ఖడ్గం (2002)

గోవిందా గోవిందా... గోవిందా గోవిందా...

నుదిటిరాతలు మార్చేవాడా ఉచితసేవలు చేసేవాడా

లంచమడగని ఓ మంచివాడా లోకమంతా ఏలేవాడా

స్వార్థమంటూ లేనివాడా బాధలన్నీ తీర్చేవాడా

కోర్కెలే నెరవేర్చేవాడా నాకు నువ్వే తోడూ నీడా

గోవిందా... గోవిందా... గోవిందా... గోవిందా...

అరె బాగు చెయ్ నను గోవిందా... బాగు చెయ్ నను గోవిందా...

జూబ్లిహిల్స్ లో బంగ్లా ఇవ్వు...లేనిచో హైటెక్ సిటీ ఇవ్వు

హైజాక్ అవ్వని ఫ్లైటొకటివ్వు...వెంట తిరిగే శాటిలైట్ ఇవ్వు

పనికిరాని చవటలకిచ్చి పరమ బేవార్స్ గాళ్ళకిచ్చి

నాకు ఎందుకు ఇయ్యవు పిలిచి కోట్లకధిపతి చెయిరా వచ్చీ

గోవిందా... గోవిందా...

బాగు చేయ్ నను గోవిందా

పై తియ్ నను గోవిందా

గోవిందా... గోవిందా...

పెట్రోలడగని కారు ఇవ్వు...బిల్లు అడగని బారు ఇవ్వు

కోరినంత ఫూడ్డు పెట్టి డబ్బులడగని హోటల్ ఇవ్వు

అసెంబ్లీలో బ్రోకరు పోస్టో.. రాజ్యసభలో ఎం.పీ సీటో

పట్టుబడని మ్యాచ్ ఫిక్సింగ్ స్కాములా సంపాదనివ్వు

ఓటమెరుగని రేసులివ్వు...లాసుకాని షేరులివ్వు

సింగిల్ నంబరు లాటరీలివ్వు

టాక్సులడనగి ఆస్తులివ్వు...

పనికిరాని చవటలకిచ్చి పరమ బేవార్స్ గాళ్ళకిచ్చి 

పనికిరాని చవటలకిచ్చి పరమ బేవార్స్ గాళ్ళకిచ్చి

నాకు ఎందుకు ఇయ్యవు పిలిచి కోట్లకధిపతి చెయిరా వచ్చీ

గో... గో... గో...

గోవిందా... గోవిందా...

బాగు చేయ్ నను గోవిందా

వందనోట్ల తోటలివ్వు...గోల్డు నిధుల కోటలివ్వు

లేకపోతే వెయ్యిటన్నుల కోహినూర్ డైమండ్స్ ఇవ్వు

మాసు హీరో చాన్సులివ్వు......హిట్టు సినిమా స్టోరీలివ్వు

స్లిమ్ముగున్న సొమ్ములున్న హీరోయిన్నే వైఫుగ ఇవ్వు

హాలీవుడ్ లో స్టుడియో ఇవ్వు...స్విస్సు బాంకులో బిలియన్లివ్వు

కోట్లు తెచ్చే కోడుకులనివ్వు... హీరోలయ్యే మనవళ్ళనివ్వు

నన్ను కూడా సీ.ఎం చెయ్యి.. లేకపోతే పీ.ఎం చెయ్యి

తెలుగుతెరపై తిరుగులేని తరిగిపోనీ లైఫు నివ్వు

గోవిందా... గోవిందా... గోవిందా... గోవిందా...

బాగు చెయ్ నను గోవిందా

బాగు చెయ్ నను గోవిందా

పైకి తే నను గోవిందా

గోవిందా... గోవిందా...

లక్కుమార్చి నను కరుణిస్తే

తిరుపతొస్తా త్వరగా చూస్తే

ఏడుకొండలు ఏ.సీ చేస్తా...

ఎయిత్ వండరు నీ గుడి చేస్తా...

గో గో గో గోవిందా... గోవిందా...

అయ్ బాబోయ్ దేవుడు మాయమైపోయాడేంటి..

చిత్రం : ఖడ్గం (2002)

సంగీతం : దేవిశ్రీ ప్రసాద్

సాహిత్యం : విజయకుమార్

గానం : శ్రీ

*************** ********************* *************

చిత్రం: ఖడ్గం (2002)
సంగీతం: దేవి శ్రీ ప్రసాద్
సాహిత్యం: సిరివెన్నెల
గానం: సుమంగళి


నువ్వు నువ్వు నువ్వే నువ్వు
నువ్వు నువ్వు నువ్వూ
నువ్వు నువ్వు నువ్వే నువ్వు
నువ్వు నువ్వు నువ్వూ
నాలోనే నువ్వు నాతోనే నువ్వు
నా చుట్టూ నువ్వు నేనంతా నువ్వు
నా పెదవిపైన నువ్వు నా మెడవంపున నువ్వు
నా గుండె మీద నువ్వు ఒళ్ళంతా నువ్వు
బుగ్గల్లో నువ్వూ ముగ్గల్లే నువ్వు ముద్దెసే నువ్వూ
నిద్దర్లో నువ్వూ పొద్దుల్లో నువ్వు ప్రతి నిమిషం నువ్వూ...

