వారసత్వం (1964)

చిత్రం :  వారసత్వం (1964)
సంగీతం :  ఘంటసాల
గీతరచయిత :  ఆరుద్ర
నేపధ్య గానం :  ఘంటసాల, సుశీల


పల్లవి :

ప్రేయసి మనోహరి వరించి చేరవే
ప్రేయసి మనోహరి వరించి చేరవే
తియ్యని మనోరధము నా తియ్యని మనోరధం
ఫలింప చేయవే...
ప్రేయసి మనోహరి వరించి చేరవే
ప్రేయసి మనోహరి...


చరణం 1 :

దరిజేరిపోవనేల హృదయవాంఛ తీరువేళ
దరిజేరిపోవనేల హృదయవాంఛ తీరువేళ
తారక సుధాకరా... తపించసాగినే

హాయిగా మనోహర వరించి చేరుమా
హాయిగా మనోహర...

చరణం 2 :

మురిసింది కలువకాంత చెలునిచేయి సోకినంత
మురిసింది కలువకాంత చెలునిచేయి సోకినంత
రాగమే సరాగమై ప్రమోదమాయెనే

హాయిగా మనోహర వరించి చేరుమా
హాయిగా మనోహర...

చరణం 3 :

ఆ హాహాహ..... హాహాహ
ఆ హాహాహ.... హాహాహ

పెనవేసె మల్లెతీగె మనసులోన మమతరేగే
పెనవేసె మల్లెతీగె మనసులోన మమతరేగే
ఊహలో ఒయ్యారమో.. నా ఊహలో ఒయ్యారమో
ఉయ్యాలలూగెనే...

ప్రేయసి మనోహరి వరించి చేరవే
ప్రేయసి మనోహరి.....


*** ****************** *************** *************
చిత్రం :  వారసత్వం (1964)
సంగీతం :  ఘంటసాల
గీతరచయిత :  నార్ల చిరంజీవి
నేపధ్య గానం :  ఘంటసాల, లీల


పల్లవి :

చిలిపి కృష్ణునితోటి చేసేవు పోటీ
ఆ స్వామితో నీవు అన్నింట సాటి ..
జో జో... జో జో
చిలిపి కృష్ణునితోటి చేసేవు పోటీ
ఆ స్వామితో నీవు అన్నింట సాటి


చరణం 1:

చెరసాలలో పుట్టి వ్రేపల్లెలో వెలసి
గొల్ల తల్లుల మనసు కొల్లగొనినాడు
ఏ తల్లి ఒడి జారి ఏలాగు చేరావొ
ఆపదలె కాపుదలలాయేనె నీకు

జో అచ్యుతానంద జోజో ముకుందా...
రార పరమానంద రామగోవిందా...
జో జో...

చరణం 2 :

పలు వేసములు పూని పగవారు హింసింప
పల్పోకడలు చూపె బాలగోపాలుడూ
ఈ ఈడుకే ఎన్ని గండాలు గడిచాయొ
ఎంత జాతకుడమ్మ అనిపించినావు

జో అచ్యుతానంద జోజో ముకుందా...
రార పరమానంద రామగోవిందా...
జో జో...

చరణం 3 :

కాళింది పొగరణచి కంసుణ్ణి పరిమార్చి
కన్నవారికి చెరలు తొలగించినాడు
వసుదేవ తనయుని వారసత్వము నిలిపి
నీవారి వెతలెల్ల నీవె తీర్చేవు

చిలిపి కృష్ణునితోటి చేసేవు పోటీ
ఆ స్వామితో నీవు అన్నింట సాటి
చిలిపి కృష్ణునితోటి చేసేవు పోటీ
ఆ స్వామితో నీవు అన్నింట సాటి
జో జో... జో జో
జో జో... జో జో
జో జో... జో జో