స్రవంతి (1985)

చిత్రం: స్రవంతి (1985)

సంగీతం: కె. చక్రవర్తి

సాహిత్యం:  వేటూరి

గానం:  ఎస్.పి. బాలు,  సుశీల

నటీనటులు: శరత్ బాబు, సుహాసిని మణిరత్నం, అరుణ ముచ్చర్ల, మోహన్

దర్శకత్వం: క్రాంతికుమార్

నిర్మాతలు: కె.కేశవరావు, జయకృష్ణ

విడుదల తేది: 16.01.1985

పల్లవి:

మౌనం ఆలాపన.. మధురం ఆరాధన

దొరికే దేవుని పరిచయం..కలిగే జీవన పరిమళం

కాలమా నిలిచిపో... కావ్యమై మిగిలిపో

తొలి రేయి నీడలో... హో

మౌనం ఆలాపన... మధురం ఆరాధన

చరణం: 1

కలలే నిజమై.. పది కాలాల బంధాలు ముందుంచగా...

యుగమే క్షణమై.. అనురాగాల హరివిల్లు అందించగా...

దివిలో మెరిసే ఆ నక్షత్ర నాదాలు వినిపించగా

మధుమాసానికి పూల ఉగాది..  శతమానానికి ప్రేమే నాంది

హే వసంతాలు సొంతాలుగా చేసుకో....

మందహాసాల మందార పూదోటలో...

ఆ...ఆ...ఆ..

మౌనం ఆలాపన... మధురం ఆరాధన

చరణం: 2

ఇహమో పరమో తీపి కన్నీటి కెరటాలు పొంగించగా

శుభమో సుఖమో... తేనె వెన్నెల్లో తెల్లారి పోతుండగా

ఒరిగే తులసీ మౌన గంధాల గానాలు వినిపించగా

కనివిని ఎరుగని సంగమ వేళ.. గుప్పెడు మనసుల ఆశల హేల

లేత చిరునవ్వునే పాపగా పెంచుకో ....

రాలు కుసుమాల రాగాలనే తెలుసుకో...

ఆ..ఆ...ఆ..

మౌనం ఆలాపన... మధురం ఆరాధన

దొరికే దేవుని పరిచయం... కలిగే జీవన పరిమళం

కాలమా నిలిచిపో... కావ్యమై మిగిలిపో...

తొలి రేయి నీడలో...

మౌనం ఆలాపన...మధురం ఆరాధన

*****   *****  ******

చిత్రం: స్రవంతి (1985)

సంగీతం: కె. చక్రవర్తి

సాహిత్యం: వేటూరి

గానం: ఎస్.పి. బాలు

పల్లవి:

నవ్వుతూ వెళ్ళిపో ... నువ్వుగా మిగిలిపో

పువ్వులా రాలిపో... తావిలా మిగిలిపో

వేసవిలో మల్లెలా ... వేదనలో మనిషిగా

కలకాలం గగనంలో తారలా ఆరనీ దివ్వెలా

నవ్వుతూ వెళ్ళిపో ... నువ్వుగా మిగిలిపో

పువ్వులా రాలిపో... తావిలా మిగిలిపో

చరణం: 1

మురిపించే చిరునవ్వే పసిపాపలలో అందమూ...

పకపకలాడే పాపల నవ్వే బాపూజీకి రూపమూ...

పగనైన ప్రేమించు ఆ నవ్వులు

శిలనైన కరిగించు ఆ నవ్వులు

వేకువలో కాంతిలా... వేదనలో శాంతిలా...

చిరకాలం నవ్వాలి స్వాతిలా.. ఆరని జ్యోతిలా..

నవ్వుతూ వెళ్ళిపో ...నువ్వుగా మిగిలిపో

పువ్వులా రాలిపో...తావిలా మిగిలిపో

చరణం: 2

ఉదయించే తూరుపులో కిరణాలన్ని నవ్వులే...

వరములు కోరే దేవుడికిచ్చే హారతి కూడా నవ్వులే...

మృతినైన గెలిచేటి ఈ నవ్వులు.. నీ పేర మిగిలేటి నీ గురుతులు

నవ్వులతో సంతకం... చేసిన నా జీవితం...

అంకితమే చేస్తున్నా కవితలా... తీరనీ మమతలా...

నవ్వుతూ వెళ్ళిపో ... నువ్వుగా మిగిలిపో

పువ్వులా రాలిపో... తావిలా మిగిలిపో

వేసవిలో మల్లెలా ... వేదనలో మనిషిగా

కలకాలం గగనంలో తారలా ఆరనీ దివ్వెలా

ముద్దుల మనవరాలు (1985)

పల్లవి :

ఉమ్మ్.. ఉమ్మ్మ్... ఉమ్మ్మ్

ఆ... ఆ.. ఆ... ఉమ్మ్... ఉమ్మ్మ్ 

కుంచెకు అందనిది కంచిపట్టు కోకమ్మ 

కులుకులు నేర్చినది కన్నె పడుచు ఓయమ్మా

మెరుపే నేను సుమా... ఉరిమి చూడకోయమ్మా

కుంచెకు అందనిది కంచిపట్టు కోకమ్మ 

చరణం 1 :

నగవే వెన్నెలలో కలహంసా

పెదవే తుమ్మెదలా మధుహింసా 

నగవే వెన్నెలలో కలహంసా

పెదవే తుమ్మెదలా మధుహింసా 

ఎదలో పొంగెను వర్ణార్ణవమే నీ కోసం

నినిప నినిప మపగమపప పపమగ సనిసరినిస  పనిపమగ 

ఎదలో పొంగెను వర్ణార్ణవమే నీ కోసం

విరిసెను చైత్రాలే నాలో ఈవేళా

కుంచెకు అందనిది కంచిపట్టు కోకమ్మ 

మెరుపే నేను సుమా... ఉరిమి చూడకోయమ్మా

కుంచెకు అందనిది కంచిపట్టు కోకమ్మ 

చరణం 2 :

ఆ.. ఆ.. ఆ.. లలలలలలాల్ల

కులికే కుప్పెలతో జడవీణా... 

