అ ఆ ఇ ఈ (2009)

చిత్రం: అ ఆ ఇ ఈ (2009)
సంగీతం: యమ్.యమ్.శ్రీలేఖ
సాహిత్యం: భాస్కరభట్ల
గానం: కార్తిక్, యమ్.యమ్.శ్రీలేఖ

పల్లవి:
అచ్చట ముచ్చట తీరాలట ఇప్పుడే ఇచ్చట
ఎచ్చట ఎచ్చట ఏవైనట సంగతే చెప్పటా
చీకటైతే చాలట చీర చాటు గోలట
రాజుకుంటే ఈడట దానిపేరె మూడట
ఊరుకోరాదట ఊసులాడాలట
ఊయలూపాలటా ట ట ట ట ట ట

అచ్చట ముచ్చట తీరాలట ఇప్పుడే ఇచ్చట
ఎచ్చట ఎచ్చట ఏవైనట సంగతే చెప్పట

చరణం: 1
మొట్టమొదట నుదుటిమీద చెమట
వెల్లువై నదిలా మారింది
చుట్టుకొలత చూడగానే చిలక
భగ్గుమని వయసే రగిలిందే
ఎగుడు దిగుడు వెతికే దారుల్లో
జడతో జగడం జరిగేవేళల్లో
కన్నె కనకాంబరం సోకు చీనాంబరం
అరె తిరగ మరగ నలగలంటా ట ట ట ట ట ట

అచ్చట ముచ్చట
అచ్చట ముచ్చట తీరాలట ఇప్పుడే ఇచ్చట
ఎచ్చట ఎచ్చట ఏవైనట సంగతే చెప్పటా

చరణం: 2
పట్టి మంచం కిర్రుమంటు గొడవ
యవ్వనం ఈలలు వేస్తుంటే
ఇంత మైకం ఇందులోన కలదా
నరనరం మెళికలు పడుతుంటే
ఒకటి ఒకటి కలిసే చప్పట్లో
అలుపు సొలుపు రాదే ఇప్పట్లో
నేనే గుడిగోపురం నీవే నా పావురం
నా ఎదపై నువ్వే వాలాలంటా ట ట ట ట ట ట

అచ్చట ముచ్చట
అచ్చట ముచ్చట తీరాలట ఇప్పుడే ఇచ్చట
హా... ఎచ్చట ఎచ్చట ఏవైనట సంగతే చెప్పటా
చీకటైతే చాలట చీర చాటు గోలట
రాజుకుంటే ఈడట దానిపేరె మూడట
ఊరుకోరాదట ఊసులాడాలట
ఊయలూపాలటా హ హ హ హ హ హ

అచ్చట ముచ్చట హు హు హు ఇప్పుడే ఇచ్చట
ఎచ్చట ఎచ్చట హు హు సంగతే హు హు హు

శ్రీ కృష్ణ 2006 (2006)

చిత్రం: శ్రీ కృష్ణ 2006 (2006)
సంగీతం: యమ్. యమ్. శ్రీలేఖ
సాహిత్యం: శివశక్తి దత్తా
గానం: చిత్ర


నగుమోము కనులారా కననీరా నరుడా
వగమాలి విన్నపాలు వినిపోరా మగడా
ఐ యామ్ సారీ సో సారీ అన్నానుగా
ఇంకేం చేయాలో చెప్పి చావొచ్చుగా
ఈ ఒక సారి మన్నించమన్నానుగా

నగుమోము కనులారా కననీరా నరుడా

ఎంతగా ఎంత ఘాటుగా నిను వలచనో తెలుసా
ఆ ఇంతకు నా అంత మేని నీ చెంత చేరానని అలుసా
మానసేమో మందారం మనిషంతా బంగారం
అనుకున్నా కాని  ఇంతలో ఏంటమ్మా గ్రహాచారం
తనలో దాగిన కక్ష వేస్తోందా ఈ శిక్షా
లేకుంటే నా ప్రేమకిది పరీక్షా...

నగుమోము కనగోరి నే చేసేలే తపసు
ఎదలోనే పడు బాధ అది నీకేం తెలుసు
నువ్వచ్చంగా నాతోనే ఉండాలని
నా తనువంత నీతోనే పండాలని
ఈ కథ మంచిగా కంచి చేరాలని

తాజ్ మహల్ (1995)

పల్లవి:

మంచు కొండల్లోన చంద్రమా
చందనాలు చల్లిపో
మెచ్చి మేలుకున్న బంధమా
అందమంతా అల్లుకో
మొగ్గ ప్రాయంలో సిగ్గు తీరంలో
మధురమీ సంగమం
కొత్తదాహంలో వింతమోహంలో
మదిలో సంబరం
పల్లవించుతున్న ప్రణయమా
మళ్లీ మళ్లీ వచ్చిపో
విన్నవించుకున్న పరువమా
వెన్నముద్దులిచ్చిపో
కొంటె రాగంలో జంట గానంలో
వలపుకే వందనం

చరణం 1:

ఊపిరల్లే వచ్చి ఊసులెన్నో తెచ్చి
ఆడిపాడి పేద గుండె తట్టు తట్టు తట్టు తట్టు
నింగి రాలిపోని నేల తూలిపోని విడిపోని
ప్రేమగూడు కట్టి కట్టి కట్టి కట్టి
తోడై నువ్వుంటే నీడై నేనుంటా
లోకం నువ్వంటా ఏకంకమ్మంటా

వలచి మరుజన్మలో గెలిచి నిను చేరనా
యుగము క్షణమై సదా జగము మరిపించనా
వెయ్యేళ్లు వర్ధిల్లు కరగని చెరగని
తరగని ప్రేమలలో

పల్లవించుతున్న ప్రణయమా
మళ్లీ మళ్లీ వచ్చిపో
విన్నవించుకున్న పరువమా
వెన్నముద్దులిచ్చిపో
కొంటె రాగంలో జంట గానంలో
వలపుకే వందనం

చరణం 2:

వెన్నెలమ్మ మొన్న కూనలమ్మ నిన్న
కన్నె వన్నెలన్నిచూసే గుచ్చి గుచ్చి గుచ్చి గుచ్చి
గున్నమావికొమ్మ సన్నజాజి రెమ్మ ముచ్చటాడే
నిన్ను నన్ను మెచ్చి మెచ్చి మెచ్చి మెచ్చి
చిందే సింగారం సిగ్గే సింధూరం
పొందే వైభోగం నాదే ఈ భాగ్యం

కలయికల కావ్యమై కలలు చిగురించెనా
శ్రుతిలయల సూత్రమై ప్రియుని జత కోరనా

ఏడేడు లోకాల ఎల్లలుదాటిన
అల్లరి ప్రేమలలో

చిత్రం: తాజ్ మహల్ (1995)
సంగీతం: శ్రీలేఖ
గీతరచయిత: చంద్రబోస్
నేపధ్య గానం: బాలు, చిత్ర