గులేబకావళి కథ (1962)

చిత్రం : గులేబకావళి కథ (1962)
సంగీతం : జోసఫ్ కృష్ణమూర్తి
గీతరచయిత : సినారె
నేపధ్య గానం : ఘంటసాల

పల్లవి :


ఒంటరినైపోయాను... ఇక ఇంటికి ఏమనిపోనూ
ఒంటరినైపోయాను... ఇక ఇంటికి ఏమనిపోనూ
ఒంటరినైపోయాను...

చరణం 1 :


నాపై ఆశలు నిలుపుకున్న... నా తల్లి ఋణము చెల్లించనైతిని
నాపై ఆశలు నిలుపుకున్న... నా తల్లి ఋణము చెల్లించనైతిని
ఎవరికీ గాక...  ఏ దరిగానక
ఎవరికీ గాక...  ఏ దరిగానక
చివికి చివికి నే మ్రోడైపోతిని

ఒంటరినైపోయాను... ఇక ఇంటికి ఏమనిపోనూ
ఒంటరినైపోయాను...


చరణం 2 :


నన్నే దైవమని నమ్ముకున్న నా ఇల్లాలిని ఎడబాసితిని
నన్నే దైవమని నమ్ముకున్న నా ఇల్లాలిని ఎడబాసితిని
బ్రతుకే బరువుగా తిరిగి తిరిగి... ఈ
బ్రతుకే బరువుగా తిరిగి తిరిగి... ఈ బండలలో ఒక బండనైతిని

ఒంటరినైపోయాను... ఇక ఇంటికి ఏమనిపోనూ
ఒంటరినైపోయాను...


చరణం 3 :


వలచిన కన్యను వంచనజేసి... నలుగురిలో తలవంపులుజేసి
వలచిన కన్యను వంచనజేసి... నలుగురిలో తలవంపులుజేసి
గుండె ఆవిరైపోవుచుండ...
ఈ గుండె ఆవిరైపోవుచుండ
ఈ మొండి బ్రతుకు నేనీడ్చుచుంటిని


ఒంటరినైపోయాను... ఇక ఇంటికి ఏమనిపోనూ
ఒంటరినైపోయాను... నే  ఒంటరినైపోయాను... 



******** ******* ************ ********
చిత్రం: గులేబకావళి కథ (1962)
సంగీతం: జోసఫ్ కృష్ణమూర్తి
గీతరచయిత: సినారె
 నేపధ్య గానం: సుశీల

పల్లవి:

మదనా సుందర నా దొరా...
ఓ మదనా సుందర నా దొరా
నా మది నిన్ను గని పొంగినదిరా వన్నె దొర..
ఓ మదనా సుందర నాదొరా...

చిన్న దానను నేను వన్నెకాడవు నీవు
చిన్న దానను నేను వన్నెకాడవు నీవు
నాకూ నీకూ జోడు …. నాకూ నీకూ జోడు రాకా చంద్రుల తోడు...
మదనా సుందర నాదొరా...

చరణం 1:

మిసిమి వెన్నెలలోన పసిడి తిన్నెల పైన...
మిసిమి వెన్నెలలోన... పసిడి తిన్నెల పైన
రసకేళి తేలి … రసకేళి తేలి... పరవశామౌద మీవేళ

మదనా సుందర నా దొరా

చరణం 2 :

గిలిగింత లిడ ఇంత పులకింత లేదేమి...
గిలిగింత లిడ ఇంత పులకింత లేదేమి
వుడికించ కింకా ….. వుడికించ కింక
 చూడొకమారు నా వంక

మదనా సుందర నా దొరా...

చరణం 3 :

మరులు సైపగ లేను.. విరహామోపగ లేను....
మరులు సైపగ లేను.. విరహామోపగ లేను
మగరాయడా రా రా …… మగరాయడా రా రా బిగి కౌగిలీ తేర...
మదనా సుందర నా దొరా
నా మది నిన్ను గని పొంగినదిరా వన్నె దొర....
 ఓ మదన సుందర నా దొరా...