నువ్వు నువ్వు నువ్వే నువ్వు
నువ్వు నువ్వు నువ్వూ

చరణం: 1
నా వయసును వేధించే వెచ్చదనం నువ్వు
నా మనసును లాలించే చల్లదనం నువ్వు
పైటే బరువనిపించే పచ్చిదనం నువ్వు
బైట పడాలనిపించే పిచ్చిదనం నువ్వు
నా ప్రతి యుద్ధం నువ్వూ నా సైన్యం నువ్వు
నా ప్రియ శత్రువు నువ్వూ నువ్వూ
మెత్తని ముల్లై గిల్లే తొలి చినుకే నువ్వు
నచ్చే కష్టమ్ నువ్వూ నువ్వూ... నువ్వూ...

నువ్వు నువ్వే నువ్వు
నువ్వు నువ్వు నువ్వూ

చరణం: 2
నా సిగ్గును దాచుకునే కౌగిలివే నువ్వు
నా వన్నీ దోచుకునే కోరికవే నువ్వు
మునిపంటితో నను గిచ్చే నేరానివి నువ్వు
నా నడుమును నడిపించే నేస్తానివి నువ్వు
తీరని దాహం నువ్వు నా మోహం నువ్వు
తప్పని స్నేహం నువ్వూ నువ్వూ
తీయని గాయం చేసే అన్యాయం నువ్వు
అయినా ఇష్టం నువ్వూ నువ్వూ... నువ్వూ...

నువ్వు నువ్వే నువ్వు
నువ్వు నువ్వు నువ్వూ
మైమరిపిస్తూ నువ్వు మురిపిస్తుంటే నువ్వు
నే కోరుకునే నా మరోజన్మ నువ్వు
కైపెక్కిస్తూ నువ్వు కవ్విస్తుంటే నువ్వు
నాకే తెలియని నా కొత్తపేరు నువ్వు
నా అందం నువ్వు ఆనందం నువ్వు నేనంటే నువ్వూ
నా పంతం నువ్వు నా సొంతం నువ్వు
నా అంతం నువ్వూ...

నువ్వు నువ్వు నువ్వే నువ్వు
నువ్వు నువ్వు నువ్వూ
నువ్వు నువ్వు నువ్వే నువ్వు
నువ్వు నువ్వు నువ్వూ




**********   **********  *********




చిత్రం: ఖడ్గం (2002)
సంగీతం: దేవి శ్రీ ప్రసాద్
సాహిత్యం: సిరివెన్నెల
గానం: కల్పన

పల్లవి:
ఊఁ ముసుగు వెయ్యద్దు మనసు మీద
వలలు వెయ్యద్దు వయసు మీద
హే ముసుగు వెయ్యద్దు మనసు మీద
వలలు వెయ్యద్దు వయసు మీద
ఎగరనివ్వాలి కుర్రాళ్లరెక్కల్ని తుఫాను వేగాలతో

ముసుగు వెయ్యద్దు మనసు మీద
వలలు వెయ్యద్దు వయసు మీద
ఎగరనివ్వాలి కుర్రాళ్లరెక్కల్ని తుఫాను వేగాలతో
ఎవడి ఆనందం వాడిదంటే ఒప్పుకోలేరా
అనుభవించందె తెలియదంటె తప్పు అంటారా
మనసు చెప్పిందె మనకు వేదం కాదనే వారె లేరురా
మనకు తోచిందే చేసి చూద్దాం ఎవరు ఏమంటె ఏంటిరా

హా ముసుగు వెయ్యద్దు మనసు మీద
వలలు వెయ్యద్దు వయసు మీద
ఎగరనివ్వాలి కుర్రాళ్లరెక్కల్ని తుఫాను వేగాలతో
ముసుగు వెయ్యద్దు మనసు మీద
వలలు వెయ్యద్దు వయసు మీద
ఎగరనివ్వాలి కుర్రాళ్లరెక్కల్ని తుఫాను వేగాలతో

చరణం: 1
సూర్యుడైనా చూపగలడ రేయిచాటున్న రేపుని
అఁ చీకటైనా ఆపగలదా వచ్చేకలల్ని వద్దనీ
పిరికి పరదా కప్పగలదా ఉరకలేస్తున్న ఆశని
హా దేవుడైనా చెప్పగలడా సమస్యలనేవి రావనీ
ఎన్నో అందాలు స్వాగతిస్తూ కళ్ల ముందుండగా
అందుకోకుండా ఆగిపోతూ ఉసూరు మంటే ఎలా...?
ఈ ఉడుకూ ఈ దుడుకూ ఈ వెనక్కి తిరగని పరుగు
ఉండదుగా కడవరకూ ఈ వయస్సునిలాగె కరిగిపోనీకు

ముసుగు వెయ్యద్దు మనసు మీద
వలలు వెయ్యద్దు వయసు మీద
ఊఁ ముసుగు వెయ్యద్దు, వలలు వెయ్యద్దు
ఎగరనివ్వాలి, తుఫాను వేగాలతో...

