అంతులేని కథ (1976)

చిత్రం : అంతులేని కథ (1976)

సంగీతం : ఎం.ఎస్. విశ్వనాథన్

గీతరచయిత : ఆచార్య ఆత్రేయ

నేపధ్య గానం : సుశీల

పల్లవి :

ఊగుతుంది నీ ఇంట ఉయ్యాల.. ఇకమూడో నెల పాడుతావు జో జోల

ఊగుతుంది నీ ఇంట ఉయ్యాల.. ఇకమూడో నెల పాడుతావు జో జోల

అందాల బొమ్మవు కాబోతావమ్మవు.. అందాల బొమ్మవు కాబోతావమ్మవు

ఇక ఆరు నెలలు మొగుడి ముఖం చూడవూ నువ్వు

ఊగుతుంది..ఊగుతుంది నీ ఇంట ఉయ్యాల

ఇక మూడో నెల పాడుతావు జో జోల

చరణం 1 :

నే కన్నాను కలలెన్నో ఆనాడు.. అవి నీ కళ్ళల్లో పండాయి ఈనాడు

నే కన్నాను కలలెన్నో ఆనాడు.. అవి నీ కళ్ళల్లో పండాయి ఈనాడు

వేశాను ఒక వలపు మొలకను అది నీ కడుపులో కాస్తుంది తొలి కాయను  

ఊగుతుంది.. ఊగుతుంది నీ ఇంట ఉయ్యాల ఇక మూడో నెల పాడుతావు జో జోల

చరణం 2 :

అబ్బాయి పుట్టితే తండ్రి పేరు.. నీలా అమ్మాయి పుట్టితే నా పేరు

అబ్బాయి పుట్టితే తండ్రి పేరు.. నీలా అమ్మాయి పుట్టితే నా పేరు

ఎవరైనా తల్లికే మంచి పేరు వాళ్ళు ఎదిగి తెచ్చుకునేదే అసలు పేరు

ఊగుతుంది.. ఊగుతుంది నీ ఇంట ఉయ్యాల ఇకమూడో నెల పాడుతావు జో జోల

చరణం 3 :

కొండ మీద దేవునితో తన చెల్లెలు చేరి కొలువుంటే చూసినది అలుమేలు

అనురాగం చాలునని అనుకున్నది తాను అల్లంత దూరాన ఆగినది

ఆ దేవి దీవనె నీకున్నది ఆ ప్రభువు చలువ నీకు కాపున్నది

ఊగుతుంది.. ఊగుతుంది నీ ఇంట ఉయ్యాల ఇక మూడో నెల పాడుతావు జో జోల

చిత్రం : అంతులేని కథ (1976)

సంగీతం : ఎం.ఎస్. విశ్వనాథన్

గీతరచయిత : ఆచార్య ఆత్రేయ

నేపధ్య గానం : ఎల్. ఆర్. ఈశ్వరి

పల్లవి :

అరె.. ఏమిటి లోకం పలుగాకుల లోకం

అరె.. ఏమిటి లోకం పలుగాకుల లోకం

మమతన్నది ఒట్టి పిచ్చి.. మనసన్నది మరో పిచ్చి

మనాగినా తోసి పుచ్చి.. అనుభవించు తెగించీ 

మమతన్నది ఒట్టి పిచ్చి మనసన్నది మరో పిచ్చి

మనాగినా తోసిపుచ్చి అనుభవించు తెగించీ

అరె.. ఏమిటి లోకం పలుగాకుల లోకం

చరణం 1 :

గానుగెక్కి తిరిగితే కాశిదాక పోవునా

పరుల కొరకు పాటుబడితె పడుచుకోర్కె తీరునా

గానుగెక్కి తిరిగితే కాశిదాక పోవునా

పరుల కొరకు పాటుబడితె పడుచుకోర్కె తీరునా 

చీమలను చూచైనా నేర్చుకోవే స్వార్థమూ

వయసు కాస్త పోయినాక మనసున్నా వ్యర్థమూ... ఫటాఫట్

అరె.. ఏమిటి లోకం.. పలుగాకుల లోకం

మమతన్నది ఒట్టి పిచ్చి.. మనసన్నది మరో పిచ్చి

మనాగినా తోసి పుచ్చి.. అనుభవించు తెగించీ

చరణం 2 :

గీత గీచి ఆగమంటే సీత ఆగలేదుగా

సీత అక్కడాగివుంటె రామకథే లేదుగా

గీతలు నీతులు దేవుడివి కావులే

చేతగాని వాళ్ళు తాము వేసుకున్న కాపులే.. ఫటాఫట్

అరె.. ఏమిటి లోకం పలుగాకుల లోకం

చరణం 3 :

