చిత్రం : బంగారు బొమ్మలు (1977)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపధ్య గానం : బాలు, సుశీల
పల్లవి :
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
చరణం 1 :
చెలిమి పాదులో వలపే పెరగాలి... ఆ వలపు తోటలో కలలే పండాలి
చెలిమి పాదులో వలపే పెరగాలి... ఆ వలపు తోటలో కలలే పండాలి
ఆ కలలే మన జీవితాలకు కమ్మని మత్తివ్వాలి
ఆ కలలే మన జీవితాలకు కమ్మని మత్తివ్వాలి
ఆ మత్తున తేలి మైమరచి మనమెవ్వరమో మరవాలి...
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
చరణం 2 :
ఏడు సముద్రాలవతలి ఒడ్డున గూడు కట్టుకొని ఉందాము
మూడులోకములు ముద్దగ చేసి మరోలోకమును సృష్టిద్దాము
ఏడు సముద్రాలవతలి ఒడ్డున గూడు కట్టుకొని ఉందాము
మూడులోకములు ముద్దగ చేసి మరోలోకమును సృష్టిద్దాము
నీవు సూర్యుడుగా... నేను జాబిలిగా.... ఏలుదాము కాలాన్ని...
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
చరణం 3 :
గుండె గుండెలో దూసుకుపోవాలి...
ఆ గుండెలు రెండూ గుడిగా మారాలి
గుండె గుండెలో దూసుకుపోవాలి...
ఆ గుండెలు రెండూ గుడిగా మారాలి
ఆ గుడిలో మన ప్రేమ దేవతే కొలువు తీరి ఉండాలి
ఆ గుడిలో మన ప్రేమ దేవతే కొలువు తీరి ఉండాలి
ఆ కొలువున మనమూ ప్రమిదలమై కోటి జన్మలే ఎత్తాలి
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
నేను నేనుగా... నీవు నీవుగా... వేరు వేరుగా
నిలువలేమూ క్షణమైనా... నిలువలేమూ క్షణమైనా
********************** *************** ***************
చిత్రం : బంగారు బొమ్మలు (1977)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపధ్య గానం : బాలు, సుశీల
పల్లవి :
లాలో... లలలలల... లాలో....
అయ్యయ్యో బంగరు బాబు... అయ్యయ్యో బంగరు బాబు
సెలయేరులాగా గలగల నవ్వులు రవ్వల రువ్వి
చిరుగాలిలాగా తగిలీ తగలక గిలిగింతలు పెట్టి...
నన్ను తరుముకు వచ్చి తలపులు తలచేదెవరు... ఎవరు ఎవరు...
నేనే... నేనే... నేనే...
అమ్మమ్మో బంగరు బొమ్మ... అమ్మమ్మో బంగరు బొమ్మ
సెలయేరులాగా గలగల నవ్వులు రవ్వల రువ్వి
చిరుగాలిలాగా తగిలీ తగలక గిలిగింతలు పెట్టి...
నిన్ను తరుముకు వచ్చి వెంటాడేది నేను... నేను... నేనే...
అయ్యయ్యో బంగరు బాబు... అమ్మమ్మో బంగరు బొమ్మ
చరణం 1 :
మరపురాని ఒక మధుర గాధలా...
కరిగిపోని ఒక కమ్మని కలలా....
గురుతురానీ గత జన్మస్మృతిలా....
మనసు మూలలను వెతుకుతున్నది... ఎవరు.. ఎవరు... ఎవరు...
చెరిగిపోని చిననాటి చెలిమిలా...
తరువు లేని సెలయేటి పాటలా....
నిలకడైన ఒక మెరుపు తీగలా...
మనసు మూలలను వెతుకుతున్నది నేనే... నేనే... నేనే...
అయ్యయ్యో బంగరు బాబు... అమ్మమ్మో బంగరు బొమ్మ
రాధా....
చరణం 2 :
యాడ నుంచి వచ్చినావురా... నన్నేడ కలుసుకున్నావురా
యాడ నుంచి వచ్చినావురా... నన్నేడ కలుసుకున్నావురా
ఎంత గురుతు తెచ్చినా... ఎంత తరచి చూచినా
ఎంత గురుతు తెచ్చినా... ఎంత తరచి చూచినా
నీ జాడ తెలియకుందిరా.... నన్నేడిపించకొదలరా
యాడ నుంచి వచ్చినావురా... నన్నేడ కలుసుకున్నావురా
ఈడనే వున్నానులే... నీ నీడనై వున్నానులే....
