మాయాబజార్ (1957)

చిత్రం :  మాయాబజార్ (1957)
సంగీతం :  ఘంటసాల
గీతరచయిత :  పింగళి
నేపధ్య గానం :  ఘంటసాల, సావిత్రి

పల్లవి:

సుందరి నీ వంటి దివ్య స్వరూపము
ఎందెందు వెదకిన లేదు కదా
ఎందెందు వెదకిన లేదు కదా
నీ అందచందాలింక నావే కదా
సుందరి.. ఓహో సుందరి.. ఆహా సుందరి
నీ వంటి దివ్య స్వరూపము
ఎందెందు వెదకిన లేదు కదా


దూరం దూరం...ఆ..
దూరమెందుకే చెలియా వరియించి
వచ్చిన ఆర్య పుత్రుడింక నేనే కదా
ఆ..
దూరమెందుకే చెలియా వరియించి
వచ్చిన ఆర్య పుత్రుడింక నేనే కదా
మన పెళ్లి వేడుకలింక రేపే కదా

అయ్యో.. సుందరి....
ఆహా సుందరి.. ఓహో సుందరి
సుందరి నీ వంటి దివ్య స్వరూపము
ఎందెందు వెదకిన లేదు కదా


చరణం 1:

రేపటి దాకా ఆగాలి... ఆ...
అగుమంటు సఖియా అరమరలెందుకే
సొగసులన్నీ నాకు నచ్చేగదా
ఊ....
అగుమంటు సఖియా అరమరలెందుకే
సొగసులన్నీ నాకు నచ్చేగదా
నీ వగల నా విరహము హెచ్చేకదా

సుందరి.. ఓహో సుందరి.. ఆహ సుందరి
నీ వంటి దివ్య స్వరూపము
ఎందెందు వెదకిన లేదు కదా
నీ వగల నా విరహము హెచ్చేకదా


చరణం 3:

హెచ్చితే ఎలా? పెద్దలున్నారు...
పెద్దలున్నారంటు హద్దులెందుకె రమణి..
ఊ.. ఆ...

పెద్దలున్నారంటు హద్దులెందుకె రమణి
వద్దకు చేరిన పతినే కదా..ఆ...ఆ.. ఆ
పెద్దలున్నారంటు హద్దులెందుకె రమణి
వద్దకు చేరిన పతినే కదా.....
నీ ముద్దు ముచ్చటలింక నావే కదా

నీవంటి దివ్య స్వరూపము
ఎందెందు వెదకిన లేదు కదా...
ఊ.. అహ...సుందరి ...సుందరి ఓహో సుందరి ..
ఒహొ సుందరి... ఊ.. ఒహొ...సుందరి ....ఓహో సుందరి

****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత  :  పింగళి
నేపధ్య గానం :  ఘంటసాల, పి. లీల

పల్లవి:

లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా

లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
ఆ... ఆ...ఆ... ఆ...ఆ... ఆ...

చరణం 1:

తారాచంద్రుల విలాసములతో.. విరిసే వెన్నెల పరవడిలో ఉరవడిలో
తారాచంద్రుల విలాసములతో.. విరిసే వెన్నెల పరవడిలో..
పూల వలపుతో ఘుమఘుమలాడే పిల్ల వాయువుల లాలనలో...

లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
ఆ... ఆ...ఆ... ఆ...

చరణం 2:

అలల ఊపులో తీయని తలపులు... చెలరేగే ఈ కలకలలో.. మిలమిలలో
అలల ఊపులో తీయని తలపులు చెలరేగే ఈ కలకలలో
మైమరపించే ప్రేమానౌకలో హాయిగ చేసే విహారణలో..

లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
ఆ... ఆ...ఆ... ఆ...ఆ... ఆ...

చరణం 3:

రసమయ జగమును రాసక్ఱీడకు ఉసిగొలిపే ఈ మధురిమలో.. మధురిమలో
రసమయ జగమును రాసక్ఱీడకు ఉసిగొలిపే ఈ మధురిమలో..
ఎల్లరి మనములు ఝల్లన జేసే చల్లని దేవుని అల్లరిలో...

లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
లాహిరి లాహిరి లాహిరిలో
ఒహో జగమే వూగేనుగా వూగేనుగా తూగెనుగా
ఆ... ఆ...ఆ... ఆ...ఆ... ఆ...

