వాగ్ధానం (1961)

చిత్రం :  వాగ్ధానం (1961)
సంగీతం :  పెండ్యాల
గీతరచయిత :  ఆచార్య ఆత్రేయ
నేపధ్య గానం :   సుశీల


పల్లవి :

బంగరు నావ బ్రతుకు బంగరు నావ
బంగరు నావ బ్రతుకు బంగరు నావ

దాన్ని నడిపించు నలుగురికి మేలైన త్రోవ
బంగరు నావ బ్రతుకు బంగరు నావ
బ్రతుకు బంగరు నావ... బ్రతుకు బంగరు నావ



చరణం 1 :


అనుమానం చీకటులు ఆవరించినా
అపనిందల తుఫానులు అడ్దగించినా
అనుమానం చీకటులు ఆవరించినా
అపనిందల తుఫానులు అడ్దగించినా
కదలిపోవు కాలచక్రమాగిపోవునా
నావ నడిపించు నలుగురికి మేలైన త్రోవ

బంగరు నావ బ్రతుకు బంగరు నావ
బ్రతుకు బంగరు నావ... బ్రతుకు బంగరు నావ


చరణం 2 :


అనురాగం వెన్నెలలు అంతరించినా
అనురాగం వెన్నెలలు అంతరించినా
ఆశలన్ని త్రాచులై కాటు వేసినా
జీవితము జీవించి ప్రేమించుటకే
నావ నడిపించు నలుగురికి మేలైన త్రోవ

బంగరు నావ బ్రతుకు బంగరు నావ
బ్రతుకు బంగరు నావ... బ్రతుకు బంగరు నావ



చరణం 3 :


కనులున్నది కన్నీటికి కొలనులవుటకా
ఆ... ఆ... ఆ... ఆ
కనులున్నది కన్నీటికి కొలనులవుటకా
వలపన్నది విఫలమై విలపించుటకా
దొరకబోని వరము బ్రతుకు మరణించుటకా
నావ నడిపించు నలుగురికి మేలైన త్రోవ

బంగరు నావ...   బ్రతుకు బంగరు నావ
బ్రతుకు బంగరు నావ... బ్రతుకు బంగరు నావ
బ్రతుకు బంగరు నావ... బ్రతుకు బంగరు నావ


******* *********** ************

కాశీపట్నం చూడర బాబు
చిత్రం :  వాగ్ధానం (1961)
సంగీతం :  పెండ్యాల
గీతరచయిత :  శ్రీశ్రీ
నేపధ్య గానం :  ఘంటసాల, సుశీల


పల్లవి :

ఓహో నిలబడితే పడిపోయే నీరసపు నీడవంటి బీదవాడా
ఆఆఆఆఆఆఆఆఆఆఆఆఆఆఆఆఆఆఆఆఆఆఆఆఆఆఆ
మనిషిగా బ్రతికేందుకు కనీస అవసరాలైనా లేనివాడా

అయ్యయ్యయ్యయ్యయ్యయ్యో!

కాశీపట్నం చూడర బాబు..  కల్లాకపటం లేని గరీబు
కాశీపట్నం చూడర బాబు..  కల్లాకపటం లేని గరీబు
అల్లో లక్షణ అని అల్లాడే..  పల్లెల దుస్థితికేమి జవాబు
అల్లో లక్షణ అని అల్లాడే.. పల్లెల దుస్థితికేమి జవాబు
కాశీపట్నం చూడర బాబు..  కల్లాకపటం లేని గరీబు



చరణం 1 :


నిరాశతోను నిస్పృహలోను...  తెరువెరుగని నిరుపేదలు
మురికి గుంటలు ఇరుకు కొంపలు నిండిన చీకటి పేటలు
పాడు రోగాలు మోసుకు తిరిగి...  ప్రజలను చంపే ఈగలు
కరువు బరువు పరితాపాలు...  కలిసి వెరసి మన పల్లెలు

కాశీపట్నం చూడర బాబు..  కల్లా కపటం లేని గరీబు
కాశీపట్నం చూడర బాబు..  కల్లా కపటం లేని గరీబు


చరణం 2 :


శరీరాల్లో అరచాటాకైనా రక్తం లేని దరిద్రులనే
పీల్చుకు తింటాడు దోమరాక్షసుడు...
వాడి దుంప తెగ
మేడల్లో మిద్దెల్లో నివసించే వారి జోలికైనా పోడు గదా
అయ్యయ్యయ్యయ్యయ్యయ్యో!
వైద్య సహాయం అసలే లేదు ఉన్నా దొరకవు మందులు
డాక్టర్ కోసం వెతికే లోగా...  రోగులు గుటుక్కుమందురు
నెత్తురు పీల్చే వృత్తి పరులే మన గ్రామాలకు కామందులు
దొరలూ దోమలు పల్లె జనాలను పంచుకు నంచుకు తిందురు

