ధర్మదాత (1970)

చిత్రం: ధర్మదాత (1970)
సంగీతం: టి. చలపతిరావు
గీతరచయిత: సినారె
నేపధ్య గానం: ఘంటసాల

పల్లవి:

జో..ఓ.. లాలి
జో..ఓ.. లాలి

లాలి నా చిట్టి తల్లి.. లాలి నను గన్న తల్లి
లాలి బంగారు తల్లి.. లాలి నా కల్పవల్లి

జో..ఓ.. లాలి
జో..ఓ.. లాలి

చరణం 1:

చిరు నవ్వు కిరణాలు చిందించు మోము.. కన్నీరు మున్నీరుగా చూడలేను
చిరు నవ్వు కిరణాలు చిందించు మోము.. కన్నీరు మున్నీరుగా చూడలేను
నిను గన్న నీ తల్లి కనుమూసె గాని..
నిను గన్న నీ తల్లి కనుమూసె గాని.. నిను వీడి క్షణమైన నేనుండ గలనా
నిను వీడి క్షణమైన నేనుండ గలనా..

జో..ఓ.. లాలి
జో..ఓ.. లాలి

చరణం 2:

రతనాల భవనాల నిన్నుంచలేను.. ముత్యాల ఉయ్యాలలూగించలేను
రతనాల భవనాల నిన్నుంచలేను.. ముత్యాల ఉయ్యాలలూగించలేను
కనుపాపలా నిన్ను కాపాడు కోనా..
కనుపాపలా నిన్ను కాపాడు కోనా.. నిరుపేద ఒడిలోన నిను దాచుకోనా
నిరుపేద ఒడిలోన నిను దాచుకోనా..

జో..ఓ.. లాలి
జో..ఓ.. లాలి
జో..ఓ.. లాలి

********** ************* *****************

చిత్రం: ధర్మదాత (1970) 
సంగీతం: టి. చలపతిరావు 
గీతరచయిత: సినారె 
నేపధ్య గానం: ఘంటసాల, సుశీల 

పల్లవి: 

ఓ బుల్లెమ్మా..ఇగో..ఇగో.. 
చిన్నారి బుల్లెమ్మా...సిగ్గెందుకు లేవమ్మా 
చన్నీట స్నానాలు చాలమ్మా.. అమ్మా 
నీ చక్కిలిగింతలు నాకందించగ రావమ్మా 

చిన్నారి బుల్లెమ్మా...సిగ్గెందుకు లేవమ్మా 
చన్నీట స్నానాలు చాలమ్మా.. అమ్మా 
నీ చక్కిలిగింతలు నాకందించగ రావమ్మా... 

చరణం 1: 

మెరిసిన నీ కళ్ళలో ...ఆ రంగులు చూసి 
తడిసిన నీ మేనిలో... ఆ పొంగులు చూసి 

ఏం చూసి... 

రంగులు చూసి.... పొంగులు చూసి 
రంగుల పొంగుల... హంగులు చూసి 
మనసేమో అంటుందే.. మత్తెక్కి పోతుందే 
మనసేమో అంటుందే... మత్తెక్కి పోతుందే 
ఒళ్లంతా జిల్లంటుందే బుల్లెమ్మా 
బుల్లెమ్మ ..ఇగో..ఇగో.. 

చిన్నారి బుల్లెమ్మా...సిగ్గెందుకు లేవమ్మా 
చన్నీట స్నానాలు చాలమ్మా.. అమ్మా 
నీ చక్కిలిగింతలు నాకందించగ రావమ్మా... 

చరణం 2: 

చలి చలిగా ఉందటే... ఓ చక్కని దాన 
చీరలు కావాలటే... ఓ చిక్కని దాన 

యూ సిల్లీ.. 


చక్కనిదాన చిక్కనిదాన 
చక్కని చిక్కని చెక్కిలిదాన 
వేడుకలే తీరుస్తా ...మూడుముళ్ళు వేసేస్తా 
వేడుకలే తీరుస్తా ...మూడుముళ్ళు వేసేస్తా 
మోమాటం ఎందుకు లేవే ...బుల్లెమ్మా 
ఓ బుల్లెమ్మా ..ఇగో..ఇగో.. 

