ఆత్మ బంధువు (1962)

చిత్రం : ఆత్మ బంధువు (1962)
సంగీతం : కె.వి. మహదేవన్
గీతరచయిత : కొసరాజు
నేపధ్య గానం : సుశీల, జమునా రాణి 

పల్లవి :


మారదు మారదు మనుషుల తత్వం మారదు
మారదు మారదు మనుషుల తత్వం మారదు

మాటలతోటి మారిందనుకుని... మాటలతోటి మారిందనుకుని
ఎవ్వరు భ్రమపడకూడదు... మ్మ్....  మ్మ్
మారదు మారదు మనుషుల తత్వం మారదు 



చరణం 1 : 

సూర్య చంద్రులూ మారలేదులే... చుక్కలు మొలవకా మానలేదులే
సూర్య చంద్రులూ మారలేదులే... చుక్కలు మొలవకా మానలేదులే
మనిషికి ఉన్నా స్వార్ధపరత్వం...
మనిషికి ఉన్నా స్వార్ధపరత్వం...
మారటమంటే సుళువు కాదులే...
మారటమంటే సుళువు కాదులే
మారదు మారదు మనుషుల తత్వం మారదు 

చరణం 2 : 


పైసా ఉంటే అందరుమాకు బంధువులంటారు...  దగ్గర బంధువులంటారు
పైసా ఉంటే అందరుమాకు బంధువులంటారు...  దగ్గర బంధువులంటారు

పైసాపోతే కన్నబిడ్డలే చీపో అంటారు... చెవులకు చేటలు కడతారు
పైసాపోతే కన్నబిడ్డలే చీపో అంటారు... చెవులకు చేటలు కడతారు

మారదు మారదు మనుషుల తత్వం మారదు


చరణం 3 :


కాసుపడనిదే తాళి కట్టరు... పెళ్ళిపీటపై వారు కాలుపెట్టరు
కాసుపడనిదే తాళి కట్టరు... పెళ్ళిపీటపై వారు కాలుపెట్టరు

కట్నములేనిదే ఘనతే లేదనీ...
కట్నములేనిదే ఘనతే లేదనీ
చదువుకున్నవారే కలలుకందురూ...
చదువుకున్నవారే కలలుకందురూ... 

మారదు మారదు మనుషుల తత్వం మారదు


చరణం 4 :


ఆకలికన్నం పెట్టేవాడే... ఏ... ఏ... ఏ..
ఆపదలో కాపాడేవాడే..ఏ... ఏ... ఏ..
ఆకలికన్నం పెట్టేవాడే..ఆపదలో కాపాడేవాడే
బంధువూ అతడే... బంధువూ...  ఆత్మబంధువూ
ఆ...ఆ... ఆ... ఆ... ఆ... ఆ  

మారదు మారదు మనుషుల తత్వం మారదు
మనుషుల తత్వం మారదు

*************  ******** ******** ********

చీరగట్టి సింగారించి
చిత్రం: ఆత్మ బంధువు (1962)
సంగీతం: కె.వి. మహదేవన్
గీతరచయిత: కొసరాజు
నేపధ్య గానం: ఘంటసాల

పల్లవి:



చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్
చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్



చరణం 1:

ఒయ్యారము ఒలకబోసినావా.. వాలుచూపులతో గాలమ్ము వేసినావా
ఒయ్యారము ఒలకబోసినావా.. వాలుచూపులతో గాలమ్ము వేసినావా
పెళ్ళికొడుకును పట్టినావా .. పెళ్ళికొడుకును పట్టినావా ..
ఓసి కోడలుపిల్లా ఛాన్సు కొట్టినావా

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్



చరణం 2:

చందమామవంటి భలే అందగాడు.. బాగ కన్నువేసి నిన్ను కోరుకున్నవాడు
చందమామవంటి భలే అందగాడు.. బాగ కన్నువేసి నిన్ను కోరుకున్నవాడు
నేనన్నమాట తప్పిపోదు ఇటు చూడు.. నేనన్నమాట తప్పిపోదు ఇటు చూడు
ఏడాది తిరగకుండ వచ్చు.. ఏడాది తిరగకుండ వచ్చు చిన్నవాడు

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్



చరణం 3:


ముక్కుమీదే ఉంది నీకు కోపం..అబ్బో విసురుకుంటే కసురుకుంటే ఏమి లాభం
ముక్కుమీదే ఉంది నీకు కోపం..అబ్బో విసురుకుంటే కసురుకుంటే ఏమి లాభం
వలపు దాచావంటే పరితాపం .. వలపు దాచావంటే పరితాపం..
అది పైకి చెప్పుకుంటేనే ఉల్లాసం

చీరగట్టి సింగారించి.. చింపితలకు చిక్కుదీసి
చక్కదనముతో సవాలు జేసే చుక్కలాంటి చిన్నదానా.. చిన్నదానా.. హోయ్