కాశీపట్నం..హోయ్ హోయ్
కాశీపట్నం చూడర బాబు...  కల్లాకపటం లేని గరీబు
కాశీపట్నం చూడర బాబు...  కల్లాకపటం లేని గరీబు


చరణం 3 :


ప్రజలతో సమానంగా కష్టసుఖాలను పంచుకుంటామంటారు మన వినాయకులు
అవునవును
సుఖాలన్నీ తమకు దక్కించుకుని కష్టాలన్నీ మనకు వదిలేస్తారు
ఊ.. ఊ.. ఊ..అయ్యయ్యయ్యయ్యయ్యయ్యో!

ఎవరో వచ్చి సాయం చేస్తారనుకోవడమే పొరపాటు
పదవులు వస్తే ప్రజను మరవడం బడా నాయకుల అలవాటు
మనలో శక్తి మనకే తెలియదు అదే కదా మన గ్రహపాటు
తెలిసి కలిసి నిలిచిన నాడు ఎదుటివాడికది తలపోటు

కాశీపట్నం..ఓ హోయ్
కాశీపట్నం చూడర బాబు..  కల్లాకపటం లేని గరీబు
కాశీపట్నం చూడర బాబు..  కల్లాకపటం లేని గరీబు
అల్లో లక్షణ అని అల్లాడే పల్లెల దుస్థితికేమి జవాబు
కాశీపట్నం చూడర బాబు..  కల్లాకపటం లేని గరీబు
కాశీపట్నం చూడర బాబు..  కల్లాకపటం లేని గరీబు


******* *********** ************

చిత్రం :  వాగ్ధానం (1961)
సంగీతం : పెండ్యాల
గీతరచయిత :  ఆచార్య ఆత్రేయ
నేపధ్య గానం :  ఘంటసాల,  సుశీల


పల్లవి :


పాహి రామప్రభో వరదా శుభదా
పాహి దీన పాలా ఆ....

వెలుగు చూపవయ్యా మదిలో కలత బాపవయ్యా రామా...
వెలుగు చూపవయ్యా
ఆ....

చరణం 1 :

మాహాత్ములైనా దురాత్ములైనా
మనుజులపేరనే మసలేరయ్యా
మాహాత్ములైనా దురాత్ములైనా
మనుజులపేరనే మసలేరయ్యా
అందరికీ నీ అభయం కలదని
అనుకోమందువ దేవా... ఆ...
అనుకోమందువ దేవా ఆ...

వెలుగు చూపవయ్యా మదిలో కలత బాపవయ్యా..



చరణం 2 :


ఆ...ఆ...ఆ...
నేరక చేసిన కారణమున
మా నేరము నేరము కాకపోవునా
నేరక చేసిన కారణమున
మా నేరము నేరము కాకపోవునా
కన్నీరే ఆ కలుషమునంతా కడిగివేయునా రామా...ఆ...
కడిగివేయునా రామా...ఆ..

వెలుగు చూపవయ్యా మదిలో కలత బాపవయ్యా...


చరణం 3 :

ఆ...ఆ...ఆ...
కలరూపేదో కలవో లేవో
ఆ...ఆ...ఆ..
కలరూపేదో కలవో లేవో
ఎద ఉన్నది ఈ వేదనకేనో
ఏది అన్నెమో ఏది పున్నెమో ఎరుగలేము శ్రీరామా...ఆ..
ఎరుగలేము శ్రీరామా...ఆ..ఆ..

వెలుగు చూపవయ్యా మదిలో కలత బాపవయ్యా..


******* *********** ************

చిత్రం :  వాగ్ధానం (1961)
సంగీతం :  పెండ్యాల
గీతరచయిత :  కరుణశ్రీ , శ్రీ శ్రీ
నేపధ్య గానం :  ఘంటసాల


పల్లవి :


శ్రీ నగజా తనయం సహృదయం
శ్రీ నగజా తనయం సహృదయం
చింతయామి సదయం త్రిజగన్మహోదయం
శ్రీ నగజా తనయం సహృదయం

శ్రీరామ భక్తులారా!! ఇది సీతాకళ్యాణ సత్కథ.
నలభై రోజులనుంచీ చెప్పిన కథ చెప్పిన చోట చెప్పకుండా చెప్పుకొస్తున్నాను.
అంచేత కించిత్తు గాత్ర సౌలభ్యానికి అభ్యంతరం ఏర్పడినట్లు తోస్తుంది...
నాయనా.. కాస్త పాలు మిరియాలు...
చిత్తం.... సిధ్ధం

చరణం 1 :

భక్తులారా! సీతామహాదేవి స్వయంవరానికి ముల్లోకాలనించీ విచ్చేసిన వీరాధి వీరులలో..
అందరినీ ఆకర్షించిన ఒకే ఒక్క దివ్యసుందరమూర్తి.. ఆహా! అతడెవరయ్యా అంటే..