****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత :  పింగళి
నేపధ్య గానం :  మాధవపెద్ది సత్యం

పల్లవి:

భళి భళి భళి భళి దేవా... ఆ... బాగున్నదయా నీ మాయా
భళి భళి భళి భళి దేవా... ఆ... బాగున్నదయా నీ మాయా
బహు బాగున్నదయా నీ మాయా

చరణం 1:

ఒకరికి ఖేదం ఒకరికి మోదం
సకలము తెలిసిన నీకు వినోదం
నీవారెవరో పై వారెవరో...
నీవారెవరో పై వారెవరో..
ఆ విధికైనను తెలియదయా .. బాగున్నదయా నీ మాయా


చరణం 2:

సుఖదుఃఖాలతో గుంజాటనబడు లోకము నీ చెలగాటమయా
లీలలు మాయలు నీ గుణకథలు..
లీలలు మాయలు నీ గుణకథలు
 తెలిసినవారే ధన్యులయా .. బాగున్నదయా నీ మాయా

భళి భళి భళి భళి దేవా... ఆ... బాగున్నదయా నీ మాయా
భళి భళి భళి భళి దేవా... ఆ... బాగున్నదయా నీ మాయా
బహు బాగున్నదయా నీ మాయా

****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత :  సముద్రాల (సీనియర్)
నేపధ్య గానం :  ఘంటసాల, పి. లీల

పల్లవి:

నీవేనా...
నీవేనా నను తలచినది...
నీవేనా నను పిలచినది...
నీవేనా నా మదిలో నిలిచి...
హృదయము కలవరపరచినది... నీవేనా...

నీవేలే నను తలచినది...
నీవేలే నను పిలచినది...
నీవేలే నా మదిలో నిలిచి...
హృదయము కలవరపరచినది... నీవేలే...


చరణం 1:

కలలోనే ఒక మెలకువగా... ఆ మెలకువలోనే ఒక కలగా...
కలలోనే ఒక మెలకువగా... ఆ మెలకువలోనే ఒక కలగా...
కలయో నిజమో వైష్ణవమాయో...
తెలిసి తెలియని అయోమయంలో...


నీవేనా నను తలచినది... నీవేనా నను పిలచినది...
నీవేనా నా మదిలో నిలిచి... హృదయము కలవరపరచినది...
నీవేనా...


చరణం 2:

కనుల వెన్నెల కాయించి...  నా మనసున మల్లెలు పూయించి
కనుల వెన్నెల కాయించి...  నా మనసున మల్లెలు పూయించి
కనులను మనసును కరిగించి... మైమరపించి..  నన్నలరించి...


నీవేలే నను తలచినది... నీవేలే నను పిలచినది...
నీవేలే నా మదిలో నిలిచి...హృదయము కలవరపరచినది...
నీవేలే...
నీవేలే...

****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత :  సముద్రాల (సీనియర్)
నేపధ్య గానం :  ఘంటసాల, పి. లీల

పల్లవి:

నీకోసమె నే జీవించునది
ఈ విరహములో ఈ నిరాశలో..
నీకోసమె నే జీవించునది

వెన్నెల కూడా చీకటియైనా
మనసున వెలుగే లేక పోయినా..........
నీకోసమె నే జీవించునది


చరణం 1:

విరహము కూడా సుఖమే కాదా
నిరతము చింతన మధురము కాదా
విరహము కూడా సుఖమే కాదా
నిరతము చింతన మధురము కాదా
వియోగ వేళల విరిసే ప్రేమల విలువను కనలేవా ...

నీ రూపమె నే ధ్యానించునది
నా హృదయములో...నా మనస్సులో ...
నీరూపమె నే ధ్యానించునది

చరణం 2:

హృదయము నీతో వెడలిపోయినా.. మదిలో ఆశలు మాసిపోయినా
మన ప్రేమలనే మరి మరి తలచి ప్రాణము నిలుపుకొనీ
నీకోసమె నే జీవించునది...

చరణం 3:

మెలకువనైనా కలలోనైనా కొలుతును నిన్నే ప్రణయదేవిగా
లోకములన్ని ఏకమె అయినా ఇక నా దానవెగా..
నీ రూపమెనే ధ్యానించునది... ఈ విరహాములో..ఈ నిరాశలో
... నీకోసమె నే జీవించునది
****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత :  సముద్రాల (సీనియర్)
నేపధ్య గానం :  ఘంటసాల, పి. లీల

పల్లవి:

చూపులు కలసిన శుభవేళా..
ఎందుకు నీకీ కలవరము.. ఎందుకు నీకీ కలవరము
ఉల్లాసముగా నేనూహించిన అందమె నీలో చిందెనులే
చూపులు కలసిన శుభవేళా... ఎందుకు నీకీ కలవరము

చూపులు కలసిన శుభవేళా...
ఎందుకు నీకీ పరవశము.. ఎందుకు నీకీ పరవశము
ఏకాంతములో ఆనందించిన నా కలలే నిజమాయెనులే
చూపులు కలసిన శుభవేళ.. ఎందుకు నీకీ పరవశము

చరణం 1:

ఆలాపనలు సల్లాపములు.. కలకల కోకిల గీతములే..ఏ..ఏ...ఏ..
ఆలాపనలు సల్లాపములు.. కలకల కోకిల గీతములే
చెలువములన్ని చిత్ర రచనలే..ఏ..ఏ..
చెలువములన్ని చిత్ర రచనలే
చలనములోహో..  నాట్యములే..
చూపులు కలసిన శుభవేళ..  ఎందుకు నీకీ కలవరము


చరణం 2:

