బంగారు తిమ్మరాజు (1964)

చిత్రం :  బంగారు తిమ్మరాజు (1964)
సంగీతం :  కోదండపాణి
గీతరచయిత : వేటూరి
నేపధ్య గానం : జమునారాణి

పల్లవి:

నాగమల్లి కోనలోన... నక్కింది లేడికూన
నాగమల్లి కోనలోన... నక్కింది లేడికూన

ఎరవేసి..హ...గురి చూసి...హ... పట్టాలి మామా....
ఎరవేసి... గురి చూసి... పట్టాలి మామా... పట్టాలి మామా...

చరణం 1:

చూపుల్లో కైపుంది.. మావా... సొగసైన రూపుంది.. మావా
చూపుల్లో కైపుంది ... సొగసైన రూపుంది

వయ్యారం ఒలికిస్తుంది... వన్నెలు చిన్నెలు నేర్చింది
ఓ ఉడుకుమీద ఉరికావంటే జడుసుకుంటది
దాన్ని ఒడుపుచూసి మచ్చిక చేస్తే వదలనంటది... మావోయ్...

నాగమల్లి కోనలోన... నక్కింది లేడికూన
ఎరవేసి..హ...గురి చూసి...హ... పట్టాలి మామా....

చరణం 2:

నడకల్లో హొయలుంది... మావా... నాట్యంలో నేర్పుంది... మావా
నడకల్లో హొయలుంది ... నాట్యంలో నేర్పుంది ....

మలిసందె చీకట్లోన.. నీటికి ఏటికి వస్తుంది
ఓ జాడ చూసి కాశావంటే దారికొస్తది
దాని జాలి చూపు నమ్మావంటే.. దగా చేస్తది... మావోయ్

నాగమల్లి కోనలోన... నక్కింది లేడికూన
ఎరవేసి..హ...గురి చూసి...హ... పట్టాలి మామా....
ఎరవేసి... గురి చూసి... పట్టాలి మామా... పట్టాలి మామా...

**************** ************** ***************

చిత్రం : బంగారు తిమ్మరాజు (1964)
సంగీతం : కోదండపాణి
గీతరచయిత : ఆరుద్ర
నేపధ్య గానం : ఏసుదాస్

పల్లవి:

ఓ నిండు చందమామా … నిగనిగల భామా
ఒంటరిగ సాగలేవు కలసి మెలసి పోదామా
ఓ… ఓ.,…. ఓ,.. నిండు చందమామా

చరణం 1:

నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసు పడే ముచ్చటలాయే
నిదురరాని తీయని రేయి నిను పిలిచెను వలపుల హాయి
మధురమైన కలహాలన్నీ మనసు పడే ముచ్చటలాయే
మేలుకొన్న స్వప్నంలోన ఏల ఇంత బిడియపడేవు
మేలుకొన్న స్వప్నంలోన ఏల ఇంత బిడియపడేవు
ఏలుకునే ప్రియుడను కానా లాలించగ సరసకు రానా
ఓఓఓఓఓ… ఓ నిండు చందమామా … నిగనిగల భామా
ఒంటరిగ సాగలేవు కలసి మెలసి పోదామా
ఓ… ఓ.,…. ఓ,.. నిండు చందమామా

చరణం 2:

దోరవయసు ఊహలు నీలో దోబూచులు ఆడసాగే
కోరుకున్న మురిపాలన్నీ కొసరి కొసరి చెలరేగే
దోరవయసు ఊహలు నీలో దోబూచులు ఆడసాగే
కోరుకున్న మురిపాలన్నీ కొసరి కొసరి చెలరేగే
నీదు మనసు నీలో లేదు నా లోనె లీనమయే
నీదు మనసు నీలో లేదు నా లోనె లీనమయే
నేటినుంచి మేనులు రెండూ నెరజాణా ఒకటాయే..
ఓఓఓఓఓ… ఓ నిండు చందమామా … నిగనిగల భామా
ఒంటరిగ సాగలేవు కలసి మెలసి పోదామా
ఓ… ఓ.,…. ఓ,.. నిండు చందమామా