అందమైన అనుభవం (1979)

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు

పల్లవి : 

What a waiting

What a waiting

Lovely birds tell my darling

You were watching you were watching

Love is but a game of waiting 

చరణం 1 :

కాచుకొంటి కాచుకొంటి కళ్ళు కాయునంతదాక

చెప్పవమ్మ చెప్పవమ్మ చుప్పనాతి రామచిలక

మొక్కనాటి కాచుకున్న మొగ్గ తొడిగి పూచేనమ్మా

ఆమె రాదు ఆమె రాదు ప్రేమ లేదో అడగవమ్మ

What a waiting

What a waiting

Lovely birds tell my darling

You were watching you were watching

Love is but a game of waiting 

చరణం 3 :

కాచుకొంటి కాచుకొంటి కళ్ళు కాయునంతదాక

చెప్పవమ్మ చెప్పవమ్మ చుప్పనాతి రామచిలక

మొక్కనాటి కాచుకున్న మొగ్గ తొడిగి పూచేనమ్మా

ఆమె రాదు ఆమె రాదు ప్రేమ లేదో అడగవమ్మ

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు, సుశీల

పల్లవి:

హల్లో నేస్తం బాగున్నావా..

హల్లో నేస్తం గుర్తున్నానా..

హల్లో నేస్తం బాగున్నావా..

హల్లో నేస్తం గుర్తున్నానా..

నేనే నువ్వొయ్.. నువ్వే నేనోయ్..

నెనరు నెయ్యం మనమిద్దరమోయ్..

నేనే నువ్వొయ్... నువ్వే నేనోయ్

నెనరు నెయ్యం మనమిద్దరమోయ్

మినిజూగా ఫ్రండ్స్‌ ఇన్‌ మలేషియా

అరౌండ్ ది వరల్డ్ ఫ్రండ్ షిప్ వెల్కంస్ యు

మినిజూగా ఫ్రండ్స్‌ ఇన్‌ మలేషియా

అరౌండ్ ది వరల్డ్ ఫ్రండ్ షిప్ వెల్కంస్ యౌ

హల్లో నేస్తం బాగున్నావా

హల్లో నేస్తం గుర్తున్నానా

చరణం 1:

ఊగే అలపై సాగే పడవ ఒడ్డు పొడ్డు చేర్చింది

ముచ్చటలన్ని మోసే గాలి దిక్కుదిక్కులను కలిపింది

కలకల పోయే చిలుకల గుంపు వరసా వావి నేర్పింది

నేల పీటగా నింగి పందిరిగా జగతికి పెళ్ళి జరిగింది..

సాయా అన్నా సింగపూరా..

సాయారుక మలేషియా..

సాయారేమో ఇండియా..

సాయావాడ చైనా..

హల్లో నేస్తం బాగున్నావా..హల్లో నేస్తం గుర్తున్నానా...

చరణం 2 :

ఏ కళ్ళైనా కలిసాయంటే కలిగేదొకటే అనురాగం..

ఏ మనసైనా తెరిసాయంటే తెలిపేదొకటే ఆనందం..

సరిగమలైనా డొరనిపలైనా స్వరములు ఏడే గానంలో..

పడమటనైనా తూరుపునైనా స్పందన ఓకటే హృదయంలో..

సాయా అన్నా సింగపూరా..

సాయారుక మలేషియా..

సాయారేమో ఇండియా..

సాయావాడ చైనా..

హల్లో నేస్తం బాగున్నావా...హల్లో నేస్తం గుర్తున్నానా..

చరణం 3 :

చైనా ఆట ..మలయా మాట.. హిందూ పాట.. ఒకటేను..

నీ నా అన్నది మానాలన్నది నేటి నినాదం కావాలోయ్...

సాయా అన్నా సింగపూరా..

సాయారుక మలేషియా...

సాయారేమో ఇండియా...

సాయావాడ చైనా...

హల్లో నేస్తం బాగున్నావా...హల్లో నేస్తం గుర్తున్నానా..