*************  ******** ******** ********

చిత్రం: ఆత్మ బంధువు (1962)
సంగీతం: కె.వి. మహదేవన్
గీతరచయిత: సినారె
నేపధ్య గానం: సుశీల


పల్లవి:

చదువు రాని వాడవని దిగులు చెందకు ..
మనిషి మదిలోన మమత లేని చదువులెందుకు
చదువు రాని వాడవని దిగులు చెందకు ..
మనిషి మదిలోన మమత లేని చదువులెందుకు
మంచు వంటి మల్లె వంటి మంచి మనసుతో..
జీవించలేని పనికిరాని బ్రతుకులెందుకు

చదువు రాని వాడవని దిగులు చెందకు ..
మనిషి మదిలోన మమత లేని చదువులెందుకు

చరణం 1:

ఏమి చదివి పక్షులు పైకెగుర గలిగేను
ఏ చదువు వల్ల చేపపిల్ల లీదగలిగెను
అడవిలోని నెమలికెవడు ఆట నేర్పేను
అడవిలోని నెమలికెవడు ఆట నేర్పేను...
కొమ్మ పైని కోయిలమ్మ కెవడు పాట నేర్పేను

చదువు రాని వాడవని దిగులు చెందకు ..
మనిషి మదిలోన మమత లేని చదువులెందుకు

చరణం 2:

తెలివి లేని లేగ దూడ పిలుచుని అంబా అని
యేమెరుగని చంటి పాప యేడ్చును అమ్మా అని
చదువులతో పని యేమి హృదయం ఉన్న చాలు
చదువులతో పని యేమి హృదయం ఉన్న చాలు..
కాయితంబు పూల కన్న గరిక పూవు మేలు

చదువు రాని వాడవని దిగులు చెందకు..
మనిషి మదిలోన మమత లేని చదువులెందుకు
చదువు రాని వాడవని దిగులు చెందకు..
మనిషి మదిలోన మమత లేని చదువులెందుకు

********** ************* ****************

చిత్రం : ఆత్మ బంధువు (1962)
సంగీతం : కె.వి. మహదేవన్
రచన : ఆచార్య ఆత్రేయ
గానం: ఘంటసాల, పి.సుశీల


అనగనగా ఒక రాజు అనగనగా ఒక రాణి
అనగనగా ఒక రాజు అనగనగా ఒక రాణి
అనగనగా ఒక రాజు అనగనగా ఒక రాణి
అనగనగా ఒక రాజు అనగనగా ఒక రాణి


రాజు గుణము మిన్న రాణి మనసు వెన్న
రాజు గుణము మిన్న రాణి మనసు వెన్న

అనగనగా ఒక రాజు అనగనగా ఒక రాణి
ఆ రాజుకు ఏడుగురు కొడుకులున్నారు
వారు చదువు సంధ్యలుండికూడ చవటలయ్యారు వొట్టి చవటలయ్యారు
అనగనగా ఒక రాజు అనగనగా ఒక రాణి

పడకమీద తుమ్మముళ్ళు పరచెనొక్కడు
అయ్యో ఇంటి దీపమార్పివెయ నెంచెనొక్కడు
తల్లి తండ్రులు విషమని తలచెనొక్కడు
తల్లి తండ్రులు విషమని తలచెనొక్కడు
పడుచు పెళ్ళామే బెల్లమని భ్రమసెనొక్కడు భ్రమసెనొక్కడు

అనగనగా ఒక రాజు అనగనగా ఒక రాణి
అనగనగా ఒక రాజు అనగనగా ఒక రాణి

కొడుకులతో బాటు రాజు కుక్కను పెంచి
ప్రేమయనె పాలు పోసి పెంపు చేసేను
కొడుకులతో బాటు రాజు కుక్కను పెంచి
ప్రేమయనె పాలు పోసి పెంపు చేసెను
కంటిపాప కంటె యెంతో గారవించేను
కంటిపాప కంటె యెంతో గారవించేను
దాని గుండెలోన గూడు కట్టి ఉండసాగేను తానుండసాగేను

అనగనగా ఒక రాజు అనగనగా ఒక రాణి
రాజు గుణము మిన్న రాణి మనసు వెన్న
అనగనగా ఒక రాజు అనగనగా ఒక రాణి

నాది నాది అనుకున్నది నీది కాదురా
నీవు రాయన్నది ఒకనాటికి రత్నమౌనురా
నాది నాది అనుకున్నది నీది కాదురా
నీవు రాయన్నది ఒకనాటికి రత్నమౌనురా
కూరిమి గలవారంతా కొడుకులేనురా
కూరిమి గలవారంతా కొడుకులేనురా
జాలిగుండె లేని కొడుకుకన్న కుక్క మేలురా... కుక్క మేలురా...

అనగనగా ఒక రాజు అనగనగా ఒక రాణి
రాజు గుణము మిన్న రాణి మనసు వెన్న
అనగనగా ఒక రాజు అనగనగా ఒక రాణి