ఈడనే వున్నానులే... నీ నీడనై వున్నానులే....
ఎంత మరచిపోయినా.... ఎంత మనసు మారినా
ఎంత మరచిపోయినా.... ఎంత మనసు మారినా
నీ కలతలోనే ఋజువుంది... నా కథలు నీకు చెబుతుంది
ఈడనే వున్నానులే... నీ నీడనై వున్నానులే....
నీ నీడనై వున్నానులే.... నీ నీడనై వున్నానులే
చరణం 3 :
ఎంత తపస్సు చేసైనా... ఎన్ని జన్మలు ఎత్తైనా...
నీ వాడుగా క్షణమైన బ్రతుకుతాను... ఓహో..ఓహో...
నీ ఒడిలో ప్రాణాలే వదులుతాను... అహాహ... అహ...హా
వదలను వదలను వదలను... నిన్ను వదలను వదలను వదలను...
నా వలపే ఒక కలగా నేననుకోను... ననుకోను... ననుకోను...
ఎంత తపస్సు చేసైనా... ఎన్ని జన్మలు ఎత్తినా...
నీ దాన్ని ఎన్నటికీ కాలేను... నీ దారి ఏనాడు రాలేను
దొరకను దొరకను దొరకను.. నీకు దొరకను దొరకను దొరకను
నీ కథలూ.. నీ మాటలు.. నే నమ్మను నమ్మను నమ్మను....
అయ్యయ్యో బంగరు బాబు... అయ్యయ్యో బంగరు బాబు
సెలయేరులాగా గలగల నవ్వులు రవ్వల రువ్వి
చిరుగాలిలాగా తగిలీ తగలక గిలిగింతలు పెట్టి...
నన్ను తరుముకు వచ్చి తలపులు తలచేదెవరు... ఎవరు ఎవరు...
********************** *************** ***************
చిత్రం : బంగారు బొమ్మలు (1977)
సంగీతం : కె.వి. మహదేవన్
గీతరచయిత : ఆచార్య ఆత్రేయ
నేపధ్య గానం : బాలు, సుశీల
పల్లవి:
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
మనమంటే తనకెంతో ముద్దని
కృష్ణమ్మ కలిపింది ఇద్దరినీ... ఈ... ఈ...
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
మనమంటే తనకెంతో ముద్దని
కృష్ణమ్మ కలిపింది ఇద్దరినీ... ఈ... ఈ...
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
చరణం 1:
కనకదుర్గ కనుసన్నలలో గలగల పారే తన ఒడిలో
కనకదుర్గ కనుసన్నలలో గలగల పారే తన ఒడిలో
మన పడవలు రెండూ పయనించాలని
బ్రతుకులు నిండుగ పండించాలని
కలిపింది ఇద్దరినీ... కృష్ణమ్మ కలిపింది ఇద్దరినీ
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
చరణం 2:
నీ కురుల నలుపులో... నీ కనుల మెరుపులో...
అలలై... కలలై... అలలై కలలై తానే వెలిసింది
నీ లేత మనసులో... నీ దోర వయసులో...
వరదై... వలపై... వరదై వలపై తానే ఉరికిందీ
చిరుగాలుల తుంపరగా... చిరునవ్వుల సంపదగా
చిరుగాలుల తుంపరగా... చిరునవ్వుల సంపదగా
మనమంటే తనకెంతో ముద్దని
కృష్ణమ్మ కలిపింది ఇద్దరినీ... ఈ... ఈ...
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
చరణం 3:
పంట పొలాల్లో పచ్చదనంగా పైరగాలిలో చల్లదనంగా
పంట పొలాల్లో పచ్చదనంగా పైరగాలిలో చల్లదనంగా
పల్లెపదంలో తీయదనంగా
చిరంజీవులై జీవించాలని
కలిపింది ఇద్దరినీ... కృష్ణమ్మ కలిపింది ఇద్దరినీ
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
మనమంటే తనకెంతో ముద్దని
కృష్ణమ్మ కలిపింది ఇద్దరినీ... ఈ... ఈ...
నేనీదరిని నువ్వా దరినీ
కృష్ణమ్మ కలిపింది ఇద్దరినీ...