నేనే నువ్వొయ్... నువ్వే నేనోయ్

నెనరు నెయ్యం మనమిద్దరమోయ్...

మినిజూగా ఫ్రండ్స్‌ ఇన్‌ మలేషియా..

అరౌండ్ ది వరల్డ్ ఫ్రండ్ షిప్ వెల్కంస్ యు

మినిజూగా ఫ్రండ్స్‌ ఇన్‌ మలేషియా..

అరౌండ్ ది వరల్డ్ ఫ్రండ్ షిప్ వెల్కంస్ యు

సింగపూరు సింగారి

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు

పల్లవి:

సింగపూరు సింగారి వయసు పొంగు వయ్యారి

రాజమండ్రి కోడలుగ రానుందీ..

అహ సింగపూరు సింగారి వయసు పొంగు వయ్యారి

రాజమండ్రి కోడలుగ రానుందీ..

రాజమండ్రి కోడలుగ రానుంది అహహహ

మన్మధలీలమ్మ ఈ జన్మకు చాలమ్మా..

ఇది మన్మధలీలమ్మ ఈ జన్మకు చాలమ్మా..

సింగపూరు సింగారి వయసు పొంగు వయ్యారి

రాజమండ్రి కోడలుగ రానుందీ

రాజమండ్రి కోడలుగ రానుందీ ఎహేహేహే హహహ

చరణం 1:

దొరికింది గుర్రపు నాడం దొరుకుతుందనుకుంటి గుర్రం

ఊరంత గాలించినాను గాడిదై పోయాను నేను

నే నలసిపోయి సొలసిపోయి మరచిపోయి నిలిచిపోతే మెరుపల్లే వచ్చావు శంభో..

నా నిదురపోయి అదిరిపోయి మూగపోయి ఆగిపోతే గిలిగింత పెట్టావు శంభో..

ఇది మన్మధలీలమ్మ ఈ జన్మకు చాలమ్మా..

ఇది మన్మధలీలమ్మ ఈ జన్మకు చాలమ్మా..

సింగపూరు సింగారి వయసు పొంగు వయ్యారి

రాజమండ్రి కోడలుగ రానుందీ

రాజమండ్రి కోడలుగ రానుందీ... పపపప..

చరణం 2:

నీ కళ్ళు నా కళ్ళు కలిసి.. నీ కోర్కె నా కోర్కె తెలిసి

నీ సొగసు పువ్వల్లే విరిసి.. నా వయసు గువ్వల్లే ఎగసి

నేనదును చూసి తెగువ చేసి చెయ్యి వేసి చుట్టుకుంటె మంచల్లే కరిగావే శంభో

నీ సిగ్గు చూసి ఆకలేసి చెమట పోసి దాహమేసి అల్లాడిపోతున్న శంభో

ఇది మన్మధలీలమ్మ ఈ జన్మకు చాలమ్మా..

ఇది మన్మధలీలమ్మ ఈ జన్మకు చాలమ్మా..

సింగపూరు సింగారి వయసు పొంగు వయ్యారి

రాజమండ్రి కోడలుగ రానుందీ

రాజమండ్రి కోడలుగ రానుందీ.. పపపప...

శంభో శివ శంభో

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు

పల్లవి:

శంభో శివ శంభో.. శివ శంభో శివ శంభో

వినరా ఓరన్నా ..అనెరా వేమన్న...

జగమే మాయన్నా... శివ శంభో...

నిన్న రాదన్న.. రేపూ లేదన్న.. నేడే నీదన్న.. శివ శంభో..

వినరా ఓరన్నా.. అనెరా వేమన్న..

జగమే మాయన్నా.. శివ శంభో..ఓ..

నిన్న రాదన్న.. రేపూ లేదన్న ..నేడే నీదన్న ...శివ శంభో..ఓ..

చరణం 1:

అందాన్ని కాదన్న.. ఆనందం లేదన్న..

బంధాలు వలదన్న... బ్రతుకంతా చేదన్న..