పలికే మువ్వలతో నెరజాణా

కులికే కుప్పెలతో జడవీణా... 

పలికే మువ్వలతో నెరజాణా

దివిలో పూసిన సుర కల్హారం నీ అందం

ఆ.. ఆ.. ఆ.. హ.. హ..

దివిలో పూసిన సుర కల్హారం నీ అందం

చిలికెను మోహాలే నాలో ఈ వేళా

కులుకులు నేర్చినది కన్నె పడుచు ఓయమ్మా

మెరుపే నేను సుమా... ఉరిమి చూడకోయమ్మా

కుంచెకు అందనిది కంచిపట్టు కోకమ్మ 

చిత్రం :  ముద్దుల మనవరాలు (1985)

సంగీతం :  బాలు

గీతరచయిత :  వేటూరి

నేపథ్య గానం :  బాలు

చంటబ్బాయి (1986)

చిత్రం: చంటబ్బాయి (1986)
సంగీతం: చక్రవర్తి
గీతరచయిత: ఆరుద్ర
నేపధ్య గానం: బాలు, సుశీల

పల్లవి:

నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో
చేయి పట్టే మనసుతో
చేసుకున్న బాసలో ఊసులే...ప్రేమ ....ఊపిరే ప్రేమ

చరణం 1:

నిన్ను చూడకా నిదురపోనీ..రెండు నేత్రాలు
కలల హారతి నీకు పట్టే..మౌన మంత్రాలు
నిన్ను తాకకా నిలవలేనీ..పంచ ప్రాణాలూ
కౌగిలింతలా గర్భగుడిలో... మూగ దీపాలు
ప్రేమ మహిమ తెలుప తరమా..
ప్రేమే...జీవన మధురిమా...

నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో...
చేయి పట్టే మనసుతో...
చేసుకున్న బాసలో ఊసులే..ప్రేమ ....ఊపిరే ప్రేమ

చరణం 2:

స్త్రీ అనే తెలుగక్షరంలా నీవు నిలుచుంటే
క్రావడల్లే నీకు వెలుగులా ప్రమిదనై ఉంటా
ఓం...అనే వేదాక్షరంలా నీవు ఎదురైతే
గానమై నిన్నాలపించే..ప్రణవమై ఉంటా

ప్రేమ మహిమ తెలియ తరమా..
ప్రేమే... జీవన మధురిమా

నేను నీకై పుట్టినానని
నిన్ను పొందకా మట్టికానని
చెమ్మగిల్లే కనులతో
చేయి పట్టే మనసుతో
చేసుకున్న బాసలో ఊసులే..ప్రేమ ....ఊపిరే ప్రేమ

చిత్రం: చంటబ్బాయి (1986)
సంగీతం: చక్రవర్తి
గీతరచయిత: ఆరుద్ర
నేపధ్య గానం: బాలు

పల్లవి:

ఆ అహహాహా...
ఆ.....

ఉత్తరాన లేవంది ధృవనక్షత్రం
దక్షిణాన లేవంది మలయపర్వతం
నింగిలేని తారకా .. నీవెక్కడా .. నీ వెక్కడా
చెప్పవే నీ చిరునామా .. చెప్పవే నీ చిరునామా

ఉత్తరాన లేవంది ధృవనక్షత్రం
దక్షిణాన లేవంది మలయపర్వతం

చరణం 1:

చుక్కపాపనడిగాను వెన్నెలమ్మ ఏదనీ...
పిల్లగాలినడిగాను పూలకొమ్మ ఏదనీ...
జాణవున్న తావునే జాజిమల్లి తావులు
ప్రాణమున్న చోటుకే పరుగులెత్తు ఆశలూ
వెతికాయీ నీ చిరునామా.. వెతికాయీ నీ చిరునామా..
తెలుపరాదటే ఓ ప్రియభామా...

ఉత్తరాన లేవంది ధృవనక్షత్రం
దక్షిణాన లేవంది మలయపర్వతం

చరణం 2:

ఈ నిశీధి వీధిలో బాటసారినై...
ఈ విశాల జగతిలో బ్రహ్మచారినై...
నీ దర్శన భాగ్యమే కోరుకున్న కనులతో
నీ సన్నిధి కోసమే బ్రతుకుతున్న కలలతో
వెతికానూ నీ చిరునామా.. వెతికానూ నీ చిరునామా..
తెలుపరాదటే ఓ ప్రియభామా...

ఉత్తరాన లేవంది ధృవనక్షత్రం
దక్షిణాన లేవంది మలయపర్వతం
నింగిలేని తారకా .. నీవెక్కడా .. నీ వెక్కడా
చెప్పవే నీ చిరునామా .. చెప్పవే నీ చిరునామా