ఈనాటి ఈ బంధం ఏనాటిదో (1977)

చిత్రం: ఈనాటి ఈ బంధం ఏనాటిదో (1977) 
సంగీతం: ఎస్. రాజేశ్వరరావు 
గీతరచయిత: ఎం. బాలయ్య 
నేపధ్య గానం: బాలు, సుశీల 


పల్లవి: 

శిలనొక్క ప్రతిమగా...మలచింది నీవే... 
ఆ ప్రతిమనీ.. దైవముగా...కొలిచింది నీవే... 
నేననుకున్నది కాదూ...ఇది నేననుకున్నది కాదూ... 
కలనైనా తలచింది కానే కాదు...ఏనాటిదో ఈ బంధం... 
ఈ వెన్నెల్లా.. జాబిల్లి అనుబంధం.... 

మదినొక్క గుడివోలే...మలచింది నీవే... 
ఆ గుడిలోనే కరుణతో...వెలసింది నీవే.... 

నేననుకున్నది కాదూ...ఇది నేననుకున్నది కాదూ... 
కలనైనా తలచింది కానే కాదు...ఏనాటిదో ఈ బంధం... 
ఈ వెన్నెల్లా... జాబిల్లి అనుబంధం.... 
నేననుకున్నది కాదూ...ఇది నేననుకున్నది కాదూ... 

చరణం 1: 

నీ చెంతగ ఎన్నాళ్ళున్నా...నిన్ను చేరుకోలేదు... 
ఎదుట ఉన్న పారిజాతం ..ఎదను చేర్చుకోలేదు... 

అపరంజి కోవెల ఉన్నా..అలరారు దైవం ఉన్నా... 
ఆ గుడితలుపులు ఈనాడే తెరచుకున్నాయి...లోనికి పిలుచుకున్నాయి.... 

నేననుకున్నది కాదూ...ఇది నేననుకున్నది కాదూ... 

చరణం 2: 

కడలి నిండ నీరున్నా..కదలలేని నావను నేను.. 
అడగాలని మదిలో ఉన్నా.. పెదవి కదపలేకున్నాను.. 
నావకు తెరచాపనై...నడిపే చిరుగాలినై... 
కలలో.. ఇలలో ..నీ కోసం పలవరించేనూ...నీలో కలిసిపోయేనూ... 

నేననుకున్నది కాదూ...ఇది నేననుకున్నది కాదూ... 
కలనైనా తలచింది కానే కాదు...ఏనాటిదో ఈ బంధం... 
ఈ వెన్నెల్లా జాబిల్లి అనుబంధం....ఉమ్మ్...ఉమ్మ్.. 
నేననుకున్నది కాదూ...ఇది నేననుకున్నది కాదూ...

********** ************ *************

చిత్రం: ఈనాటి ఈ బంధం ఏనాటిదో (1977)
సంగీతం: ఎస్. రాజేశ్వరరావు
గీతరచయిత: దేవులపల్లి
నేపధ్య గానం: సుశీల

పల్లవి:

ఆ ఆ ఆ ఆ ఆ ఆ ఆ ఆ ఆ ఆ ఆ
ఎవరు నేర్పేరమ్మ ఈ కొమ్మకు ..పూలిమ్మనీ రెమ్మ రెమ్మకు .....
ఎవరు నేర్పేరమ్మ ఈ కొమ్మకు.. పూలిమ్మనీ రెమ్మ రెమ్మకు...
ఎంత తొందరలే హరి పూజకు ...ప్రొద్దు పొడవకముందే పూలిమ్మనీ .....
ఎవరు నేర్పేరమ్మ ఈ కొమ్మకు... పూలిమ్మనీ రెమ్మ రెమ్మకు..

చరణం 1:

కొలువైతివా దేవి నాకోసము...కొలువైతివా దేవి నాకోసము..
తులసీ ..... తులసీ దయాపూర్ణకలశీ...
కొలువైతివా దేవి నాకోసము..తులసీ....తులసీ దయాపూర్ణకలశీ...
మల్లెలివి నా తల్లి వరలక్ష్మికి ..... ఆ ఆ ఆ ఆ ఆ ఆ ఆ ఆ ఆ
మల్లెలివి నా తల్లి వరలక్ష్మికి .....
మొల్లలివి ...నన్నేలు నా స్వామికి...

ఎవరు నేర్పేరమ్మ ఈ కొమ్మకు... పూలిమ్మనీ రెమ్మ రెమ్మకు
ఎంత తొందరలే హరి పూజకు... ప్రొద్దు పొడవకముందే పూలిమ్మనీ ...

చరణం 2:

ఏ లీల సేవింతు.. ఏమనుతు కీర్తింతు...
ఏ లీల సేవింతు.. ఏమనుతు కీర్తింతు
సీత మనసే నీకు సింహాసనం...
ఒక పువ్వు పాదాల....ఒక దివ్వె నీ మ్రోల....
ఒక పువ్వు పాదాల...ఒక దివ్వె నీ మ్రోల
ఒదిగి నీ ఎదుట ఇదే వందనం .....
ఇదే వందనం .....

ఉం..ఉమ్మ్..ఉమ్మ్..ఉమ్మ్...ఉమ్మ్....ఉమ్మ్...ఉమ్మ్...

********** ************ *************

చిత్రం: ఈనాటి ఈ బంధం ఏనాటిదో (1977)
సంగీతం: ఎస్. రాజేశ్వరరావు
గీతరచయిత: ఎం. బాలయ్య
నేపధ్య గానం: సుశీల

పల్లవి:

ఎవరికి చెప్పేది? ఏమని చెప్పేది?
నేనెవరికి చెప్పేది మనసిప్పేమని చెప్పేది
హోరున వీచే గాలికా.. చిరుగాలికా..
ఉరకలు వేసే నీటికా.. సెలయేటికా..
ఎవరికి చెప్పేది? ఏమని చెప్పేది?

చరణం 1:

నీటిలోని కలువను నేను.. నింగినేలే జాబిలి తాను
నీటిలోని కలువను నేను.. నింగినేలే జాబిలి తాను
నన్నే తలచి మదిలో వలచి
నన్నే తలచి మదిలో వలచి
దివి నుండి తానె దిగి రాగా ఆ ఆ ఆ...
కలవరపరచే కమ్మని తలపులు.. ఇవి.. ఇవి..
అని ఎవరికి చెప్పేది? ఏమని చెప్పేది?

చరణం 2:

మల్లె తీగలు పందిరి కోసం ఎదిగెదిగి ఎగబాకిన చందం
మల్లె తీగలు పందిరి కోసం ఎదిగెదిగి ఎగబాకిన చందం
పొందు కోరి పొంచిన పరువం
పొందు కోరి పొంచిన పరువం
నచ్చిన వానిని పెనేసుకోదా.. ఆ ఆ ఆ..
ఉప్పెనలా వచ్చే ఊహలు ఇవి.. ఇవి..
అని ఎవరికి చెప్పేది? ఏమని చెప్పేది?
నేనెవరికి చెప్పేది మనసిప్పేమని చెప్పేది
హోరున వీచే గాలికా చిరుగాలికా
ఉరకలు వేసే నీటికా సెలయేటికా..
లాల లలల లలాలల
లాల లలల లలాలల