జీవన తీరాలు (1977)

చిత్రం: జీవన తీరాలు (1977)
సంగీతం: చక్రవర్తి
గీతరచయిత: వీటూరి
నేపధ్య గానం: బాలు, సుశీల

పల్లవి:

కెరటానికి ఆరాటం.. తీరం చేరాలని..
తీరానికి ఉబలాటం.. ఆ కెరటం కావాలని..
కెరటానికి ఆరాటం.. తీరం చేరాలని..
తీరానికి ఉబలాటం.. ఆ కెరటం కావాలని..
ఎందుకో ఆ ఆరాటం.. అందుకే...
అందుకే.. ఆ ఉబలాటం

కెరటానికి ఆరాటం.. తీరం చేరాలని..

చరణం 1:

కురులపై మెరిసే చినుకులు.. ఆణిముత్యాలై
తనువుపై కురిసే చినుకులు.. తడితడి ముచ్చటలై..
మది లోపలి తెర తీసి... మారాము చేస్తుంటే...
మది లోపలి తెర తీసి... మారాము చేస్తుంటే...
పదునైన కోరిక ఏదో పెదవినే గురి చూస్తుంది..

ఎందుకో ఈ ఆరాటం.. అందుకే...
అందుకే.. ఆ ఉబలాటం

చరణం 2:

ఏమి వెన్నెల ఎంతకూ మన ఇద్దరి పైనే పడుతున్నది
తనకు దాహం వేసిందేమో.. మనలనల్లరి పెడుతున్నది
ఎంతెంత దగ్గరగా...ఆ... ఇద్దరమూ ఉన్నా...
మరికాస్తా... ఇంకాస్తా.. ఒదిగిపొమ్మని...
మౌనంగా ఉరుముతున్నది... వెన్నెల ఉరుముతున్నది

ఎందుకో ఈ ఆరాటం.. అందుకే...
అందుకే.. ఆ ఉబలాటం

చరణం 3:

ఇది వసంతమని తెలుసు.. కోయిల పాటలకు
ఇదే మూలమని తెలుసు.. తీయని పంటలకు
లలిత లలిత యువ పవన చలిత పల్లవ దళాలలోనా
రమణీయ కుసుమ రమణీరంజిత నమరగీతిలోనా..
నవనవలాడే అనుభవమేదో.. నన్నే అలగా మలచుకున్నది
నన్నే అలగా మలచుకున్నది

అందుకే ఈ ఆరాటం.. ఇందుకే..
ఇందుకే.. ఆ ఉబలాటం...

కెరటానికి ఆరాటం.. అహహ..
తీరం చేరాలని..
తీరానికి ఉబలాటం.. అహహ
ఆ కెరటం కావాలని..

లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...

************ ******************* *******

చిత్రం: జీవన తీరాలు (1977)
సంగీతం: చక్రవర్తి
గీతరచయిత: వేటూరి
నేపధ్య గానం: సుశీల

పల్లవి:

ఆ... ఆ.. ఆ... ఆ....
ఏ రాగమనే పాడను... ఏ తీగ నే మీటను
ఏ రాగమనే పాడను... ఏ తీగ నే మీటను
ఎదుట రూపమే ఎదను దీపమై...
నుదిటి తిలకమై మెరిసిన వేళా...
నవరస.. కన్నడ.. వసంత.. వరాళి..
మోహన.. కళ్యాణి.. ఆనందభైరవి...
ఆ... ఆ... ఆ... ఆ

ఏ రాగమనే పాడను... ఏ తీగ నే మీటను

చరణం 1:

మూగవేదనకు రాగాలన్నీ.. ముద్దు మాటలని తెలుసు
రాగమేది నే ఆలపించినా.. యోగమిదేనని తెలుసు
మూగవేదనకు రాగాలన్నీ.. ముద్దు మాటలని తెలుసు
రాగమేది నే ఆలపించినా.. యోగమిదేనని తెలుసు

తెలిసి తెలిసి ఏ తీగ మీటినా.. తెల్లవారదా నా బ్రతుకు
తెలిసి తెలిసి ఏ తీగ మీటినా.. తెల్లవారదా నా బ్రతుకు
నీ చల్లని నవ్వుల వెన్నెలలే.. నా సిగను పువ్వులై విరిసిన వేళా...

నవరస.. కన్నడ.. వసంత.. వరాళి..
మోహన.. కళ్యాణి.. ఆనందభైరవి...
ఆ... ఆ... ఆ... ఆ
ఏ రాగమనే పాడను... ఏ తీగనే మీటను

చరణం 2:

వయసు వసంతాలాడిన నాడు... మనసు మోడుగా మిగిలింది
ఎడారి దారుల నడచిన నాడు... ఎదలో కోయిల పలికింది
వయసు వసంతాలాడిన నాడు... మనసు మోడుగా మిగిలింది
ఎడారి దారుల నడచిన నాడు... ఎదలో కోయిల పలికింది

గతము తలచి నా గతికి వగచి నేనున్న వేళ నాకున్నావు..
గతము తలచి నా గతికి వగచి నేనున్న వేళ నాకున్నావు..
నీ చల్లని చూపుల పల్లవితో... నా బ్రతుకు పాటగా మారిన వేళా...


ఏ రాగమనే పాడను... ఏ తీగనే మీటను
ఎదుట రూపమే ఎదను దీపమై...
నుదిటి తిలకమై మెరిసిన వేళా...
నవరస.. కన్నడ.. వసంత.. వరాళి..
మోహన.. కళ్యాణి.. ఆనందభైరవి...
ఆ... ఆ... ఆ... ఆ