవి 
గోపీ..అందించు నీ లేత పెదవి 
రాధా...గోపీ...


నీలాల నింగిలో
చిత్రం: జేబు దొంగ (1975)
సంగీతం: చక్రవర్తి
గీతరచయిత: ఆచార్య ఆత్రేయ
నేపధ్య గానం: బాలు, సుశీల

పల్లవి:

నీలాల నింగిలో.. మేఘాల తేరులో..
ఆ పాల పుంతలో..నీ కౌగిలింతలో..
నిలువెల్లా కరిగిపోనా.. నీలోనా కలిసిపోనా

నీలాల నింగిలో... మేఘాల తేరులో..
ఆ పాల పుంతలో ..నీ కౌగిలింతలో..
నిలువెల్లా కరిగిపోనా... నీలోనా కలిసిపోనా

నీలాల నింగిలో... మేఘాల తేరులో..ఓ..ఓ..

చరణం 1:

ఆ నింగికి నీలం నీవై... ఈ నేలకు పచ్చను నేనై
రెండూ కలిసిన అంచులలో.. రేపూ మాపుల సంధ్యలలో

ఎర్రని పెదవుల ముద్దులుగా నల్లని కన్నుల సుద్దులుగా
ఎర్రని పెదవుల ముద్దులుగా నల్లని కన్నుల సుద్దులుగా

మెల్లగ.. చల్లగ...
మెత్తగ.. మత్తుగ హత్తుకుపోయీ
నిలువెల్లా కరిగిపోనా నీలోనా కలిసిపోనా

చరణం 2:

ఆ హిమగిరి శిఖరం నీవై ...ఈ మమతల మంచును నేనై
ఆశలు కాచే వేసవిలో... తీరని కోర్కెల తాపంలో

శివపార్వతుల సంబరమై గంగా యమునల సంగమమై
శివపార్వతుల సంబరమై గంగా యమునల సంగమమై

ఉరకల..పరుగులా ..
పరువములోనా.. ప్రణయములోనా...
నిలువెల్లా కరిగిపోనా నీలోనా కలిసిపోనా



గోవిందా గోవిందా
చిత్రం: జేబు దొంగ (1975)
సంగీతం: చక్రవర్తి
గీతరచయిత: ఆచార్య ఆత్రేయ
నేపధ్య గానం: బాలు, సుశీల

పల్లవి :


గోవిందా గోవిందా గుట్టుకాస్తా గోవిందా
లడ్డులాంటి పడుచు పిల్ల... అహ..లడ్డులాంటి పడుచుపిల్ల... 
అర్ధరాత్రి దొరికిందంటే.. అంత కన్నా షోకుందా... 
ఇంత కన్నా ఛాన్సుందా...అంత కన్నా షోకుందా... 
ఇంత కన్నా ఛాన్సుందా...అంత కన్నా షోకుందా... ఇంత కన్నా ఛాన్సుందా...


గోవిందో... గోవిందా... కుర్రవాడూ గోవిందా.. కుర్రవాడూ గోవిందా
పిల్లగాలికి గుబులురేగి... పిల్లగాలికి గుబులురేగి
పిచ్చిపిచ్చి వేషాలేస్తే.. గూబ గుయ్యిమంటుందోయ్... 
జలుబు వదిలిపోతుందోయ్.. గూబ గుయ్యిమంటుందోయ్... 
జలుబు వదిలిపోతుందోయ్...గూబ గుయ్యిమంటుందోయ్... జలుబు వదిలిపోతుందోయ్

చరణం 1:

దాచేస్తే దాగేది కాదు అందం.. మార్చేస్తే మారేది కాదు రూపం...
దోచుకోను దొరికేది కాదు అందం.. మెచ్చుకుంటే లొంగేది కాదు రూపం...

ఆడపిల్లలింతేలే అడుగుతుంటే బెట్టులే... మెల్లంగ మెత్తబడి పోతారులే ...
కొంటె కుర్రాళ్లింతేలే వెంటబడి వస్తార్లే.. సై.. అంటే వెర్రిముఖం వేస్తారులే
ఆయ్ ఒక్కసారి సయ్యని చూడు.. గోవిందా.. ఆహ.. వచ్చాడయ్యా మొనగాడు గోవిందా


గోవింగో గోవిందా అహా.. గుట్టుకాస్తా గోవిందా...కుర్రవాడు గోవిందా

చరణం 2:

ఇమ్మంటే ఇచ్చేది కాదు మనసు 
రమ్మంటే వచ్చేది కాదు వయసు 
వద్దంటే ఉరికింది నాలో వయసు 
వదలొద్దు అంటుంది నిన్నే మనసు...

చల్ల గాలి వేస్తుంది చలి ముంచుకొస్తుంది వేడెక్కి పోతుంది లోలోన
లోపలున్న చలిచలికి పైనవున్న వేడికి జత కుదిరిపోతుంది మనలోన
ఇంతకన్నా ఏం చెప్పేది.. గోవిందా.. అహ ఎందుకింక నేనాగేది..  గోవిందా ...


గోవిందో గోవిందా గుట్టు కాస్తా గోవిందా...
లడ్డులాంటి పడుచుపిల్ల... అహ..లడ్డులాంటి పడుచుపిల్ల... 
అర్ధరాత్రి దొరికిందంటే 
అంత కన్నా షోకుందా... ఇంతకన్నా ఛాన్సుందా...
అంతకన్నా షోకుందా... ఇంతకన్నా ఛాన్సుందా...
అంతకన్నా షోకుందా... ఇంతకన్నా ఛాన్సుందా...గోవిందో గోవిందా