కానిస్టేబుల్ కూతురు (1962)

చిత్రం: కానిస్టేబుల్ కూతురు (1962)
సంగీతం: ఆర్. గోవర్ధన్
గీతరచయిత: ఆచార్య ఆత్రేయ
నేపధ్య గానం: పి. బి. శ్రీనివాస్

పల్లవి:

వెన్నెలకేలా నాపై కోపం సెగలై ఎగసినదీ
ఈ పూవునకేలా నాపై కోపం ముల్లై గుచ్చినది

కన్నులకేలా నాపై కోపం కణకణలాడినవి
నీ చూపులకేనా నాపై కోపం తూపులు దూసినవి

వెన్నెలకేలా నాపై కోపం సెగలై ఎగసినదీ
ఈ పూవునకేలా నాపై కోపం ముల్లై గుచ్చినది

చరణం 1:

బులిపించు పైట కలహించి అకటా తరిమినదెందులకో…
బులిపించు పైట కలహించి అకటా తరిమినదెందులకో…
నీ వలపులు చిందే పలుకుల విందే చేదుగ మారినదో
పీటలపైన పెళ్ళిదినాన మాటలు కరువైనా
నన్ను ఓరచూపుల కోరికలూరా చూడవా నీవైనా..

వెన్నెలకేలా నాపై కోపం సెగలై ఎగసినదీ
ఈ పూవునకేలా నాపై కోపం ముల్లై గుచ్చినది

చరణం 2:

మరదలు పిల్లా జరిగినదెల్లా మరచుటే మేలుగదా..
ఓ..ఓ..ఓ.. మరదలు పిల్లా జరిగినదెల్లా మరచుటే మేలుగదా..
నిను కోరిన బావను కూరిమి తోడను చేరుటే పాడిగదా ..
నిను కోరిన బావను కూరిమి తోడను చేరుటే పాడిగదా ..

వెన్నెలకేలా నాపై కోపం సెగలై ఎగసినదీ
ఈ పూవునకేలా నాపై కోపం ముల్లై గుచ్చినది

****** ******* ******************* *********

చిత్రం: కానిస్టేబుల్ కూతురు (1962)
సంగీతం: ఆర్. గోవర్ధన్
గీతరచయిత: ఆచార్య ఆత్రేయ
నేపధ్య గానం: పి. బి. శ్రీనివాస్, సుశీల

పల్లవి:

చిగురాకుల ఊయలలో ఇల మరచిన ఓ చిలుకా
మధురాశలు పలికేవో... నా మనసును చిలికేవో..ఓ..ఓ
చిగురాకుల ఊయలలో ఇల మరచిన ఓ చిలుకా ఆ ఆ

చరణం 1:

నీ అడుగుల జాడలలో... నా నీడను కలిపేనా
నీ చూపుల కాంతులలో... నా రూపును నిలిపేనా..ఆ..ఆ..అ

చిగురాకుల ఊయలలో ఇల మరచిన ఓ చిలుకా ఆ ఆ

చరణం 2:

నా దారిలో నిను జూచి... నును సిగ్గుతో తొలగేనా ఆ ఆ ఆ
కలలో నిను కనినంతా నిజమే అని పిలిచేనా..ఆ..ఆ..ఆ

చిగురాకుల ఊయలలో ఇల మరచిన ఓ చిలుకా
మధురాశలు పలికేవో.. మా చెల్లిని పిలిచేవో..ఓ..ఓ..
చిగురాకుల ఊయలలో ఇల మరచిన ఓ చిలుకా ఆ ఆ

చరణం 3:

విరిపూలతో ఆడును లే... చిరుగాలితో పాడును లే
మా చెల్లెలు బాల సుమా.. ఏమెరుగని బేల సుమా..ఆ..ఆ..ఆ

చిగురాకుల ఊయలలో ఇల మరచిన ఓ చిలుకా
మధురాశలు పలికేవో.. మా చెల్లిని పిలిచేవో..ఓ..ఓ..
చిగురాకుల ఊయలలో ఇల మరచిన ఓ చిలుకా ఆ ఆ