చరణం: 2
కొంతకాలం నేలకొచ్చాం అతిధులై వుండి వెళ్లగా
కోటలైనా కొంపలైనా ఏవీ స్ధిరాస్ధి కాదుగా
కాస్త స్నేహం కాస్త సహనం పంచుకోవచ్చు హాయిగా
అంతకన్నా సొంతమంటూ ప్రపంచ పటంలో లేదుగా
నిన్న లేవైనా గుర్తుకొస్తే తీపి అనిపించనీ
ఉన్నకొన్నాళ్ళు గుండెనిండా సరదాలు పండించనీ
నువ్వెవరో నేనెవరో ఈ క్షణాన కలసినడుద్దాం
సావాసం సంతోషం ఇవి అందించి అందర్లో నవ్వు నింపుదాం

ముసుగు వెయ్యద్దు మనసు మీద
వలలు వెయ్యద్దు వయసు మీద
ఎగరనివ్వాలి కుర్రాళ్లరెక్కల్ని తుఫాను వేగాలతో
ఎవడి ఆనందం వాడిదంటే ఒప్పుకోలేరా
అనుభవించందె తెలియదంటె తప్పు అంటారా
మనసు చెప్పిందె మనకు వేదం కాదనే వారె లేరురా
మనకి తోచిందే చేసి చూద్దాం ఎవరు ఏమంటె ఏంటిరా

ముసుగు వెయ్యద్దు మనసు మీద
వలలు వెయ్యద్దు వయసు మీద




**********   **********  *********




చిత్రం: ఖడ్గం (2002)
సంగీతం: దేవి శ్రీ ప్రసాద్
సాహిత్యం: సిరివెన్నెల
గానం: యస్.పి.బాలు

ఓం... ఓం...
ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం

ఓంకారనాదంతో అంకురించిన
వేదధాత్రికి సంకేతం ఈ ఖడ్గం
హ్రీంకారనాదంలో సంచరించే
ఆదిశక్తికి ఆకారం ఈ ఖడ్గం
యుగయుగాలుగా గమనమాగని ఘనత ఈ ఖడ్గం
తరతరాలుగా తరలి వచ్చిన చరిత ఈ ఖడ్గం

తన కళ్ళ ముందే సామ్రాజ్య శిఖరాలు మన్నుపాలైనా
క్షణమైన తన గాథ గతములో విడిచి
ధ్రుతి ఒడి చేరనిదీ ఖడ్గం
ఊటతో పడమరను దాటి పూర్వార్ధిపై నిత్య ప్రభాతమై వెలుగుతున్నదీ భరత ఖడ్గం

కేవలం ఆయుధం కాదు ఈ ఖడ్గం
ఏదో మహాద్భుతం ఉన్నదీ ఖడ్గం

కేవలం ఆయుధం కాదు ఈ ఖడ్గం
ఏదో మహాద్భుతం ఉన్నదీ ఖడ్గం

మూడువన్నెల కేతముగ మింటికి ఎగసి
కాలానికెదురేగు యశోరాశి ఈ ఖడ్గం

ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం

హరిని ధరపై అవతరించగ గెలుచుకొచ్చిన భక్తి ఖడ్గం
నరునిలో దైవాంశనే దర్శించి కొలిచిన ముక్తిమార్గం
ఆర్తరక్షణకై ధరించిన ధీరగుణమీ ఖడ్గం
ధూర్తశిక్షణకై వహించిన కరకుతనమీ ఖడ్గం
హూంకరించి అహంకరించి
అధిక్రమించిన ఆకతాయిల
అంతు చూసిన క్షాత్రసత్వం
అస్తమించని అర్థఖడ్గం

శరణుకోరి శిరస్సువంచి సమాశ్రయించిన
అన్ని జాతుల పొదువుకున్న ఉదారతత్వం
జగతి మరువని ధర్మఖడ్గం

నిద్దుర మత్తును వదిలించే గెంజాయల జిలుగీ ఖడ్గం
ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం
చిక్కటి చీకటి చీల్చుకువచ్చే తెల్లని వెలుగీ ఖడ్గం
ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం
మట్టిని చీల్చుకు చిగురించే సిరి పచ్చని చిగురీ ఖడ్గం
ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం
గెంజాయల జిలుగీ ఖడ్గం
తెలతెల్లని వెలుగీ ఖడ్గం
సిరిపచ్చని చిగురీ ఖడ్గం

ఖడ్గం  ఖడ్గం  ఖడ్గం  ఖడ్గం
ఖడ్గం  ఖడ్గం  ఖడ్గం  ఖడ్గం