శరముల వలనే చతురోక్తులను చురుకుగా విసిరే నైజములే..ఏ..ఏ..ఏ..
శరముల వలనే చతురోక్తులను చురుకుగ విసిరే నైజములే
ఉద్యానమున వీర విహారమే..ఏ..ఏ...
ఉద్యానమున వీర విహారమే..
తెలిపెదనో హో శౌర్యములే
చూపులు కలసిన శుభవేళా..  ఎందుకు నీకీ పరవశము
...ఎందుకు నీకీ కలవరము

****** ********** ***********
చిత్రం  :  మాయాబజార్ (1957)
సంగీతం :  ఘంటసాల
గీతరచయిత  :  పింగళి
నేపధ్య గానం  :  ఘంటసాల,  సుశీల

పల్లవి:

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట.. ఓహొ నా పెళ్ళంట
మీకు నాకు చెల్లంట లోకమెల్ల గోలంట
టాం టాం టాం

చరణం 1:

వీరాధి వీరులంట ధరణీ కుబేరులంటా
భోరు భోరు మంటు మా పెళ్ళివారు వచ్చిరంట
వీరాధి వీరులంట ధరణి కుబేరులంట
భోరు భోరు మంటు మా పెళ్ళివారు వచ్చిరంట
అబ్బబ్బబ్బబ్బబ్బబ్బబ్బబ్బబ్బో
హహ్హహ్హహ్హ

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట.. ఓహొ నా పెళ్ళంట
మీకు నాకు చెల్లంట లోకమెల్ల గోలంట
టాం టాం టాం

చరణం 2:

బాలా కుమారులంట చాలా సుకుమారులంట
బాలా కుమారులంట చాలా సుకుమారులంట
పెళ్ళికొడుకు నన్ను చూసి మురిసి మూర్ఛ పోవునంట
అయ్యయ్యయ్యయ్యయ్యయ్యయ్యయ్యో
హహ్హహ్హహ్హ

ఆహ నా పెళ్ళియంటా
ఓహొ నా పెళ్ళియంటా
ఆహ నా పెళ్ళంట... ఓహొ.. నా పెళ్ళంట
మీకు నాకు చెల్లంట లోకమెల్ల గోలంట
టాం టాం టాం


చరణం 3:

తాళిగట్ట వచ్చునంట
తాళిగట్ట వచ్చునంట తగని సిగ్గునాకంట
సా ద ని స మ మ మా ప ద ప మ గ
తాళిగట్ట వచ్చునంట..
పపప ద మమమ ప దదద మరిగమప
తాళిగట్ట వచ్చునంట..
తథొం థొం థొం థొం.. తక ధీం ధీం ధీం
థక థొం థక ధీం థ
అటు తంతాం ఇటు తంతాం
తంతాంతంతాం తాం
స ని ద ప మ గ రి స

తాళిగట్ట వచ్చునంటా
తాళిగట్ట వచ్చునంటా తగని సిగ్గునాకంట
మేలిముసుగు చాటుతీసి దాగుడు మూతలాడునంట

అహహహహహ.. అహహహహహ.. ఆహహహహహహహహ

****** ********** ***********
చిత్రం :  మాయాబజార్ (1957)
సంగీతం :  ఘంటసాల
గీతరచయిత :  పింగళి
నేపధ్య గానం :  మాధవపెద్ది సత్యం

పల్లవి:

అహహహహహా వివాహభోజనంబు ఆహా హా
వివాహ భోజనంబు వింతైన వంటకంబు
వియ్యాలవారి విందు ఓ హో హో నాకె ముందు
వివాహ భోజనంబు వింతైన వంటకంబు
వియ్యాలవారి విందు ఓ హో హో నాకె ముందు
అహాహా అహాహా అహాహా అహాహాహా

చరణం 1:

ఔరౌరా గారెలల్ల... అయ్యారె బూరెలిల్ల
ఔరౌరా గారెలల్ల ...అయ్యారె బూరెలిల్ల
ఓ హో రే అరెసెలిల్ల... అహాహా... అహాహా
ఇయెల్ల నాకె చెల్ల...

వివాహ భోజనంబు వింతైన వంటకంబు
వియ్యాలవారి విందు ఓ హో హో నాకె ముందు
అహాహా అహాహా అహాహా అహాహాహా

చరణం 2:

భళేరె లడ్డు లందు వహ్ తేనిపోని ఇందు
భలే జిలాబి ముందు అహాహా హాహా
ఇయెల్ల నాకే విందు

వివాహ భోజనంబు వింతైన వంటకంబు
వియ్యాలవారి విందు ఓ హో హో నాకె ముందు
అహాహా అహాహా అహాహా అహాహాహా


చరణం 3:

మఝారె అప్పడాలు... పులిహోర దప్పడాలు
మజారే అప్పడాలు ....పులిహోర దప్పడాలు
వహ్వారే పాయసాలు అహా హాహాహా
ఇయెల్ల నాకే చాలు...

వివాహ భోజనంబు వింతైన వంటకంబు
వియ్యాలవారి విందు ఓ హో హో నాకె ముందు
అహాహా అహాహా అహాహా అహాహాహా
అహాహా అహాహా అహాహా అహాహాహా