డాక్టర్ చక్రవర్తి (1964)

చిత్రం : డాక్టర్ చక్రవర్తి (1964)
సంగీతం : ఎస్. రాజేశ్వరరావు
గీతరచయిత : దాశరథి
నేపధ్య గానం : సుశీల, వసంత 

పల్లవి :

నిజం చెప్పవే పిల్లా ఎలాగుంది...  ఈ వేళ
నీకెలాగుంది...  ఈ వేళ
నిజం చెప్పవే పిల్లా ఎలాగుంది...  ఈ వేళ
నీకెలాగుంది...  ఈ వేళ


ఏది చూసినా...  ఏమి చేసినా ఏదోగా ఉంది
ఏమి చెప్పనే పిల్లా...  భలేగుంది ఈ వేళ
అహ...  భలేగుంది ఈ వేళ...


చరణం 1 :


చిలిపి వయసు కవ్వించే...  మనసు చిలికి మురిపించే
ఆ.. ఆ.. ఆ.. ఓ.. ఓ.. ఓ..
చిలిపి వయసు కవ్వించే...  మనసు చిలికి మురిపించే

నీలి కన్నుల వాలులో...  సరదాలు పొంగే జోరులో
నీలి కన్నుల వాలులో...  సరదాలు పొంగే జోరులో...
సంబరాలతో సరాగాలతో సాగిపోదమా.. ఆ.. ఆ...

నిజం చెప్పవే పిల్లా ఎలాగుంది...  ఈ వేళ
నీకెలాగుంది...  ఈ వేళ..


నాలో వెలిగే దీపం...  నీ చిరునవ్వు చిందే రూపం
నాలో వెలిగే దీపం...  నీ చిరునవ్వు చిందే రూపం
నీ కాంతిలో... ఈ శాంతిలో...  ఈ లోకమే స్వర్గము
నాలో వెలిగే దీపం...


చరణం 2 :
ఆ.. ఆ.. ఆ.. ఓ.. ఓ.. ఓ.. ఆ.. ఆ.. ఆ.. ఓ.. ఓ.. ఓ.. 

నిన్న లేని పులకింత కన్నెపిల్లకో వింత
ఆ.. ఆ.. ఆ.. ఓ.. ఓ.. ఓ..
నిన్న లేని పులకింత కన్నెపిల్లకో వింత

పాలబుగ్గలు మీటితే...  తొలి ప్రేమ మొగ్గలు వేసెనే
పాలబుగ్గలు మీటితే...  తొలి ప్రేమ మొగ్గలు వేసెనే
ఏల సిగ్గులే ఏమి నిగ్గులే...  మాకు తెలుసులేవే...

నిజం చెప్పవే పిల్లా ఎలాగుంది...  ఈ వేళ
నీకెలాగుంది...  ఈ వేళ..


రాగం భావం నీవే...  నా అనురాగ గీతం నీవే
రాగం భావం నీవే...  నా అనురాగ గీతం నీవే
నీ ప్రేమలో నే లీనమై...  జీవించుటే స్వర్గము
రాగం భావం నీవే... 



************ ***************** ****************** ****************

చిత్రం : డాక్టర్ చక్రవర్తి (1964)
సంగీతం : ఎస్. రాజేశ్వరరావు
గీతరచయిత : ఆచార్య ఆత్రేయ
నేపధ్య గానం : ఘంటసాల 

పల్లవి :


ఎవరో జ్వాలను రగిలించారు... వేరెవరో దానికి బలియైనారు
వేరెవరో దానికి బలియైనారు... 
ఎవరో జ్వాలను రగిలించారు... వేరెవరో దానికి బలియైనారు

చరణం 1 :


అడుగు అడుగున అపజయముతో... ఓ..ఓ..
అలసిసొలసిన నా హృదయానికి
సుధవై... సుధవై జీవనసుధవై ఉపశాంతివ్వగా ఓర్వనివారు 

ఎవరో జ్వాలను రగిలించారు...  వేరెవరో దానికి బలియైనారు


చరణం 2 :

అనురాగానికి ప్రతిరూపాలై...  ఆదిదంపతులవలె మీరుంటే
అనురాగానికి ప్రతిరూపాలై ఆదిదంపతులవలె మీరుంటే
ఆనందంతో మురిసానే... ఆత్మీయులుగా తలచానే 
అందుకు ఫలితం...  అపనిందేనా

ఎవరో జ్వాలను రగిలించారు...  వేరెవరో దానికి బలియైనారు

చరణం 3 :


మనిషికి మనిషికి మమత కూడదా…
మనసు తెలుసుకొను మనసే లేదా
ఇది తీరని శాపం... ఇది మారని లోకం
మానవుడే దానవుడై... మసలే చీకటి నరకం


ఎవరో జ్వాలను రగిలించారు... వేరెవరో దానికి బలియైనారు
వేరెవరో దానికి బలియైనారు... 
ఎవరో జ్వాలను రగిలించారు... 