రఘురాముడూ.. రమణీయ వినీల ఘనశ్యాముడూ...
రమణీయ.. వినీల.. ఘనశ్యాముడూ...
వాడు నెలరేడు.. సరిజోడు మొనగాడు
వాని కనులు మగమీలనేలురా
వాని నగవు రతనాల జాలురా
వాని కనులు మగమీలనేలురా
వాని నగవు రతనాల జాలురా
వాని జూచి మగవారలైన మైమరచి మరుల్గొనెడు మరోమరుడు.. మనోహరుడు రఘూరాముడూ

సనిదని సగ రిగరి రిగరి సగరి రిగరి సగగరి సనిదని
సగగరి సని రిసనిస రిసనిస నిదపమగరి రఘురాముడూ...

సనిస సనిస సగరిరిగరి సరిసనిస పదనిస
సనిగనినిస సనిరిసనిదని నిదసనిదపమ గ మ స
నినినినినినిని పస పస పస పస
సప సప సప తద్దిం తరికిటతక
రఘురాముడూ.. రమణీయ వినీల ఘనశ్యాముడూ....

శభాష్! శభాష్!

ఆ ప్రకారంబుగా విజయం చేస్తున్న శ్రీరామచంద్రమూర్తిని అంతఃపుర గవాక్షం నుండి
సీతాదేవి ఓరకంట చూచినదై చెంగటనున్న చెలికత్తెతో..

ఎంత సొగసూగాడే... ఎంత సొగసూగాడే... మనసింతలోనె దోచినాడే...
ఎంత సొగసూగాడే...
మోము కలువరేడే.. ఏ.. ఏ.... మోము కలువరేడే ...
నా నోము ఫలము వీడే...
శ్యామలాభిరాముని చూడగ నా మది వివశమాయె నేడే... ఎంత సొగసూగాడే



చరణం 2 :

ఇక్కడ సీతాదేవి ఇలా పరవశయై ఉండగా
అక్కడ స్వయంవర సభామంటపంలో జనకమహీపతి సభాసదులను జూచి

అనియెనిట్లు ఓయనఘులార! నా యనుగుపుత్రి సీతా
వినయాధిక సద్గుణ వ్రాతముల విజిత లలిత జలజాత
ముక్కంటి వింటి నెక్కిడ దాలిన ఎక్కటి జోదును నేడు
మక్కువమీరగ వరించి మల్లెలమాలవైచి పెండ్లాడు ఊ ఊ....

అని ఈ ప్రకారం జనకమహారాజు ప్రకటించగానే సభలోని వారందరూ ఎక్కడివారక్కడ చల్లబడిపోయారట
మహావీరుడైన రావణాసురుడు కూడా
"హా! ఇది నా ఆరాధ్య దైవమగు పరమేశ్వరుని చాపము
దీనిని స్పృశించుటయే మహాపాపము"
అని అనుకొనినవాడై వెనుదిరిగిపోయాడట

తదనంతరంబున
ఇనకులతిలకుడు నిలకడగల క్రొక్కారు మెరుపువలె నిల్చి
తన గురువగు విశ్వామిత్రుని ఆశీర్వాదము తలదాల్చి
సదమల మదగజ గమనముతోడ స్వయంవర వేదిక చెంత
మదన విరోధి శరాసనమును తన కరమున బూనిన యంత


చరణం 3 :

పెళ్ళుమనె విల్లు గంటలు ఘల్లుమనె
గుభిల్లుమనె గుండె నృపులకు
ఝల్లుమనియె జానకీ దేహము
ఒక నిమేషమునందె నయము జయమును
భయము విస్మయముగదురా ఆ ఆ...

శ్రీమద్రమారమణ గోవిందో .... హరి
భక్తులందరూ చాలా నిద్రావస్థలో ఉన్నట్టుగా ఉంది
మరొక్కసారి...
జై శ్రీమద్రమారమణ గోవిందో... హరి

భక్తులారా! ఆ విధంగా శ్రీరామచంద్రమూర్తి శివధనుర్భంగము గావించినాడు.. అంతట...

