నమ్మిన బంటు (1960)

చిత్రం : నమ్మిన బంటు (1960)
సంగీతం : ఎస్. రాజేశ్వరరావు
రచన : కోసరాజు
గానం : ఘంటసాల, సుశీల

పల్లవి:
ఆఆఆఆఆఆఆఆఆఆఆఆ
ఎంత మంచి వాడవురా
ఎన్ని నోళ్ళ పొగడుదురా
ఎంత మంచి వాడవురా
ఎన్ని నోళ్ళ పొగడుదురా

ఎంత మంచి వాడవురా
ఎన్ని నోళ్ళ పొగడుదురా
ఎటుల నిన్ను వీడుదురా
ఎటుల నిన్ను వీడుదురా
ఎంత మంచి వాడవురా
ఎన్ని నోళ్ళ పొగడుదురా


ఎంత మంచిదానవే
పొరపాటు గ్రహించితివే
ఎంత మంచిదానవే
పొరపాటు గ్రహించితివే
నా ప్రేమ హరించితివే
నా ప్రేమ హరించితివే
ఎంత మంచిదానవే
పొరపాటు గ్రహించితివే
ఆఆఆఆఆఆఆఆఆఆఆఆ

చరణం : 1

ఆ...
మనసులోన కోవెలగట్టి
మల్లెపూల అంజలిబట్టి
మనసులోన కోవెలగట్టి
మల్లెపూల అంజలిబట్టి
నిను నిత్యము పూజింతునురా
నీ కథలే స్మరియింతునురా
నిను నిత్యము పూజింతునురా
నీ కథలే స్మరియింతునురా
ఎంత మంచి వాడవురా
ఎన్ని నోళ్ళ పొగడుదురా
ఆఆఆఆఆఆఆఆఆఆఆఆ

చరణం : 2

నీ పూజా సుమములు బెట్టి
రకరకాల దండలు గట్టి
నీ మెడలో వేసెదనే
నాదానిగ జేసేదనే

ఎంత మంచిదానవే
పొరపాటు గ్రహించితివే

కలలే నిజమాయెనులే
జీవితమే మారెనులే
ఇద్దరము చూపులు కలిపి
ఏకంగా పోదములే
ఇద్దరము చూపులు కలిపి
ఏకంగా పోదములే
ఆఆఆఆఆఆఆఆఆఆఆఆ


******* *********** **********



చెంగు చెంగునా గంతులు వేయండి
చిత్రం: నమ్మిన బంటు (1960)
సంగీతం: ఎస్. రాజేశ్వరరావు
రచన: కోసరాజు
నేపధ్య గానం: సుశీల

పల్లవి:

చెంగు చెంగునా...
చెంగు చెంగునా గంతులు వేయండి
ఓ జాతివన్నె బుజ్జాయిల్లారా
నోరులేని తువ్వాయిల్లారా
చెంగు చెంగునా....
చెంగు చెంగునా గంతులు వేయండి

చరణం: 1

రంగురంగుల మోపురాలతో.. రంకెలు వేసే రోజెపుడో
చెకచెకమంటూ అంగలువేసీ.. నేలనుదున్నే అదనెపుడో
కూలిపోయినా సంసారానికి.. గోగాకింతా పెట్టే దెపుడో
ఓ..ఓఓఓఓఓఓఓఓఓఓ.. ఓ..ఓఓఓఓఓఓఓఓఓఓఓఓ
కూలిపోయినా సంసారానికి.. గోగాకింతా పెట్టే దెపుడో
ఆశలన్ని మీమీద బెట్టుకొని.. తిరిగే మా వెత లణగే దెపుడో

చెంగు చెంగునా గంతులు వేయండి

చరణం : 2

పంచభక్ష్య పరమాన్నం తెమ్మని
బంతిని గూర్చుని అలగరుగా..
పట్టుపరుపులను వేయించండని..పట్టుబట్టి వేధించరుగా
గుప్పెడు గడ్డితో గ్రుక్కెడు నీళ్ళతో తృప్తిచెంది తలలూగిస్తారూ
జాలిలేని నరపశువుల కన్న..మీరే మేలనిపిస్తారూ

చెంగు చెంగునా గంతులు వేయండి

చరణం : 3

పగలనకుండా రేయినకుండా..పరోపకారం చేస్తారూ
వెన్నుగాచి మీ యజమానులపై విశ్వాసం జూపిస్తారూ
తెలుగుతల్లికి ముద్దుబిడ్డలు..సంపద పెంచే జాతిరత్నములు
తెలుగుతల్లికి ముద్దుబిడ్డలు..సంపద పెంచే జాతిరత్నములు
మా ఇలవేల్పులు మీరు లేనిదే..మానవజాతికి బ్రతుకే లేదు

చెంగు చెంగునా
చెంగు చెంగునా గంతులు వేయండి
ఓ జాతివన్నె బుజ్జాయిల్లారా
నోరులేని తువ్వాయిల్లారా
చెంగు చెంగునా గంతులు వేయండి

******* ************ **************


తెల తెలవారెను లేవండమ్మా
చిత్రం: నమ్మిన బంటు (1960)
సంగీతం: ఎస్. రాజేశ్వరరావు
రచన: కోసరాజు
నేపధ్య గానం: జిక్కి

పల్లవి:

ఓఓఓఓఓఓఓఓఓఓఓఓఓఓఓఓఓఓఓఓఓఓఓఓ
తెల తెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా..ఆఆఆఆఆఆ
తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా

ఏ..కామాక్షీ ..ఓ..మీనాక్షీ
ఓ..విశాలాక్షీ..ఓఓఓఓఓఓఓ

ముద్దులు జిలికే ముచ్చట గొలిపే
ముగ్గులు తీరిచి దిద్దండమ్మా
ముద్దులు జిలికే ముచ్చట గొలిపే
ముగ్గులు తీరిచి దిద్దండమ్మా
చేయి దిరిగిన ఈ విద్యల్లో మన స్త్రీజాతికి సరి ఎవరమ్మా

తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా

చరణం::1

ఓఓఓఓఓఓఓఓఓఓఓ..ఓ..ఓఓఓఓఓఓఓఓఓఓఓఓఓ

రెక్కలు తటతట కొట్టుచు కొళ్ళూ
'కొక్కొరొకొ' యని కూసినవి...
రెక్కలు తటతట కొట్టుచు కొళ్ళూ
'కొక్కొరొకొ' యని కూసినవి...
అంబా అంటూ తల్లిపాలకై ఆవుదూడలల్లాడు చున్నవి

తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా

చరణం: 2

హరి.. హరిలోరంగ.. హరే.. హరే హరేలోరంగ హరే హరే
హరి.. హరిలోరంగ.. హరే - హరే హరేలోరంగ హరే హరే
అందెలు మోయగా.. బిందెలతో నీలాటి రేవునకు తరాలండి
నీలాటి రేవునకు తరాలండి...
అందెలు మోయగా.. బిందెలతో నీలాటి రేవునకు తరాలండి
నీలాటి రేవునకు తరాలండి...
పందెం వేసి నేనూ..నేనని..పనిపాటలకై మరలండి

తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా

చరణం::3

ఓఓఓఓఓఓఓఓఓఓఓఓఓఓఓఓ
తూరుపు దిక్కున బాల సూర్యుడు తొంగి తొంగి చూసేనమ్మ
దొంగచూపు చూసేనమ్మా
తూరుపు దిక్కున బాల సూర్యుడు తొంగి తొంగి చూసేనమ్మ
దొంగచూపు చూసేనమ్మా! కలవరపాటున దాగియున్న
ఆ కథయేమో అడగండమ్మా

తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా
అ అ అ ఆఆఆఅ
తెలతెలవారెను లేవండమ్మా
చెలియల్లారా రారండమ్మా
చెలియల్లారా రారండమ్మా

****** *********  ***********


కన్ను మిన్ను కానరాని

చిత్రం: నమ్మిన బంటు (1960)
సంగీతం: మాస్టర్ వేణు
గీతరచయిత: సముద్రాల (సీనియర్)
నేపధ్య గానం: ఘంటసాల

పల్లవి:

కన్ను మిన్ను కానరాని కాలితెరపు గిత్తరా..ఆ..
పట్టుకుంటే మాసిపోయే పాలపళ్ళ గిత్తరా..ఆ..ఆ..
అరెరెరెరెరెర్రే
ఒంటి మీద చేయి వేస్తే ఉలికిపడే గిత్తరా..ఆ..ఆ..

హేయ్.. పొగరుమోతు పోట్లగిత్తరా..
ఓరయ్య దీని చూపే సింగారమౌనురా
ఓరయ్య దీని రూపే బంగారమౌనురా

పొగరుమోతు పోట్లగిత్తరా..
ఓరయ్య దీని చూపే సింగారమౌనురా
ఓహ్-రయ్య దీని రూపే బంగారమౌనురా

చరణం 1:

ముందుకొస్తే ఉరిమి కొమ్ములాడిస్తుంది..
యెనక్కొస్తే ఎగిరి కాలు ఝాడిస్తుంది
ఓహో..ఓ..ఓ.. హొయ్..
ముందుకొస్తే ఉరిమి కొమ్ములాడిస్తుంది..
యెనక్కొస్తే ఎగిరి కాలు ఝాడిస్తుంది
విసురుకుంటు కసురుకుంటు ఇటూ అటూ అటూ ఇటూ.. డుర్..ర్..ర్..ర్..ర్..
కుంకిళ్ళు పెడుతుంది కుప్పిగంతులేస్తుంది
పొగరుమోతు... హహ..

పొగరుమోతు పోట్లగిత్తరా..
ఓరయ్య దీని చూపే సింగారమౌనురా
ఓహ్-రయ్య దీని రూపే బంగారమౌనురా

చరణం 2:

అదిలిస్తే అంకెవేయు..
బెదురుమోతు గిత్తరా..ఆ..ఆ..ఆ..
అరెరెరెరెరే
కదిలిస్తే గంతులేసి కాండ్రుమనే గిత్తరా..ఆ..ఆ..ఆ..
దీని నడుముతీరు చూస్తుంటే నవ్వు పుట్టుకొస్తోంది
నడకజోరు చూస్తుంటే వడలు పులకరిస్తుంది
అహ.. నడుముతీరు చూస్తుంటే నవ్వు పుట్టుకొస్తోంది
నడకజోరు చూస్తుంటే వడలు పులకరిస్తుంది
వన్నెచిన్నెల రాణి.. ఇవ్వాళ మంచి బోణి
డుర్..ర్..ర్..ర్..ర్.... వన్నెచిన్నెల రాణి..
ఇవ్వాళ మంచి బోణి
నిన్నొదిలిపెడితే ఒట్టు.. ఈ వగలు కట్టిపెట్టు
పొగరుమోతు... హహ..

పొగరుమోతు పోట్లగిత్తరా..
ఓరయ్య దీని చూపే సింగారమౌనురా
ఓహ్-రయ్య దీని రూపే బంగారమౌనురా..