************ ***************** ****************** ****************

చిత్రం: డాక్టర్ చక్రవర్తి (1964)
సంగీతం: ఎస్. రాజేశ్వరరావు
గీతరచయిత: శ్రీ శ్రీ
నేపధ్య గానం: ఘంటసాల

పల్లవి:

మనసున మనసై.. బ్రతుకున బ్రతుకై

మనసున మనసై.. బ్రతుకున బ్రతుకై
తోడొకరుండిన అదే భాగ్యము .. అదే స్వర్గము
మనసున మనసై.. బ్రతుకున బ్రతుకై
తోడొకరుండిన అదే భాగ్యము .. అదే స్వర్గము

చరణం 1:

ఆశలు తీరని ఆవేశములో... ఆశయాలలో ఆవేదనలో
చీకటి మూసిన ఏకాంతములో.. తోడొకరుండిన అదే భాగ్యము .. అదే స్వర్గము

చరణం 2:

నిన్ను నిన్నుగా ప్రేమించుటకు... నీ కోసమే కన్నీరు నించుటకు
నిన్ను నిన్నుగా ప్రేమించుటకు... నీ కోసమే కన్నీరు నించుటకు
నేనున్నానని నిండుగ పలికే.. తోడొకరుండిన అదే భాగ్యము .. అదే స్వర్గము

చరణం 3:

చేలిమియే కరువై వలపే అరుదై... చేదరిన హృదయమే శిలయై పోగా
నీ వ్యధ తేలిసి నీడగ నిలిచి.. తోడొకరుండిన అదే భాగ్యము .. అదే స్వర్గము
మనసున మనసై.. బ్రతుకున బ్రతుకై
తోడొకరుండిన అదే భాగ్యము .. అదే స్వర్గము



************ ***************** ****************** ****************

చిత్రం: డాక్టర్ చక్రవర్తి (1964)
సంగీతం: ఎస్. రాజేశ్వరరావు
గీతరచయిత: ఆచార్య ఆత్రేయ
నేపధ్య గానం: సుశీల

పల్లవి:

పాడమని నన్నడగ వలెనా పరవశించి పాడనా...
నేనే ...పరవశించి పాడనా
పాడమని నన్నడగ వలెనా పరవశించి పాడనా

చరణం 1:

నీవు పెంచిన హృదయమే ఇది నీవు నేర్పిన గానమే ఆ ఆ ఆ ఆ
నీవు పెంచిన హృదయమే ఇది నీవు నేర్పిన గానమే
నీకుగాక ఎవరికొరకు నీవు వింటే చాలు నాకు
పాడమని నన్నడగ వలెనా పరవశించి పాడనా

చరణం 2:

చిన్ననాటి ఆశలే ఈనాడు పూచెను పూవులై
చిన్ననాటి ఆశలే ఈనాడు పూచెను పూవులై
ఆ పూవులన్ని మాటలై వినిపించు నీకు పాటలై
పాడమని నన్నడగ వలెనా పరవశించి పాడనా
నేనే పరవశించి పాడనా

చరణం 3:

ఈ వీణ మ్రోగక ఆగినా నే పాడజాలకపోయినా ఆ ఆ ఆ ఆ ఆ ఆ ఆ ఆ
ఈ వీణ మ్రోగక ఆగినా నే పాడజాలకపోయినా
నీ మనసులో ఈనాడు నిండిన రాగమటులే ఉండనీ
అనురాగమటులే ఉండనీ
పాడమని నన్నడగ వలెనా పరవశించి పాడనా
నేనే పరవశించి పాడనా


************ ***************** ****************** ****************

చిత్రం: డాక్టర్ చక్రవర్తి (1964)
సంగీతం: ఎస్. రాజేశ్వరరావు
గీతరచయిత: ఆచార్య ఆత్రేయ
నేపధ్య గానం: సుశీల

పల్లవి:

పాడమని నన్నడగ తగునా పదుగురెదుటా పాడనా
కృష్ణా....
పదుగురెదుటా పాడనా

పాడమని నన్నడగ తగునా పదుగురెదుటా పాడనా

చరణం 1:

పొదల మాటున పొంచి పొంచి
ఎదను దోచిన వేణు గానము
పొదల మాటున పొంచి పొంచి
ఎదను దోచిన వేణు గానము
వొలకబోసిన రాగసుధకూ మొలకలెత్తిన లలితగీతి

