ఎర్ర సైన్యం(1994)

 పల్లవి :

 బంజారే... బంజారే...

 బంజారే బంజో ఓనారే బంజా

 ఓ నారే ఆ నారే ఓనారే బంజా

                                     ॥బంజారే॥

 చరణం : 1 

 చుక్కపొద్దూ లేచామమ్మా చందమామ

 సద్ది సంకన కట్టామమ్మా చందమామ

 ఎలపట దాపట ఎడ్లను కట్టి కర్రునాగలి భుజానబెట్టి

 సెమట చుక్కలు జల్లి సేలు సెలకలు దున్ని

 రాజనాలు పంచా... ఓ...

 రేలారే రేలారాయిలర రేలారే

                                    ॥బంజారే॥

 చరణం : 2

 అడవితల్లి బిడ్డలమమ్మా చందమామ

 అన్నెం పున్నెం ఎరగనోళ్లం చందమామ

 కొండల్ని ఏలేటి మత్తుల్ని నరికి

 బల్లకట్టునే పల్లకీ చేసి (2)

 గలగల పారేటి గోదారి ఒడిచేర్చి కలప సాగనంపా

                              ॥రేలారే॥ ॥బంజారే॥

 చరణం : 3

 కొండోళ్లు కోయోళ్లు గోను జాతోళ్లం చందమామ

 మారేడు నేరేడు పళ్లను ఏరాం చందమామ

 అడ్డాకు తునికాకు ఆకుల్ని కోసి చెట్టుమీద తేనెపట్టును తీసి

 ఇప్పబట్టి పెట్టి గుక్క గుక్క తాగి జాతరలే చేశాం

                                  ॥రేలారే॥ ॥బంజారే॥

చిత్రం : ఎర్ర సైన్యం(1994)

గానం,సంగీతం : వందేమాతరం శ్రీనివాస్

తారాగణం : ఆర్ నారయణమూర్తి