మరులు రేపు వగలు సెగలు మన్మధునీ లీలలు

మన్మధుని లీలలకు ప్రేమికులు పావులూ

మరులు రేపు వగలు సెగలు మన్మధునీ లీలలు

మన్మధుని లీలలకు ప్రేమికులు పావులూ

సొగసులన్నీ సృష్టి మనకు ఇచ్చుకున్న పాచికలు

పాచికలు పారినపుడె పరువానికి గెలుపులూ.. ఫటాఫట్ 

అరె.. ఏమిటి లోకం.. పలుగాకుల లోకం

మమతన్నది ఒట్టి పిచ్చి మనసన్నది మరోపిచ్చి

మనాగినా తోసి పుచ్చి.. అనుభవించు తెగించీ

అరె.. ఏమిటి లోకం పలుగాకుల లోకం

చిత్రం: అంతులేని కథ (1976)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: ఏసుదాసు

పల్లవి: 

దేవుడే ఇచ్చాడు వీధి ఒకటి..

దేవుడే ఇచ్చాడు వీధి ఒకటి

ఇక ఊరేల సొంత ఇల్లేల

ఇక ఊరేల సొంత ఇల్లేల ఓ చెల్లెలా

ఏల ఈ స్వార్ధం ఏది పరమార్ధం

ఏల ఈ స్వార్ధం ఏది పరమార్ధం 

చరణం 1: 

నన్నడిగి తలిదండ్రి కన్నారా..

నన్నడిగి తలిదండ్రి కన్నారా

నా పిల్లలే నన్నడిగి పుట్టారా

పాపం పుణ్యం నాది కాదే పోవే పిచ్చమ్మా

నారు పోసి నీరు పోసే నాధుడు వాడమ్మా

ఏది నీది ఏది నాది

ఈ వేదాలు ఉత్త వాదాలే ఓ చెల్లెలా

ఏల ఈ స్వార్ధం ఏది పరమార్ధం 

దేవుడే ఇచ్చాడు వీధి ఒకటి.. 

దేవుడే ఇచ్చాడు వీధి ఒకటి 

చరణం 2: 

శిలలేని గుడికేల నైవేద్యం

ఈ కలలోని సిరికేల నీ సంబరం

ముళ్ళ చెట్టుకు చుట్టూ కంచే ఎందుకు పిచ్చెమ్మ

కళ్ళులేని కభోధి చేతి దీపం నీవమ్మా

తొలుత ఇల్లు తుదకు మన్ను

ఈ బ్రతుకెంత దాని విలువెంత ఓ చెల్లెలా

ఏల ఈ స్వార్ధం ఏది పరమార్ధం 

దేవుడే ఇచ్చాడు వీధి ఒకటి.. 

దేవుడే ఇచ్చాడు వీధి ఒకటి 

చరణం 3: 

తెలిసేట్లు చెప్పేది సిద్ధాంతం

అది తెలియకపోతేనే వేదాంతం

మన్నులోన మాణిక్యాన్ని వెతికే వెర్రెమ్మా

నిన్ను నువ్వే తెలుసుకుంటే చాలును పోవమ్మా

ఏది సత్యం ఏది నిత్యం

ఈ మమకారం ఒట్టి అహంకారం ఓ చెల్లెలా

ఏల ఈ స్వార్ధం ఏది పరమార్ధం

దేవుడే ఇచ్చాడు వీధి ఒకటి.. 

దేవుడే ఇచ్చాడు వీధి ఒకటి 

ఇక ఊరేల సొంత ఇల్లేల 

ఇక ఊరేల సొంత ఇల్లేల ఓ చెల్లెలా 

ఏల ఈ స్వార్ధం ఏది పరమార్ధం 

ఏల ఈ స్వార్ధం ఏది పరమార్ధం 

చిత్రం: అంతులేని కథ (1976)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు

పల్లవి:

తాళి కట్టు శుభవేళ మెడలో కళ్యాణమాల

తాళి కట్టు శుభవేళ మెడలో కళ్యాణమాల

ఏనాడు ఏ జంటకో రాసి వున్నాడు విధి ఎప్పుడో

ఎనాడు ఏ జంటకో రాసి వున్నాడు విధి ఎప్పుడో

తాళి కట్టు శుభవేళ మెడలో కళ్యాణమాల....

వికటకవి ని నేను వినండీ ఒక కధ చెపుతాను...

కాకులు దూరని కారడవి...

అందులో.. కాలం యెరుగని మానొకటి..

ఆ అందాల మానులో.. ఆ అద్బుత వనంలో..

చక్కని చిలకలు అక్కా చెల్లెలు పక్కన గోరింకలు..