భూతల నాధుడు రాముడు ప్రీతుండై పెండ్లియాడె పృథుగుణమణి సంజాతన్ భాగ్యోపేతన్ సీతన్
భూతల నాధుడు రాముడు ప్రీతుండై పెండ్లియాడె...
శ్రీమద్రమారమణ గోవిందో.... హరి


******* *********** ************
వన్నె చిన్నెలన్నీ ఉన్న
చిత్రం :  వాగ్ధానం (1961)
సంగీతం :  పెండ్యాల
గీతరచయిత :  ఆచార్య ఆత్రేయ
నేపధ్య గానం :  ఘంటసాల


పల్లవి :


వన్నె చిన్నెలన్నీ ఉన్న చిన్నదానివే
అన్నీ వున్న దానివే
ఎన్నీ వున్న జోడులేక లేని దానివే
ఏమి లేని దానివే.. ఉత్త ఆడదానివే


చరణం 1 :

తిరిగే చక్రాలున్నా పైకెగిరే గుర్రాలున్నా
తిరిగే చక్రాలున్నా పైకెగిరే గుర్రాలున్నా
కళ్ళెంపట్టీ...కళ్ళెంపట్టి కళ్ళనుకట్టి
నడిపే మొనగాడుండాలీ

వన్నె చిన్నెలన్నీ ఉన్న చిన్నదానివే
అన్నీ వున్న దానివే
ఎన్నీ వున్న జోడులేక లేని దానివే
ఏమి లేని దానివే ఉత్త ఆడదానివే


చరణం 2 :

అందనిదైనాగాని నరులందరుకోరుదురందాన్ని
అందనిదైనాగాని నరులందరుకోరుదురందాన్ని
తూకంవేసీ....తూకంవేసి.. పాకంచూసి
డెందం ఒకరికె ఇవ్వాలి
వన్నె చిన్నెలన్నీ ఉన్న చిన్నదానివే
అన్నీ వున్న దానివే


చరణం 3 :

అందం డెందం కలిపీ.. ఆనందం అర్థం తెలిపే
అందం డెందం కలిపీ.. ఆనందం అర్థం తెలిపే
అతగాడొకడు జతయైనపుడు అన్నీ ఉన్నవనుకోవాలి

వన్నె చిన్నెలన్నీ ఉన్న చిన్నదానివే
అన్నీ వున్న దానివే
ఎన్నీ వున్న జోడులేక లేని దానివే
ఏమి లేని దానివే ఉత్త ఆడ దానివే


******* *********** ************
చిత్రం :  వాగ్ధానం (1961)
సంగీతం :  పెండ్యాల
గీతరచయిత :  దాశరథి
నేపధ్య గానం :  ఘంటసాల, సుశీల


పల్లవి :


ఊ..ఉ...ఉ...
నా కంటి పాపలో నిలిచిపోరా
నీ వెంట లోకాల గెలువనీరా...
నా కంటి పాపలో నిలిచిపోరా
నీ వెంట లోకాల గెలువనీరా
నా కంటి పాపలో నిలిచిపోరా
నీ వెంట లోకాల గెలువనీరా
ఆ..ఆ..ఆ..ఆ...


చరణం 1 :

ఈ నాటి పున్నమి ఏ నాటి పున్నెమో
జాబిలి వెలిగేను మనకోసమే...
అహ..హా..ఆ..
ఈ నాటి పున్నమి ఏ నాటి పున్నెమో
జాబిలి వెలిగేను మనకోసమే...
నెయ్యాలలో తలపుటుయ్యాలలో...
నెయ్యాలలో తలపుటుయ్యాలలో
అందుకొంద్దాము అందని ఆకాశమే...

నా కంటి పాపలో నిలిచిపోరా
నీ వెంట లోకాల గెలువనీరా...


చరణం 2 :

ఆ చందమామలో ఆనంద సీమలో వెన్నెల స్నానాలు చేయుదమా
అహ..హా..ఆ..
ఆ చందమామలో ఆనంద సీమలో వెన్నెల స్నానాలు చేయుదమా
మేఘాలలో వలపు రాగాలలో...
మేఘాలలో వలపు రాగాలలో....
దూర దూరాల స్వర్గాల చేరుదమా....

నా కంటి పాపలో నిలిచిపోరా
నీ వెంట లోకాల గెలువనీరా...

చరణం 3 :

ఈ పూలదారులూ ఆ నీలి తారలు తీయని స్వప్నాల తేలించగా
అహ..హా..ఆ..
ఈ పూలదారులూ ఆ నీలి తారలు తీయని స్వప్నాల తేలించగా
అందాలనూ తీపి బంధాలను...
అందాలనూ తీపి బంధాలను...
అల్లుకుంద్దాము డెందాలు పాలించగా...


నా కంటి పాపలో నిలిచిపోరా
నీ వెంట లోకాల గెలువనీరా...
ఆ..ఆ..ఆ..ఆ.ఆ..ఆ..ఆ
నా కంటి పాపలో నిలిచిపోరా
నీ వెంట లోకాల గెలువనీరా...