చిన్నారి బుల్లెమ్మా...సిగ్గెందుకు లేవమ్మా 
చన్నీట స్నానాలు చాలమ్మా.. అమ్మా 
నీ చక్కిలిగింతలు నాకందించగ రావమ్మా...



********** ************* *****************
చిత్రం: ధర్మదాత (1970) 
సంగీతం: టి. చలపతిరావు 
గీతరచయిత: సినారె 
నేపధ్య గానం: ఘంటసాల, సుశీల 

పల్లవి: 

ఓం పరమేశ్వరి..జగదీశ్వరి.. 
రాజేశ్వరి..కాళేశ్వరి...ఇకనైన శాంతించవే... 
మండోదరి..గుండోదరి...నీలాంబరి..కాదంబరి 
నీ దాసుని ...కరుణించవే 

చరణం 1: 

నీ దండకం నేను విన్నాను...నీ అండగా నేను ఉన్నాను 
నీ దండకం నేను విన్నాను...నీ అండగా నేను ఉన్నాను 
నీ హారతిని అందుకొన్నాను... 
నీ హారతిని అందుకొన్నాను...నీ ముద్దు చెల్లించనున్నాను 
నీ ముద్దు చెల్లించనున్నాను.... 

పరమేశ్వరి..జగదీశ్వరి.. 
రాజేశ్వరి..కాళేశ్వరి...ఇకనైన శాంతించవే... 
మండోదరి..గుండోదరి...నీలాంబరి..కాదంబరి 
నీ దాసుని ...కరుణించవే 

చరణం 2: 

ఎన్నెన్ని పుణ్యాలు చేసానో...ఈ జన్మలో నిన్ను చూసాను 
ఎన్నెన్ని పుణ్యాలు చేసానో...ఈ జన్మలో నిన్ను చూసాను 
చిలకమ్మ లెన్నెన్ని ఎదురైనా... 
చిలకమ్మ లెన్నెన్ని ఎదురైనా...తొలి చూపు నీపైనే వేసాను 
తొలి చూపు నీపైనే వేసాను.... 

పరమేశ్వరి..జగదీశ్వరి.. 
రాజేశ్వరి..కాళేశ్వరి...ఇకనైన శాంతించవే... 
మండోదరి..గుండోదరి...నీలాంబరి..కాదంబరి 
నీ దాసుని ...కరుణించవే 

చరణం 3: 

నా కళ్ళలో నిండి పోవాలి...నువ్వు నా గుండెలో ఉండి పోవాలి 
నా కళ్ళలో నిండి పోవాలి...నువ్వు నా గుండెలో ఉండి పోవాలి 
చెలి కౌగిలి చెరసాల కావాలి... 
చెలి కౌగిలి చెరసాల కావాలి...కలకాలం బంధీనై పోవాలి 

పరమేశ్వరి...ఊహు... 
ప్రాణేశ్వరి...ప్రణయేశ్వరి..హృదయేశ్వరి..మదనేశ్వరి.. 
ఇకనైన శాంతించవే.... 
రాజేశ్వరి..భాగేశ్వరి...రాగీశ్వరి..నాగేశ్వరి... 
నీ దాసుని ...కరుణించవే....

********** ************* *****************
చిత్రం: ధర్మదాత (1970) 
సంగీతం: తాతినేని చలపతిరావ్ 
గీతరచయిత: సినారె 
నేపధ్య గానం: ఘంటసాల, సుశీల, జయదేవ్ 

పల్లవి: 

ఓ నాన్నా ఓ నాన్నా 
ఓ నాన్న నీ మనసే వెన్న 
అమృతం కన్నా అది ఎంతో మిన్న 
ఓ నాన్నా ఓ నాన్నా 

చరణం 1: 

ముళ్ళ బాటలో నీవు నడిచావు 
పూలతోటలో మమ్ము నడిపావు 
ముళ్ళ బాటలో నీవు నడిచావు 
పూలతోటలో మమ్ము నడిపావు 

ఏ పూట తిన్నావో ఎన్ని పస్తులున్నావో 
ఏ పూట తిన్నావో ఎన్ని పస్తులున్నావో 

పరమాన్నం మాకు దాచి వుంచావు 

ఓ నాన్న! నీ మనసే వెన్న 
అమృతం కన్నా అది ఎంతో మిన్న 
ఓ నాన్నా ఓ నాన్నా 

చరణం 2: 

