జానకిరాముడు (1988)

చిత్రం : జానకిరాముడు (1988)

సంగీతం : కె.వి. మహదేవన్

గీతరచయిత : ఆచార్య ఆత్రేయ

నేపధ్య గానం : బాలు, సుశీల 

పల్లవి  :

అదిరింది మావా అదిరిందిరో

ముదిరింది ప్రేమ ముదిరిందిరో

ఉడుకు పుట్టి ఇన్నినాళ్లు.. ఉగ్గబట్టి ఉండబట్టి

వయసు పోరు తీరాలిరో... వలపు జోరు తేలాలిరో

అదిరింది పిల్లా అదిరిందిలే

కుదిరింది పెళ్లీ కుదిరిందిలే

ఉడుకు పుట్టి ఇన్నినాళ్లు... ఉగ్గబట్టి ఉండబట్టి

వయసు పోరు తీరాలిలే... వలపు జోరు తేలాలిలే

చరణం 1 :

ఆకులిస్తా పోకలిస్తా... కొరికి చూడు ఒక్కసారి

ఆశలన్ని వరసపెట్టి... తన్నుకొచ్చి గిల్లుతాయి

బుగ్గమీద పంటిగాటు... పడుతుంది ప్రతిసారి

సిగ్గుచీర తొలగిపోయి... నలుగుతుంది తొలిసారి

మాపటేల మేలుకున్న కళ్ల ఎరుపు తెల్లవారి

మావ గొప్ప ఊరికంత చాటుతుంది మరీ మరీ

ఒకసారి కసిపుడితే... మరుసారి మతిచెడితే

వయసు పోరు తీరాలిరో.... వలపు జోరు తేలాలిలే

అదిరింది పిల్లా అదిరిందిలే

కుదిరింది పెళ్లీ కుదిరిందిలే

ఉడుకు పుట్టి ఇన్నినాళ్లు... ఉగ్గబట్టి ఉండబట్టి

వయసు పోరు తీరాలిరో... వలపు జోరు తేలాలిరో

చరణం 2 :

పూలపక్క ముళ్లలాగ... మారుతుంది ఎప్పుడంట

పూనుకున్న కౌగిలింత... సడలిపోతే తప్పదంట

మొదటిరేయి పెట్టుబడికి... గిట్టుబాటు ఎప్పుడంట

మూడునాళ్ల ముచ్చటంతా... డస్సిపోతే గిట్టదంట

రేయి రేయి మొదటిరేయి... కావాలంటే ఎట్టాగంట

సూరీడొచ్చి తలపుతడితే... తియ్యకుంటే చాలంట

తొలిరేయి గిలిపుడితే... తుదిరేయి కలబడితే

వయసు పోరు తీరాలిరో... వలపు జోరు తేలాలిలే

అదిరింది పిల్లా అదిరిందిరో

కుదిరింది పెళ్లీ కుదిరిందిరో

ఉడుకు పుట్టి ఇన్నినాళ్లు... ఉగ్గబట్టి ఉండబట్టి

వయసు పోరు తీరాలిలే... వలపు జోరు తేలాలిరో

తాన తాన తానాననా... తాన తాన తానాననా

*************************** *****************************

చిత్రం: జానకిరాముడు (1988)

సంగీతం: కె.వి. మహదేవన్

గీతరచయిత: ఆచార్య ఆత్రేయ

నేపధ్య గానం: బాలు, జానకి

పల్లవి:

నీ చరణం కమలం మృదులం నా హృదయం పదిలం పదిలం

నీ చరణం కమలం మృదులం నా హృదయం పదిలం పదిలం

నీ పాదాలే రస వేదాలు నను కరిగించే నవ నాదాలు

అవి యదలో ఉంచిన చాలు.. ఏడేడు జన్మాలు…

నీ చరణం కమలం మృదులం నా హృదయం పదిలం పదిలం

నీ పాదాలే రస వేదాలు నను కరిగించే నవ నాదాలు

అవి యదలో ఉంచిన చాలు ఏడేడు జన్మాలు…

నీ చరణం కమలం

చరణం 1:

