బాలరాజు కథ (1970)

చిత్రం :  బాలరాజు కథ (1970)
సంగీతం :  కె.వి. మహదేవన్
గీతరచయిత :  ఆరుద్ర
నేపధ్య గానం :  సుశీల



పల్లవి :

ఒకటి రెండు మూడైతే ముద్దు ముద్దు
ఒకటి రెండు మూడైతే ముద్దు ముద్దు
అంతకు మించిన సంతానమైతే.. వద్దు.. వద్దు.. వద్దు
వద్దు.. వద్దు... వద్దు

ఒకటి రెండు మూడైతే ముద్దు ముద్దు
అంతకు మించిన సంతానమైతే.. వద్దు.. వద్దు.. వద్దు
వద్దు... వద్దు... వద్దు

ఒకటి రెండు మూడైతే ముద్దు ముద్దు


చరణం 1 :


పైసా అంటే పలకని దేవుడు పిల్లలు కొల్లగ ఇస్తాడు
పైసా అంటే పలకని దేవుడు పిల్లలు కొల్లగ ఇస్తాడు
దరిద్రాన్ని జత చేస్తాడు

సంతులేనిదే స్వర్గం లేదని ఏ మగవాడూ అనుకోడు
సంతులేనిదే స్వర్గం లేదని ఏ మగవాడూ అనుకోడు
ఇడుగో మొనగాడున్నాడు
ఇడుగో మొనగాడున్నాడు

ఒకటి రెండు మూడైతే ముద్దు ముద్దు


చరణం 2 :

ఇలాగ జనాభా పెరుగుతు ఉంటే సాపాటు సంగతి ఏలాగు?
ఇలాగ జనాభా పెరుగుతు ఉంటే సాపాటు సంగతి ఏలాగు?
సంతానమంతా దిగజారు

రెక్కల కష్టం.. చేసే వాళ్ళకు
రెక్కల కష్టం చేసే వాళ్ళకు బతుకంతా హాయిగ జరుగు
రెక్కల కష్టం చేసే వాళ్ళకు బతుకంతా హాయిగ జరుగు
ఇంతమందైతే ఏలాగు? మరింత మందైతే ఏలాగు?

వద్దు వద్దు వద్దు
ఒకటి రెండు మూడైతే ముద్దు ముద్దు


చరణం 3 :

సినిమాలకు పోవాలంటే సైన్యమంతా తయారు
సినిమాలకు పోవాలంటే సైన్యమంతా తయారు 

ఒక్కరు వెనుకాడరు మీరుకూడ హాజరు
ఒక్కరు వెనుకాడరు మీరుకూడ  హాజరు

కాఫీ హోటల్ బిల్లుకు నెల జీతం గయామారు
కాఫీ హోటల్ బిల్లుకు నెల జీతం గయామారు
ఆ దెబ్బతో తారుమారు.. ఆపవయ్యా నీ జోరు


వద్దు... వద్దు... వద్దు
ఒకటి రెండు మూడైతే ముద్దు ముద్దు


చరణం 4 :


గంపెడు పిల్లలు కన్న కుచేలుడు కుయ్యో మొఱ్ఱో అన్నాడు
గంపెడు పిల్లలు కన్న కుచేలుడు కుయ్యో మొఱ్ఱో అన్నాడు

పస్తులెన్నో పడుకున్నాడు
శ్రీకృష్ణుడు భగవానుడు వచ్చి అప్పుడు ఆదుకున్నాడు
శ్రీకృష్ణుడు భగవానుడు వచ్చి అప్పుడు ఆదుకున్నాడు
ఇప్పుడు మనకెవడున్నాడు?


ఒకటి రెండు మూడైతే ముద్దు ముద్దు
అంతకు మించిన సంతానమైతే.. వద్దు.. వద్దు.. వద్దు
వద్దు... వద్దు... వద్దు



************* **************** ********

చిత్రం:  బాలరాజు కథ (1970)
సంగీతం:  కె.వి. మహదేవన్
గీతరచయిత:  ఆరుద్ర
నేపధ్య గానం:  సుశీల


పల్లవి:

మహబలిపురం మహబలిపురం మహబలిపురం
భారతీయ కళాజగతికి ఇది గొప్ప గోపురం
కట్టించాడు ఈ ఊరు పల్లవరాజు
ఆ కథ చెప్పగ వచ్చాడు బాలరాజు
ఆ కథ చెప్పగ వచ్చాడు బాలరాజు

మహబలిపురం మహబలిపురం మహబలిపురం
భారతీయ కళాజగతికి ఇది గొప్ప గోపురం
కట్టించాడు ఈ ఊరు పల్లవరాజు
ఆ కథ చెప్పగ వచ్చాడు బాలరాజు
ఆ కథ చెప్పగ వచ్చాడు బాలరాజు
మహబలిపురం మహబలిపురం మహబలిపురం

చరణం 1:

కంచి రాజధానిగా పాలించాడు
ఇది మంచిరేవు పట్నంగా కట్టించాడు
కంచి రాజధానిగా పాలించాడు
ఇది మంచిరేవు పట్నం గా కట్టించాడు

తెలుగుసీమ శిల్పులుని రప్పించాడు
తెలుగుసీమ శిల్పులుని రప్పించాడు
పెద్ద శిలలన్ని శిల్పాలుగా మార్పించాడు
మహబలిపురం మహబలిపురం మహబలిపురం

చరణం 2:

పాండవుల రథాలని పేరుపడ్డవి
ఏకాండి శిలలనుండి మలచపడ్డవి
పాండవుల రథాలని పేరు పడ్డవి
ఏకాండి శిలలనుండి మలచపడ్డవి