******** ******* ************ ********
చిత్రం: గులేబకావళి కథ (1962)
సంగీతం: జోసఫ్ కృష్ణమూర్తి
గీతరచయిత: సినారె
నేపధ్య గానం: ఘంటసాల, సుశీల

పల్లవి:

నన్ను దోచుకుందువటె వన్నెల దొరసాని
కన్నులలో దాచుకొందు నిన్నే నా సామి నిన్నే నా సామి

చరణం 1:

తరియింతును నీ చల్లని చరణమ్ముల నీడలోన
తరియింతును నీ చల్లని చరణమ్ముల నీడలోన
పూలదండవోలె కర్పూర కళికవోలె కర్పూర కళికవోలె

ఎంతటి నెఱజాణవో నా అంతరంగమందు నీవు
ఎంతటి నెఱజాణవో నా అంతరంగమందు నీవు
కలకాలము వీడని సంకెలలు వేసినావు.. సంకెలలు వేసినావు

నన్ను దోచుకుందువటె వన్నెల దొరసాని
కన్నులలో దాచుకొందు నిన్నే నా సామి నిన్నే నా సామి

చరణం 2:

నా మదియే మందిరమై నీవే ఒక దేవతవై
నా మదియే మందిరమై నీవే ఒక దేవతవై
వెలసినావు నాలో నే కలసిపోదు నీలో కలసిపోదు నీలో

ఏనాటిదో మనబంధం ఎరుగరాని అనుబంధం
ఏనాటిదో మనబంధం ఎరుగరాని అనుబంధం
ఎన్ని యుగాలైన ఇది ఇగిరిపోని గంధం
ఇగిరిపోని గంధం...

నన్ను దోచుకుందువటె వన్నెల దొరసాని
కన్నులలో దాచుకొందు నిన్నే నా సామి నిన్నే నా సామి

******** ******* ************ ********

చిత్రం: గులేబకావళి కథ (1962)
సంగీతం: జోసెఫ్-కృష్ణమూర్తి
గీతరచయిత: సినారె
నేపధ్య గానం: ఘంటసాల, జానకి

పల్లవి:

కలల అలలపై తేలెను... మనసు మల్లెపూవై...
ఎగసి పోదునో చెలియా... నీవే ఇక నేనై...
కలల అలల పై..

చరణం 1:

జలకమాడు జవరాలిని.. చిలిపిగ చూసేవెందుకు
జలకమాడు జవరాలిని.. చిలిపిగ చూసేవెందుకు
తడిసి తడియని కొంగున... ఒడలు దాచుకున్నందుకు..
తడిసి తడియని కొంగున... ఒడలు దాచుకున్నందుకు..

చూపుతోనే హృదయ వీణ ఝుమ్మనిపించేవెందుకు
చూపుతోనే హృదయ వీణ ఝుమ్మనిపించేవెందుకు
విరిసీ విరియని పరువము... మరులు గొలుపుతున్నందుకు..
విరిసీ విరియని పరువము... మరులు గొలుపుతున్నందుకు..
కలల అలల పై..

చరణం 2:

సడి సవ్వడి వినిపించని నడి రాతిరి ఏమన్నది
సడి సవ్వడి వినిపించని నడి రాతిరి ఏమన్నది
జవరాలిని చెలికాణిని... జంట గూడి రమ్మన్నది
జవరాలిని చెలికాణిని... జంట గూడి రమ్మన్నది

విరజాజులు పరిమళించు విరుల పానుపేమన్నది
విరజాజులు పరిమళించు విరుల పానుపేమన్నది
అగుపించని ఆనందము... బిగికౌగిట కలదన్నది..
అగుపించని ఆనందము... బిగికౌగిట కలదన్నది..

కలల అలలపై తేలెను మనసు మల్లెపూవై...
ఎగసి పోదునో చెలియా... నీవే ఇక నేనై...
కలల అలల పై..