శ్రీ వినాయక విజయం(1979)

పల్లవి :

ఎవరవయ్యా...  ఎవరవయ్యా..

ఏ దివ్య భువి నుండి దిగీ..

ఈ అమ్మ ఒడిలోన ఒదిగీ..

ఎవరవయ్యా...  ఎవరవయ్యా..

ఏ దివ్య భువి నుండి దిగీ..

ఈ అమ్మ ఒడిలోన ఒదిగీ..

ఎవరవయ్యా... 

చరణం 1 :

ఆ కనుల వెలిగేవి ఏ జ్యోతులో గాని

ఆ కనుల వెలిగేవి ఏ జ్యోతులో గాని

ఆ నవులు పలికేవి ఏ వేద మంత్రాలో

వేల్పులందరిలోనా తొలి వేల్పువో ఏమో

పూజలలో మొదటి పూజ నీదేనేమో

పూజలలో మొదటి పూజ నీదేనేమో

ఎవరవయ్యా.. ఎవరవయ్యా..

ఏ దివ్య భువి నుండి దిగీ..

ఈ అమ్మ ఒడిలోన ఒదిగీ..

ఎవరవయ్యా.. 

చరణం 2 :

 చిట్టిపొట్టి నడకలూ జిలిబిలి పలుకులూ

చిట్టిపొట్టి నడకలూ జిలిబిలి పలుకులూ

ఇంతలో ఔరౌర ఎన్నెన్ని విద్యలో... ఎన్నెన్ని వింతలో...

ఎన్నెన్ని కోరికలు నిండి 

నే కన్న ఎన్నెన్నో స్వప్నాలు పండి..

చిన్నారి ఈ మూర్తివైనావో

ఈరేడు లోకాలు ఏలేవో

ఈరేడు లోకాలు ఏలేవో

ఎవరవయ్యా.. ఎవరవయ్యా..

ఏ దివ్య భువి నుండి దిగీ..

ఈ అమ్మ ఒడిలోన ఒదిగీ..

ఎవరవయ్యా.. ఎవరవయ్యా..

ఎవరవయ్యా.. ఎవరవయ్యా..

చిత్రం :  శ్రీ వినాయక విజయం(1979)

సంగీతం :  ఎస్. రాజేశ్వరరావు

గీతరచయిత :  దేవులపల్లి

నేపధ్య గానం :   సుశీల