పుట్టింది అమ్మ కడుపులోనైనా 
పాలు పట్టింది నీ చేతిలోన 
పుట్టింది అమ్మ కడుపులోనైనా 
పాలు పట్టింది నీ చేతిలోన 

ఊగింది ఉయ్యాలలోనైనా 
ఊగింది ఉయ్యాలలోనైనా 

నేను దాగింది నీ చల్లని ఒడిలోన..చల్లని ఒడిలోన 

ఓ నాన్న! నీ మనసే వెన్న 
అమృతం కన్నా అది ఎంతో మిన్న 
ఓ నాన్నా ఓ నాన్నా 

చరణం 3: 

ఉన్న నాడు ఏమి దాచుకున్నావు 
లేనినాడు చేయి సాచనన్నావు 
ఉన్న నాడు ఏమి దాచుకున్నావు 
లేనినాడు చేయి సాచనన్నావు 

నీ రాచగుణమే మా మూలధనము 
నీ రాచగుణమే మా మూలధనము 

నీవే మాపాలి దైవము 

ఓ నాన్న! నీ మనసే వెన్న 
అమృతం కన్నా అది ఎంతో మిన్న 
ఓ నాన్నా ఓ నాన్నా

********** ************* *****************

చిత్రం: ధర్మదాత (1970)
సంగీతం: టి. చలపతిరావు
గీతరచయిత: సినారె
నేపధ్య గానం: ఘంటసాల

పల్లవి:

ఎవ్వడికోసం ఎవడున్నాడు పోండిరా... పోండి
నా కాలం ఖర్మం కలిసొస్తేనే రండిరా... రండి
నా కాలం ఖర్మం కలిసొస్తేనే రండిరా... రండి
ఎవ్వడికోసం ఎవడున్నాడు పోండిరా... పోండి

చరణం 1:

ఉన్నవాడిదే రాజ్యమురా...లేని వాడి పని పూజ్యమురా
మనుషులలోనా మమతలు లేవు...మంచితనానికి రోజులు కావు
మనుషులలోనా మమతలు లేవు...మంచితనానికి రోజులు కావు
అంతా స్వార్ధం... జగమంతా స్వార్ధం

ఎవ్వడికోసం ఎవడున్నాడు పోండిరా... పోండి
నా కాలం ఖర్మం కలిసొస్తేనే రండిరా... రండి
ఎవ్వడికోసం ఎవడున్నాడు పోండిరా... పోండి

చరణం 2:

ఒకడికి నే తలవంచనురా...బానిసగా జీవించనురా
మిన్ను విరిగి పై పడినా కాని...అవమానాన్ని సహించనురా

ఒరే ..ఉంటే వేళకింత తింటారా...లేకుంటే పస్తులుంటా..ఒరే..ఒరే...
మిమ్ము నమ్ముకోని పుట్టానా...మీరు ఉద్దరింతురనుకొన్నానా
మిమ్ము నమ్ముకోని పుట్టానా...మీరు ఉద్దరింతురనుకొన్నానా
పోతున్నారా.... వెళ్ళిపోతున్నారా

ఎవ్వడికోసం ఎవడున్నాడు పోండిరా... పోండి
నా కాలం ఖర్మం కలిసొస్తేనే రండిరా... రండి
ఎవ్వడికోసం ఎవడున్నాడు పోండిరా... పోండి

చరణం 3:

కాలం మారక పోతుందా...కష్టం తీరక పోతుందా
అదృష్టమన్నది ఇంటికి వచ్చి...తలుపులు తట్టక పోతుందా

అప్పుడు మీరేమంటారు...
మా నాన్నే..మా నాన్నే...మా బాబే అంటూ
నీడకు చేరే పక్షుల్లాగా...బెల్లం చుట్టూ ఈగల్లాగా
నీడకు చేరే పక్షుల్లాగా...బెల్లం చుట్టూ ఈగల్లాగా
మూగకపోరు ...నే చూడకపోను

ఎవ్వడి కోసం ఎవడున్నాడు పోండిరా... పోండి
నా కాలం ఖర్మం కలిసొస్తేనే రండిరా...రండి
నా కాలం ఖర్మం కలిసొస్తేనే రండిరా ...రండి