వీటిమీద బొమ్మలన్ని వాటమైనవి
వీటిమీద బొమ్మలన్ని వాటమైనవి
తాము సాటిలేని వాటిమంటు చాటుతున్నవి
తాము సాటిలేని వాటిమంటు చాటుతున్నవి
మహబలిపురం మహబలిపురం మహబలిపురం

మహిషాసురమర్ధనం... గోవర్ధనమెత్తడం
మహిషాసురమర్ధనం... గోవర్ధనమెత్తడం
మహావిష్ణు వరాహంగా అవతారం దాల్చటం
మహావిష్ణు వరాహంగా అవతారం దాల్చటం

పురాణాల ఘట్టాలు పొందుపర్చిరి
పురాణాల ఘట్టాలు పొందుపర్చిరి
ముచ్చటగా కన్నులకు విందునిచ్చిరి
మహబలిపురం మహబలిపురం మహబలిపురం

చరణం 3:

పాశుపతం కోరెను పార్ధుని మనసు
పరమశివుని కోసము చేసెను తపస్సు
పాశుపతం కోరెను పార్ధుని మనసు
పరమశివుని కోసము చేసెను తపస్సు

సృష్టంతా కదలి వచ్చి చూడసాగెను
సృష్టంతా కదలి వచ్చి చూడసాగెను
ప్రతి సృష్టి ఈ శిల్పమని పేరు వచ్చెను
ప్రతి సృష్టి ఈ శిల్పమని పేరు వచ్చెను
మహబలిపురం మహబలిపురం మహబలిపురం

సంద్రంలో కలసినవి కలసిపోయేను
ఒంటరిగా ఈ కోవెల మిగిలిపొయేను
సంద్రంలో కలసినవి కలసిపోయేను
ఒంటరిగా ఈ కోవెల మిగిలిపొయేను

దేవుని పాదాలను కెరటాలు కడుగును నిత్యం
పాదాలను కెరటాలు కడుగును నిత్యం
మనుషుల పాపాలు ఇది చూడ తొలగను సత్యం సత్యం
పాపాలు ఇది చూడ తొలగను సత్యం సత్యం

మహబలిపురం మహబలిపురం మహబలిపురం
భారతీయ కళాజగతికి ఇది గొప్ప గోపురం
కట్టించాడు ఈ ఊరు పల్లవరాజు
ఆ కథ చెప్పగ వచ్చాడు బాలరాజు
ఆ కథ చెప్పగ వచ్చాడు బాలరాజు
మహబలిపురం మహబలిపురం మహబలిపురం


************* **************** ********

చిత్రం :  బాలరాజు కథ (1970)
సంగీతం :  కె.వి. మహదేవన్
గీతరచయిత  :  కొసరాజు
నేపధ్య గానం  :  ఘంటసాల, సుశీల

పల్లవి:

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం
అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం

చరణం 1:

ఒక్క రాయిని కాలికిందేసి తొక్కుతు ఉంటారెందుకు
ఇంకొక్క రాతికి చేతులెత్తుకొని మొక్కుతు ఉంటారెందుకు
ఒక్క రాయిని కాలికిందేసి తొక్కుతు ఉంటారెందుకు
ఇంకొక్క రాతికి చేతులెత్తుకొని మొక్కుతు ఉంటారెందుకు

అది వీధిలోన పడి ఉన్నందుకు .. అది వీధిలోన పడి ఉన్నందుకు..
ఇది గుడిలో బొమ్మై కూర్చున్నందుకూ …

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం

చరణం 2:

మనిషికి ఒక పెళ్ళే చాలంటూ దేవుడు కేటేట పెళ్ళేందుకు
ఊరుమీద పడి చందాలెందుకు
మనిషికి ఒక పెళ్ళే చాలంటూ దేవుడు కేటేట పెళ్ళేందుకు
ఊరుమీద పడి చందాలెందుకు

లోకులు చూచి తరించుటకు … లోకులు చూచి తరించుటకు
పలుగాకుల బొజ్జల పెంచుటకు… పలుగాకుల బొజ్జల పెంచుటకు

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం

చరణం 3:

మహమ్మదీయులు పిలిచే దేవుడు .. క్రైస్తవులంతా కొలిచే దేవుడు
ఏడుకొండల వేంకటేశ్వరుడు...  గోవిందా .. గోవిందా
శ్రీశైలంలో మల్లికార్జునుడు .. వారూ వీరూ ఒకటేనా … వేరువేరుగా ఉన్నారా
శ్రీశైలంలో మల్లికార్జునుడు .. వారూ వీరూ ఒకటేనా … వేరువేరుగా ఉన్నారా

సర్వవ్యాపి నారాయణుడు ... సర్వవ్యాపి నారాయణుడు.. ఎక్కడ జూచిన ఉంటాడు
ఆ స్వామి కొరకె నే శోధిస్తున్నా .. తీర్ధాలన్నీ తిరుగుతు ఉన్నా

ఆఁ అట్టా రండి దారికి …

అక్కడ ఇక్కడ ఎక్కడ చూచిన దేవుడు ఉంటాడన్నారు .. మీరొక్క దెబ్బతో తేల్చారు ..
అక్కడ ఇక్కడ ఎక్కడ చూచిన దేవుడు ఉంటాడన్నారు ..మీరొక్క దెబ్బతో తేల్చారు
ఎక్కడ బడితే అక్కడ ఉంటే ఇక్కడకెందుకు వచ్చారు ..ఏ రాతికి మొక్కను వచ్చారు

అడిగానని అనుకోవద్దు చెప్పకుండ దాటెయొద్దు
ఏమిటీ రహస్యం స్వామీ .. ఏమిటీ విచిత్రం