మువ్వలు పలికే మూగతనంలో మోమున మోహన రాగాలు

కన్నులు పలికే కలికితనంలో చూపున సంధ్యారాగాలు

మువ్వలు పలికే మూగతనంలో మోమున మోహన రాగాలు

కన్నులు పలికే కలికితనంలో చూపున సంధ్యారాగాలు

అంగ అంగమున అందచందములు ఒంపు ఒంపున హంపి శిల్పములు

అంగ అంగమున అందచందములు ఒంపు ఒంపున హంపి శిల్పములు

ఎదుటే నిలిచిన చాలు.. ఆరారు కాలాలు…

చరణం 2:

జతులే పలికే జాణతనంలో జారే పైటల కెరటాలు

శృతులే కలిసే రాగతనంలో పల్లవించిన పరువాలు

జతులే పలికే జాణతనంలో జారే పైటల కెరటాలు

శృతులే కలిసే రాగతనంలో పల్లవించిన పరువాలు

అడుగు అడుగున రంగవల్లికలు పెదవి అడుగున రాగమాలికలు

అడుగు అడుగున రంగవల్లికలు పెదవి అడుగున రాగమాలికలు

ఎదురై పిలిచినా చాలు.... నీ మౌన గీతాలు

*************************** *****************************

చిత్రం: జానకిరాముడు (1988) 

సంగీతం: కె.వి. మహదేవన్ 

గీతరచయిత: ఆచార్య ఆత్రేయ 

నేపధ్య గానం: బాలు, చిత్ర 

పల్లవి: 

హా తానానె తననానా 

ఆ..... 

నా గొంతు శృతిలోనా నా గుండె లయలోనా 

పాడవే పాడవే కోయిలా 

పాడుతూ పరవశించు జన్మ జన్మలా 

నా గొంతు శృతిలోనా నా గుండె లయలోనా 

పాడవే పాడవే కోయిలా 

పాడుతూ పరవశించు జన్మ జన్మలా 

నా గొంతు శృతిలోనా... ఆ...నా గుండె లయలోనా 

చరణం 1: 

ఒక మాట పదిమాటలై అది పాట కావాలనీ 

ఒక జన్మ పది జన్మలై అనుబంధమవ్వాలనీ 

అన్నిటా ఒక మమతే పండాలని 

అది దండలో దారమై ఉండాలనీ 

అన్నిటా ఒక మమతే పండాలని 

అది దండలో దారమై ఉండాలనీ 

కడలిలో అలలుగా కడలేని కలలుగా నిలిచిపోవాలనీ.... 

పాడవే.. పాడవే.. కోయిలా 

పాడుతూ పరవశించు జన్మజన్మలా 

నా గొంతు శృతిలోనా...ఆ.. నా గుండె లయలోనా 

చరణం 2: 

ప్రతిరోజు నువు సూర్యుడై నన్ను నిదుర లేపాలనీ 

ప్రతిరేయి పసిపాపనై నీ ఒడినీ చేరాలనీ 

కోరికే ఒక జన్మ కావాలనీ 

అది తీరకే మరు జన్మ రావాలనీ 

కోరికే ఒక జన్మ కావాలనీ 

అది తీరకే మరు జన్మ రావాలనీ 

వలపులే రెక్కలుగా వెలుగులే దిక్కులుగా 

ఎగిరిపోవాలనీ... 

పాడవే.. పాడవే.. కోయిలా 

పాడుతూ పరవశించు జన్మజన్మలా 

నా గొంతు శృతిలోనా నా గుండె లయలోనా 

పాడవే పాడవే కోయిలా 

పాడుతూ పరవశించు జన్మజన్మలా 

తానానె తననానా..... 

తానానె తననానా....