లక్ష్మీ కటాక్షం (1970)

చిత్రం :  లక్ష్మీ కటాక్షం (1970)
సంగీతం :  కోదండపాణి
గీతరచయిత :  చిల్లర భావనారాయణరావు
నేపధ్య గానం :  జానకి 

పల్లవి :


శుక్రవారపు పొద్దు సిరిని విడువొద్దు
దివ్వెనూదగ వద్దు... బువ్వనెట్టొద్దు
తోబుట్టువుల మనసు కష్టపెట్టద్దు
తొలిసంజ మలిసంజ నిదురపోవద్దు
మా తల్లి వరలక్ష్మి నినువీడదపుడు
మా తల్లి వరలక్ష్మి నినువీడదపుడు

చరణం 1 :

ఇల్లాలు కంటతడి పెట్టని ఇంట
కల్లలాడని ఇంట... గోమాత వెంట
ముంగిళ్ళ ముగ్గుల్లొ... పసుపు గడపల్లో
పూలల్లో... పాలల్లో...
పూలల్లో... పాలల్లో... ధాన్యరాశుల్లో
మా తల్లి మహాలక్ష్మి  స్థిరముగానుండు
మా తల్లి మహాలక్ష్మి  స్థిరముగానుండు

********** ************ ***********

చిత్రం :  లక్ష్మీ కటాక్షం (1970)
సంగీతం :  కోదండపాణి
గీతరచయిత :  సినారె
నేపధ్య గానం :  ఘంటసాల,  సుశీల 

పల్లవి :

ఆహా...హ....అహ...హ...
అహ...హ.....ఓహో...ఓ...ఓ...
ఆహ....హ.....హా......

రా...వెన్నెల దొరా....కన్నియను చేరా
రా...కన్ను చెదర ...వేచితిని..రా రా...ఆ...ఆ..ఆ

రా..వెన్నెల దొరా....కన్నియను చేరా...
రా..కన్ను చెదర ...వేచితిని..రా రా...ఆ...ఆ...ఆ..   

చరణం 1 :

ఈ పాల వెన్నెలలోన...నీ నీలి కన్నులలోనా..
ఈ పాల వెన్నెలలోన...నీ నీలి కన్నులలోనా..
ఉన్నానులేవే ...ప్రియతమా....ఆ..ఆ

నీ మగసిరి నగవులు...చాలునులే...
నీ సొగసరి నటనలు చాలునులే...నీ మనసైన తారను నే కానులే...

రా..వెన్నెల దొరా...వింత కనవేరా..
రా..చిలకవౌరా...అలిగినదిలేరా...ఆ...ఆ..ఆ.. 

చరణం 2 :

ఈ మబ్బు తెరచాటేలా...ఈ నింగి పయణాలేలా...
ఈ మబ్బు తెరచాటేలా...ఈ నింగి పయణాలేలా...
ఎద నిండిపోరా...చందమా....ఆ...ఆ..

నీ పగడపు పెదవుల...జిగి నేనే...
నీ చెదరని కౌగిలి ...బిగి నేనే...
నా ఎద నిండ నీవే నిలిచేవులే....

రా..వెన్నెల దొరా....కన్నియను చేరా...
రా..కన్ను చెదర ...వేచితిని..రా రా...ఆ...ఆ...ఆ..

రా..వెన్నెల దొరా...వింత కనవేరా..
రా..చిలకవౌరా...అలిగినదిలేరా...ఆ...ఆ..ఆ..

********** ************ ***********


చిత్రం :  లక్ష్మీ కటాక్షం (1970)
సంగీతం :  కోదండపాణి
గీతరచయిత :  సినారె
నేపధ్య గానం :  ఘంటసాల,  సుశీల 

పల్లవి :

అమ్మమమ్మో తెలిసిందిలే.. గుట్టు తెలిసిందిలే
నీ రూపులలోన.. నీ చూపులోన
ఏ రాచకళలో మెరిసేనని

అమ్మమమ్మో తెలిసిందిలే.. గుట్టు తెలిసిందిలే
ఏ కొంటె మరుడో.. గంధర్వ వరుడో
నా కళ్ళలోన నవ్వేనని
అమ్మమమ్మో తెలిసిందిలే గుట్టు తెలిసిందిలే  

చరణం 1:

కులికే వయసే పులకించి పోగా
పోంగు ఆగుతుందా... ఎదలో కదిలే పొంగు ఆగుతుందా

కులికే వయసు పులకించి పోగా
పొంగు ఆగుతుందా.. ఎదలో కదిలే పొంగు ఆగుతుందా

పువ్వల్లే మారిపోయి.. ముద్దుల్లో తేలిపోయి
పువ్వల్లే మారిపోయి.. ముద్దుల్లో తేలిపోయి
కవ్విస్తే కన్నె మనసు ఆగుతుందా

అమ్మమమ్మో తెలిసిందిలే.. గుట్టు తెలిసిందిలే
నీ రూపులలోన.. నీ చూపులోన
ఏ రాచకళలో మెరిసేనని
అమ్మమమ్మో తెలిసిందిలే.. గుట్టు తెలిసిందిలే 

చరణం 2 :

వలచే జాబిలి ఇలపైన రాగ
కలువ దాగుతుందా.. విరిసే మురిసే.. తలపు దాగుతుందా

వలచే జాబిలి ఇలపైన రాగ
కలువ దాగుతుందా.. విరిసే మురిసే.. తలపు దాగుతుందా

తీగల్లే అల్లుకొంటే..ఆహ..
గుండెల్లో జల్లుమంటే..ఓహో..
తీగల్లే అల్లుకొంటే..ఆహ..
గుండెల్లో జల్లుమంటే..ఓహో..
దాచినా దోర వలపు దాగుతుందా

అమ్మమమ్మో తెలిసిందిలే.. గుట్టు తెలిసిందిలే
ఏ కొంటె మరుడో.. గంధర్వ వరుడో
నా కళ్ళలోన నవ్వేనని
అమ్మమమ్మో తెలిసిందిలే.. గుట్టు తెలిసిందిలే