పాడమని నన్నడగ తగునా పదుగురెదుటా పాడనా

చరణం 2:

చిలిపి అల్లరి తెలిసినంతగ వలపు తెలియని గోపకాంతలు
చిలిపి అల్లరి తెలిసినంతగ వలపు తెలియని గోపకాంతలు
మెచ్చలేరే వెచ్చని హృదయాలపొంగిన మధురగీతి

చరణం 3:

ఎవరు లేనీ యమునాతటినీ ఎక్కడో ఏకాంతమందున
ఎవరూ లేనీ యమునాతటినీ ఎక్కడో ఏకాంతమందున
నేను నీవై నీవు నేనై...
ఆ....
నేను నీవై నీవు నేనై
పరవశించే ప్రణయగీతి

పాడమని నన్నడగ తగునా పదుగురెదుటా పాడనా
కృష్ణా....
పదుగురెదుటా పాడనా


************ ***************** ****************** ****************

చిత్రం: డాక్టర్ చక్రవర్తి (1964)
సంగీతం: ఎస్. రాజేశ్వరరావు
గీతరచయిత: ఆచార్య ఆత్రేయ
నేపధ్య గానం: సుశీల

పల్లవి:

నీవు లేక వీణ పలుక లేనన్నది
నీవు రాక రాధ నిలువ లేనన్నది..ఆ..

చరణం 1:

జాజి పూలు నీకై.. రోజు రోజు పూచె
చూచి చూచి పాపం ... సొమ్మసిల్లిపోయే
చందమామ నీకై .. తొంగి తొంగి చూచి
చందమామ నీకై తొంగి తొంగి చూచి.. సరసన లేవని అలుకలుబోయె

చరణం 2:

కలలనైన నిన్ను .. కనుల చూతమన్న
నిదుర రాని నాకు .. కలలు కూడా రా..వే
కదలలేని కాలం.. విరహ గీతి రీతి
కదలలేని కాలం విరహ గీతి రీతి.. పరువము వృధగా బరువుగ సాగే

చరణం 3:

తలపులన్ని నీకై.. తెరచి వుంచినాను
తలపులెన్నో మదిలో ..దాచి వేచినాను
తాపమింక నేను ... ఓపలేను స్వామి
తాపమింక నేను ఓపలేను స్వామి.. తరుణిని.. కరుణను.. యెలగ రావా...


************ ***************** ****************** ****************

చిత్రం: డాక్టర్ చక్రవర్తి (1964)
సంగీతం: ఎస్. రాజేశ్వరరావు
గీతరచయిత: ఆరుద్ర
నేపధ్య గానం: ఘంటసాల, సుశీల

పల్లవి:

ఈ మౌనం... ఈ బిడియం...
ఇదేనా ఇదేనా చెలియ కానుక
ఈ మౌనం... ఈ బిడియం...
ఇదేలే ఇదేలే మగువ కానుక... ఈ మౌనం...

చరణం 1:

ఇన్నినాళ్ళ మన వలపులు వికసించుట ఇందుకా
ఇన్నినాళ్ళ మన వలపులు వికసించుట ఇందుకా
మమతలన్ని తమకు తామె ...
మమతలన్ని తమకు తామె అల్లుకొనెడి మాలిక... ఆ... ఆ...ఆ...

ఈ మౌనం... ఈ బిడియం...
ఇదేనా ఇదేనా చెలియ కానుక
ఈ మౌనం... ఈ బిడియం...
ఇదేలే ఇదేలే మగువ కానుక... ఈ మౌనం

చరణం 2:

మాటలలో తెలుపలేదు మనసు మూగ కోరిక
అహ... ఓహొ... ఆ....
మాటలలో తెలుపలేదు మనసు మూగ కోరిక
కనులు కలిసి అనువదించు ప్రణయ భావగీతిక... ఆ...ఆ... ఆ...

ఈ మౌనం... ఈ బిడియం...
ఇదేనా ఇదేనా చెలియ కానుక
ఈ మౌనం... ఈ బిడియం...
ఇదేలే ఇదేలే మగువ కానుక... ఈ మౌనం

చరణం 3:

ఏకాంతము దొరికినంత ఎడమోమా నీవేడుక
ఏకాంతము దొరికినంత ఎడమోమా నీవేడుక
ఎంత ఎంత ఎడమైతే...
ఎంత ఎంత ఎడమైతే అంత తీపి కలయిక... ఆ...ఆ... ఆ...


ఈ మౌనం... ఈ బిడియం...
ఇదేనా ఇదేనా చెలియ కానుక
ఈ మౌనం... ఈ బిడియం...
ఇదేలే ఇదేలే మగువ కానుక... ఈ మౌనం