ఒక గోరింకకు ఓ చిలకమ్మకు ఒద్దిక కుదిరెనమ్మ

బావ రావా నన్నేలుకోవా....

తాళి కట్టు శుభవేళ మెడలో కళ్యాణమాల....

ఏనాడు ఏ జంటకో రాసి వున్నాడు విధి ఎప్పుడో..

ఏనాడు ఏ జంటకో రాసి వున్నాడు విధి ఎప్పుడో..

చరణం 1:

మేళాలు తాళాలు మంగళ వాద్యాలు.. మిన్నంటి మోగెనమ్మా...

మేళాలు తాళాలు మంగళ వాద్యాలు.. మిన్నంటి మోగెనమ్మా...

వలపు విమానాన తలపుల వేగాన వచ్చాయి కాన్కలమ్మా.. 

Singapore airlines announces the arrival of flight S2583 

ఊరేగు దారుల వయ్యారి భామలు వీణలు మీటిరమ్మా...

సింగారి జాణల ముంగాలి మువ్వలు ఘల్లున మోగెనమ్మా..

తాళి కట్టు శుభవేళ మెడలో కళ్యాణమాల....

తాళి కట్టు శుభవేళ మెడలో కళ్యాణమాల...

ఎనాడు ఎ జంటకో రాసి వున్నాడు విధి ఎప్పుడో..

ఎనాడు ఎ జంటకో రాసి వున్నాడు విధి ఎప్పుడో..

తాళి కట్టు శుభవేళ మెడలోకళ్యాణమాల...

చరణం 2:

గోమాత లేగతో కొండంత ప్రేమతొ దీవించ వచ్చెనమ్మా...

కాన్వెంటు పిల్లల పోలిన నెమళులు గ్రీటింగ్సు చెప్పిరమ్మా... 

Wish you both a happy life... happy happy married life 

నాలుగు వేదాలు వల్లించు హరిణాలు మంత్రాలు చదివెనమ్మా

మాంగల్యం తంతునానేనా మమ జీవన హేతునా..

కంఠే బద్నామి శుభగే త్వంజీవ శరదాంశతం...

నాలుగు వేదాలు వల్లించు హరిణాలు మంత్రాలు చదివెనమ్మా

పట్టపుటేనుగు పచ్చగ నూరేళ్ళు వర్దిల్ల మనెనమ్మా....

తాళి కట్టు శుభవేళ మెడలోకళ్యాణమాల...

చరణం 3:

చేయి చేయిగ చిలుకా గోరింక శయ్యకు తరలిరమ్మా..

చెల్లెలి కోసం త్యాగము చేసిన చిలుకమ్మ తొలగెనమ్మా..

తప్పుగ తలచిన అప్పటి గోరింకకిప్పుడు తెలిసెనమ్మా..

అది చిలుకే కాదని బావిలొ కప్పని జాలిగ తలచెనమ్మా...

తాళి కట్టు శుభవేళ మెడలో కళ్యాణమాల...

ఏనాడు ఏ జంటకో రాసి వున్నాడు విధి ఎప్పుడో..

తాళి కట్టు శుభవేళ మెడలో కళ్యాణమాల...

చిత్రం: అంతులేని కథ (1976)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: జానకి

పల్లవి:

కళ్ళలో ఉన్నదేదో కన్నులకే తెలుసు

కళ్ళలో ఉన్నదేదో కన్నులకే తెలుసు

రాళ్ళలో ఉన్న నీరూ కళ్ళకెలా తెలుసు

రాళ్ళలో ఉన్న నీరూ కళ్ళకెలా తెలుసు

నాలో ఉన్న మనసూ నాకు గాక ఇంకెవరికి తెలుసూ

కళ్ళలో ఉన్నదేదో కన్నులకే తెలుసు

రాళ్ళలో ఉన్న నీరూ కళ్ళకెలా తెలుసు

చరణం 1:

తానే మంటై వెలుగిచ్చు దీపం

చెప్పదు తనలో చెలరేగు తాపం

నే వెళ్ళు దారీ ఓ ముళ్ళ దారీ

నే వెళ్ళు దారీ ఓ ముళ్ళ దారీ

రాలేరు ఎవరూ నాతో చేరీ

నాలో ఉన్న మనసు నాకు గాక ఇంకెవరికి తెలుసు

చరణం 2:

వేసవిలోనూ వానలు రావా

కోవెల శిలకూ జీవం రాదా

జరిగే నాడే జరుగును అన్నీ

జరిగే నాడే జరుగును అన్నీ

జరిగిన నాడే తెలియును కొన్నీ

నాలో ఉన్న మనసు నాకు గాక ఇంకెవరికి తెలుసూ