సిరులున్నా.. లేకున్నా.. చెలితోడు నీకున్నా..

అడవిలో నువ్వున్నా.. అది నీకు నగరంరా...ఆ..ఆ..ఆ

వినరా ఓరన్నా.. అనెరా వేమన్న..

జగమే మాయన్నా.. శివ శంభో..ఓ..ఓ..

నిన్న రాదన్న.. రేపూ లేదన్న.. నేడే నీదన్న.. శివ శంభో..ఓ..ఓ..

చరణం 2:

ఈ తేటిదీ పువ్వు అని అన్నదెవరన్న..

ఏ తేనె తాగిన తీపొకటేకదరన్న..

నీదన్న నాదన్న.. వాదాలు వలదన్న..

ఏదైనా మనదన్న.. వేదాన్నే చదువన్న..ఓ..ఓ...

ఊరోళ్ళ సొమ్ముతో గుడికట్టి గోపన్న..ఆ..

శ్రీరామ భక్తుడై పేరొందెరోరన్న..

భక్తైనా రక్తైనా భగవంతుడేనన్న..

ఈనాడు సుఖమన్న.. ఎవడబ్బ సొమ్మన్న..

వినరా ఓరన్నా.. అనెరా వేమన్న..

జగమే మాయన్నా.. శివ శంభో..ఓ..ఓ..

నిన్న రాదన్న.. రేపూ లేదన్న.. నేడే నీదన్న.. శివ శంభో..ఓ..ఓ..

నువ్వే నువ్వమ్మ నవ్వుల పువ్వమ్మ

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు, వాణీ జయరాం

పల్లవి:

నువ్వే నువ్వమ్మ నవ్వుల పువ్వమ్మ నీ సరి ఎవరమ్మ

దినమొక రకము గడసరితనము

దినమొక రకము గడసరితనము

నీలో కలవమ్మ నీవొక కళవమ్మ

నువ్వే నువ్వమ్మ నవ్వుల పువ్వమ్మ

నువ్వే నువ్వయ్య నవ్వులరవ్వయ్య నీసరి ఎవరయ్య

దినమొక రకము గడసరితనము

దినమొక రకము గడసరితనము

నీకై కలవయ్య నా కళ నీవయ్య

నీకై కలవయ్య నా కళ నీవయ్య

చరణం 1:

ఒకే రోజు దినదినమూ ఒక గమకం ఒక మధురం

ఒకే రోజు దినదినమూ ఒక గమకం ఒక మధురం

ఒక మేఘం క్షణ క్షణమూ ఒక రూపం ఒక శిల్పం

ఆ సరిగమలు ఆ మధురిమలు

నీకై కలవయ్య నా కళ నీవయ్య

నీకై కలవయ్య నా కళ నీవయ్య

చరణం 2:

ఒకే వెన్నెల జత జతకూ ఒక సౌరు ఒక పోరు

ఒకే వెన్నెల జత జతకూ ఒక సౌరు ఒక పోరు

ఒక కౌగిలి ప్రతి రేయి ఒక స్వర్గం ఒక దుర్గం

ఆ జివజివలు ఆ మెలుకువలు

నీలో కలవమ్మ నీవొక కళవమ్మ

నువ్వే నువ్వమ్మ నవ్వుల పువ్వమ్మ

నువ్వే నువ్వయ్య నవ్వులరవ్వయ్య నీసరి ఎవరయ్య

దినమొక రకము గడసరితనము

నీలో కలవమ్మ నీవొక కళవమ్మ

నువ్వే నువ్వమ్మ నవ్వుల పువ్వమ్మ

చరణం 3:

ప్రతి ఋతువు ఈ ప్రకృతికి ఒక వింత పులకింత

ప్రతి ఋతువు ఈ ప్రకృతికి ఒక వింత పులకింత

మనసుంటే మనకోసం ప్రతి మాసం మధుమాసం

ఋతువుల సొగసు చిగురుల వయసు

నీకై కలవయ్య నా కళ నీవయ్య

నీకై కలవయ్య నా కళ నీవయ్య

నీ కళ్ళు నా కళ్ళు కలిసుంటే విరిజల్లు

నీ కళ్ళు నా కళ్ళు కలిసుంటే విరిజల్లు

మమతలతో మనసల్లిన హరివిల్లే మన ఇల్లు

వలపుల జల్లులు పలుపలు వన్నెలు

నీలో కలవమ్మ నీవొక కళవమ్మ

నువ్వే నువ్వమ్మ నవ్వుల పువ్వమ్మ

నువ్వే నువ్వయ్య నవ్వులరవ్వయ్య నీసరి ఎవరయ్య

దినమొక రకము గడసరితనము

దినమొక రకము గడసరితనము....

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

చిత్రం: అందమైన అనుభవం (1979)

సంగీతం: ఎం.ఎస్. విశ్వనాథన్

గీతరచయిత: ఆచార్య ఆత్రేయ

నేపధ్య గానం: బాలు

పల్లవి:

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు కవ్వించే సోగ్గాళ్ళు

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు కవ్వించే సోగ్గాళ్ళు

ఆటగాళ్ళు పాటగాళ్ళు అందమైన వేటగాళ్ళు

హద్దులేవి లేనివాళ్ళు ఆవేశం ఉన్నవాళ్ళు రా రా ర రీ ఓ

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు కవ్వించే సోగ్గాళ్ళు

చరణం 1:

గతమున పూడ్చేది వీళ్ళు చరితను మార్చేది వీళ్ళు

కథలై నిలిచేది వీళ్ళు కళలకు పందిళ్ళు వీళ్లు

వీళ్ళేనోయ్ నేటి మొనగాళ్ళు చెలిమికెపుడూ జతగాళ్ళు

చెడుపుకెపుడు పగవాళ్ళు వీళ్ళ వయసు నూరేళ్ళు నూరేళ్ళకు కుర్రాళ్లు

ఆటగాళ్ళు పాటగాళ్ళు అందమైన వేటగాళ్ళు

హద్దులేవి లేనివాళ్ళు ఆవేశం ఉన్నవాళ్ళు రా రా ర రీ ఓ..

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు కవ్వించే సోగ్గాళ్ళు

చరణం 2:

తళతళ మెరిసేటి కళ్ళు నిగనిగలాడేటి వొళ్ళు

విసిరే చిరునవ్వు జల్లు ఎదలో నాటెను ముల్లు

తీయాలోయ్ దాన్ని చెలివేళ్ళు

నిదురరాని పొదరిల్లు బ్రహ్మచారి పడకిల్లు

మూసివున్న వాకిళ్ళు తెరచినపుడే తిరునాళ్ళు

ఆటగాళ్ళు పాటగాళ్ళు అందమైన వేటగాళ్ళు

హద్దులేవి లేనివాళ్ళు ఆవేశం ఉన్నవాళ్ళు రా రా ర రీ ఓ..

చరణం 3:

నీతులుచెప్పే ముసలాళ్ళు నిన్న మొన్నటి కుర్రాళ్లు

దులిపెయ్ ఆనాటి బూజులు మనవే ముందున్న రోజులు

తెంచేసెయ్ పాతసంకెళ్ళు మనషులె మన నేస్తాలు

Come on clap.. మనసులె మన కోవెళ్ళు ఎవెర్య్బొద్య్

మనషులె మన నేస్తాలు మనసులె మన కోవెళ్ళు

మనకు మనమె దేవుళ్ళు మార్చిరాయి శాస్త్రాలు

ఆటగాళ్ళు పాటగాళ్ళు అందమైన వేటగాళ్ళు

హద్దులేవి లేనివాళ్ళు ఆవేశం ఉన్నవాళ్ళు రా రా ర రీ ఓ..

కుర్రాళ్ళోయ్ కుర్రాళ్ళు వెర్రెక్కి ఉన్నోళ్ళు

కళ్ళాలే లేనోళ్ళు కవ్వించే సోగ్గాళ్ళు Come on everybody join together